അൽ ഷിന്ദഗ മ്യൂസിയത്തിൽ ശൈത്യകാല ക്യാമ്പ്​

ദുബൈ: കുട്ടികളിൽ എമിറേറ്റിന്‍റെ പൈതൃക ചരിത്രത്തെ കുറിച്ചുള്ള അറിവുകൾ വർധിപ്പിക്കാൻ അൽ ഷിന്ദഗ മ്യൂസിയത്തിൽ കുട്ടികൾക്കായി ശൈത്യകാല കയാമ്പ്​ സംഘടിപ്പിക്കുന്നു. ‘ആർക്കിയോളജിസ്റ്റ്​സ്​ ണേി’ എന്ന പ്രമേയത്തിൽ ഈ മാസം 16 മുതൽ 27 വരെയാണ്​ ക്യാമ്പ്​. ആറിനും 14നും ഇടയിൽ പ്രായമുള്ളവർക്ക്​ ക്യാമ്പിൽ പ​ങ്കെടുക്കാം.

തിങ്കൾ മുതൽ വ്യാഴം വരെ രാവിലെ 8.30 മുതൽ ഉച്ചക്ക്​ 2.30 വരെയും വെള്ളിയാഴ്ചകളിൽ രാവിലെ 8.30 മുതൽ ഉച്ചക്ക്​ 12.30 വരെയുമാണ്​ ക്യാമ്പ്​ പ്രവർത്തിക്കുക. ശിൽപശാലകൾ ഉൾപ്പെടെ ക്യാമ്പിലെ എല്ലാ പ്രവർത്തനങ്ങളും അറബിയിലും ഇംഗ്ലീഷിലുമുണ്ടാകും. ദുബൈയിലെ ചില പ്രദേശങ്ങളിലേക്ക്​ ഗതാഗത സൗകര്യങ്ങളും ലഭ്യമാകും. വിശദവിവരങ്ങൾക്ക്​ info@dubaiculture.ae കാണുക.