Begin typing your search above and press return to search.
exit_to_app
exit_to_app
Posted On
date_range 6 April 2021 1:39 AM GMT Updated On
date_range 6 April 2021 1:39 AM GMTക്യൂവിൽ നിൽക്കുമ്പോൾ...
text_fieldsbookmark_border
ക്യൂവിൽ നിൽക്കുമ്പോൾ
ഒരാൾ അർധരാത്രിയിൽ വന്ന്
നമ്മുടെ ഉറക്കം
കെടുത്തുന്നതോർക്കുക
ക്യൂവിൽ നിൽക്കുമ്പോൾ
പെട്ടിയും കിടക്കയും
ചുമന്ന് ജനിച്ച നാട്
വിടുന്നതോർക്കുക
ക്യൂവിൽ നിൽക്കുമ്പോൾ
മരുന്ന് വാങ്ങാൻ പണമില്ലാതെ
ബാങ്കിന് മുന്നിൽ കാത്തുനിന്ന്
മരിച്ചവരുടെ ഹൃദയത്തിലേക്ക്
ചെല്ലുക
ക്യൂവിൽ നിൽക്കുമ്പോൾ
പെട്രോൾ പമ്പിൽ നിന്ന്
ഒരാൾ കൈ കൂപ്പി
പരിഹസിച്ച് ചിരിക്കുന്നതോർക്കുക
ക്യൂവിൽ നിൽക്കുമ്പോൾ
കർഷകരിനിയും
തലയോട്ടികളുമായി
സമരം ചെയ്യാൻ വരുന്നത്
കാണുക
ക്യൂവിൽ നിൽക്കുമ്പോൾ
മക്കളെ കാത്തിരിക്കുന്ന
അമ്മമാരുടെ വരികൾ
നീളുന്നുണ്ടെന്നറിയുക
ക്യൂവിൽ നിൽക്കുമ്പോൾ
നാം ദലിതരാവുക
കർഷകരാവുക
തൊഴിലാളികളാവുക
മനുഷ്യരാവുക...
ക്യൂവിൽ നിൽക്കുമ്പോൾ
നാം തീയിൽ നിൽക്കുകയാണ്....!
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story