യോ​ഗി​യെ ശി​ക്ഷി​ക്കു​ന്നു, പ​ശു

കേ​ട്ടാ​ൽ ത​മാ​ശ. ഉ​ത്ത​ർ​പ്ര​ദേ​ശ് തെ​ര​ഞ്ഞെ​ടു​പ്പി​ൽ പ​ശു​വി​ന് മ​നു​ഷ്യ​രേ​ക്കാ​ൾ പ്രാ​ധാ​ന്യ​മോ? എ​ന്നാ​ൽ പ​ശു​സം​ര​ക്ഷ​ണ​വും ഗോ​വ​ധ​വും ന​യ​മാ​ക്കി​യ യോ​ഗി സ​ർ​ക്കാ​റി​നെ പ​ശു​ത​ന്നെ ശി​ക്ഷി​ക്കു​ന്ന സ്ഥി​തി​യാ​ണ്. ആ​ന ക​രി​മ്പി​ൻ കാ​ട്ടി​ൽ ഇ​റ​ങ്ങി​യ പോ​ലെ, അ​ല​ഞ്ഞു തി​രി​യു​ന്ന കാ​ലി​ക്കൂ​ട്ട​ങ്ങ​ൾ വി​ള ന​ശി​പ്പി​ക്കു​മ്പോ​ൾ സ​ർ​ക്കാ​ർ ഒ​ന്നും ചെ​യ്യാ​ത്ത​തി​ൽ പ്ര​തി​ഷേ​ധി​ച്ച് ബാ​ന്ദ ജി​ല്ല​യി​ലെ ദ​ശ​ര​ഥ്പു​ർ ഗ്രാ​മ​ക്കാ​ർ വോ​ട്ടെ​ടു​പ്പു​ത​ന്നെ ബ​ഹി​ഷ്ക​രി​ച്ചു.

പ​ശു വോ​ട്ടു തി​ന്നു​മെ​ന്ന ആ​ശ​ങ്ക വ​ർ​ധി​ച്ച​തോ​ടെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി, മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് എ​ന്നി​വ​രു​ടെ​യെ​ല്ലാം പ്ര​സം​ഗ​ങ്ങ​ളി​ൽ പ​ശു പ്ര​ത്യേ​ക പ​രാ​മ​ർ​ശം നേ​ടു​ക​യാ​ണ്. യു.​പി തെ​ര​ഞ്ഞെ​ടു​പ്പു ക​ഴി​ഞ്ഞാ​ലു​ട​ൻ പ​ശു​സം​ര​ക്ഷ​ണ​ത്തി​നും അ​ല​ഞ്ഞു തി​രി​യു​ന്ന കാ​ലി​ക​ൾ​ക്കു​മാ​യി പ്ര​ത്യേ​ക ന​യം ത​ന്നെ പ്ര​ഖ്യാ​പി​ക്കു​മെ​ന്നാ​ണ് ക​ഴി​ഞ്ഞ ദി​വ​സം മോ​ദി ക​ർ​ഷ​ക​ർ​ക്ക് ന​ൽ​കി​യ വാ​ഗ്ദാ​നം. ഗോ​വ​ധ നി​രോ​ധ​ന​വും കാ​ലി സം​ര​ക്ഷ​ണ​വും കൂ​ടു​ത​ൽ ഫ​ല​പ്ര​ദ​മാ​യി ന​ട​പ്പാ​ക്കു​മെ​ന്ന് യോ​ഗി. തി​ര​ക്കി​ട്ട് താ​ൽ​ക്കാ​ലി​ക ഗോ​ശാ​ല​ക​ൾ പ​ലേ​ട​ത്തും ത​ട്ടി​ക്കൂ​ട്ടി​യി​ട്ടു​മു​ണ്ട്.

പ്ര​തി​പ​ക്ഷ​വും ക​ള​മ​റി​ഞ്ഞു ക​ളി​ക്കു​ന്നു. അ​ഞ്ചു വ​ർ​ഷം മു​മ്പ് ഇ​ങ്ങ​നെ​യൊ​രു പ്ര​ശ്നം ഇ​ല്ലാ​തി​രു​ന്ന​തു ചൂ​ണ്ടി​ക്കാ​ണി​ക്കു​ക​യാ​ണ് സ​മാ​ജ് വാ​ദി പാ​ർ​ട്ടി നേ​താ​വ് അ​ഖി​ലേ​ഷ് യാ​ദ​വ്. യു.​പി ഭ​ര​ണം കോ​ൺ​ഗ്ര​സി​നു കി​ട്ടി​യാ​ൽ ഛത്തി​സ്ഗ​ഢ് സ​ർ​ക്കാ​ർ ന​ട​പ്പാ​ക്കി​യ മാ​തി​രി സം​വി​ധാ​നം കൊ​ണ്ടു​വ​രു​മെ​ന്നാ​ണ് പാ​ർ​ട്ടി നേ​താ​വ് പ്രി​യ​ങ്ക ഗാ​ന്ധി​യു​ടെ പ്ര​ഖ്യാ​പ​നം. കി​ലോ​ഗ്രാ​മി​ന് ര​ണ്ടു രൂ​പ നി​ര​ക്കി​ൽ സ​ർ​ക്കാ​ർ ചാ​ണ​കം വാ​ങ്ങും. അ​ല​ഞ്ഞു തി​രി​യു​ന്ന കാ​ലി​ക​ൾ വി​ള ന​ശി​പ്പി​ച്ചാ​ൽ ക​ർ​ഷ​ക​ർ​ക്ക് 3,000 രൂ​പ ന​ഷ്ട​പ​രി​ഹാ​രം ന​ൽ​കു​മെ​ന്നു​മു​ണ്ട് വാ​ഗ്ദാ​നം.

ഇ​തി​നെ​ല്ലാ​മി​ട​യി​ൽ പ​ശു​വി​ന്‍റെ പേ​രി​ൽ അ​ധി​കൃ​ത​ർ ഖ​ജ​നാ​വ് മു​ടി​ക്കു​ന്ന ക​ഥ​യും വെ​ളി​ച്ച​ത്തു വ​രു​ന്നു. ഗോ​ശാ​ല കെ​ട്ടാ​നും അ​വി​ടെ എ​ത്തി​ക്കു​ന്ന പ​ശു​വി​നെ പോ​റ്റാ​നും സം​സ്ഥാ​ന സ​ർ​ക്കാ​ർ ചെ​ല​വി​ടു​ന്ന​ത് കോ​ടി​ക​ൾ. പാ​വം പ​ശു​വി​ന് പ​ട്ടി​ണി​യും പൊ​തി​രെ ത​ല്ലു​മാ​ണ് കി​ട്ടു​ന്ന​തെ​ങ്കി​ൽ, സ​ർ​ക്കാ​ർ ഫ​ണ്ടു കൊ​ണ്ട് ബി.​ജെ.​പി​ക്കാ​രാ​യ പ്രാ​ദേ​ശി​ക പ​ശു​പാ​ല​ന്മാ​ർ ത​ടി​ച്ചു കൊ​ഴു​ക്കു​ന്നു​വെ​ന്നാ​ണ് ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

ക​ണ​ക്കു​ക​ളി​ലേ​ക്ക് വ​ന്നാ​ൽ, 2019ലെ ​കാ​ലി സെ​ൻ​സ​സ് പ്ര​കാ​രം ചു​രു​ങ്ങി​യ​ത് 16 ല​ക്ഷം കാ​ലി​ക​ൾ യു.​പി​യി​ൽ അ​ല​ഞ്ഞു തി​രി​യു​ന്നു. യോ​ഗി വ​ന്ന 2017നു ​ശേ​ഷം ഇ​വ​യു​ടെ കു​റ​ഞ്ഞ വ​ർ​ധ​ന 17 ശ​ത​മാ​ന​മാ​ണ്. പ​ശു​ക്ക​ളെ​യും കാ​ള​ക​ളെ​യും ക​ശാ​പ്പു ചെ​യ്യാ​നോ വി​ൽ​ക്കാ​നോ പാ​ടി​ല്ലെ​ന്ന നി​യ​മം യോ​ഗി വ​ന്ന ശേ​ഷം യു.​പി​യി​ൽ ക​ർ​ക്ക​ശം. അ​തു​കൊ​ണ്ട്, ക​റ​വ വ​റ്റി​യ​തി​നെ​യും ഏ​ന്തി വ​ലി​ഞ്ഞു ന​ട​ക്കു​ന്ന​തി​നെ​യു​മൊ​ക്കെ ഗ്രാ​മീ​ണ​ർ ക​യ​റൂ​രി വി​ട്ട് സ​മൂ​ഹ​ത്തി​ന് സം​ഭാ​വ​ന ചെ​യ്യു​ന്നു. ശി​ഷ്ട​കാ​ലം ഗോ​ശാ​ല​യി​ൽ സു​ഖ​വാ​സ​മാ​ണ് സ​ർ​ക്കാ​ർ വി​ധി​ച്ചി​ട്ടു​ള്ള​തെ​ങ്കി​ലും അ​തൊ​ക്കെ ക​ട​ലാ​സി​ലാ​യ​തി​നാ​ൽ പ​ശു ഗ​തി​കി​ട്ടാ​തെ അ​ല​യു​ന്നു. വി​ശ​പ്പ​ക​റ്റാ​ൻ മു​ന്നി​ൽ​ക്കാ​ണു​ന്ന പ​ച്ച​പ്പി​ലേ​ക്ക് പാ​ഞ്ഞു ക​യ​റു​ന്നു. ക​രി​മ്പും ചോ​ള​വും ക​ടു​കു​മെ​ല്ലാം കൂ​ട്ട​ത്തോ​ടെ തി​ന്നു ന​ശി​പ്പി​ക്കു​ന്നു.

പ​ശു​വി​നെ പേ​ടി​ച്ച് മു​ള്ളു​വേ​ലി മു​ത​ൽ സാ​രി​യും കീ​റ​ച്ചാ​ക്കു​മൊ​ക്കെ നെ​ടു​നീ​ള​ത്തി​ൽ കെ​ട്ടി​യ പാ​ട​ങ്ങ​ൾ യു.​പി​യി​ൽ ഇ​പ്പോ​ൾ സാ​ധാ​ര​ണ കാ​ഴ്ച. രാ​ത്രി​യും പ​ക​ലും കാ​വ​ലി​രി​ക്കേ​ണ്ട അ​വ​സ്ഥ. കൃ​ഷി ന​ശി​പ്പി​ച്ച​തി​ന് നേ​രി​ടാ​ൻ ചെ​ന്ന​യാ​ളെ കാ​ള​ക്കൂ​റ്റ​ൻ കു​ത്തി​മ​ല​ർ​ത്തി​യ സു​ൽ​ത്താ​ൻ​പു​ർ സം​ഭ​വം അ​ട​ക്കം ആ​ക്ര​മ​ണ​ത്തെ​യും ക​ർ​ഷ​ക​ർ പേ​ടി​ക്ക​ണം. ഇ​തൊ​ക്കെ യോ​ഗി​സ​ർ​ക്കാ​റി​നെ​തി​രാ​യ കു​റ്റ​പ​ത്ര​മാ​ണ്. സം​സ്ഥാ​ന​ത്തെ 5,617 ഗോ​ശാ​ല​ക​ൾ അ​ഥ​വാ 'ഗോ ​ആ​ശ്ര​യ കേ​ന്ദ്ര'​ങ്ങ​ളി​ലാ​യി 7.89 ല​ക്ഷം കാ​ലി​ക​ൾ ക​ഴി​യു​ന്നു​വെ​ന്ന ഔ​ദ്യോ​ഗി​ക ക​ണ​ക്കി​ലെ തി​രി​മ​റി​ക്കും അ​ഴി​മ​തി​ക്കു​മെ​തി​രാ​യ കു​റ്റ​പ​ത്രം കൂ​ടി​യാ​ണി​ത്.

ഇ​ത്ര​യും കാ​ലി​ക​ളു​ടെ പേ​രി​ൽ ഫ​ണ്ട് ത​ട്ടി​പ്പ് ന​ട​ക്കു​ന്നു​വെ​ന്നാ​ണ് അ​നു​മാ​നം. ശ​രാ​ശ​രി 335 കോ​ടി രൂ​പ സ​ർ​ക്കാ​ർ ഗോ​ശാ​ല​ക​ൾ​ക്ക് പ്ര​തി​വ​ർ​ഷം നീ​ക്കി​വെ​ക്കു​ന്നു​ണ്ട്. ഗോ​ശാ​ല​ക​ളി​ൽ പ​ശു​വൊ​ന്നി​ന് പ്ര​തി​ദി​നം 30 രൂ​പ സ​ർ​ക്കാ​ർ ഗ്രാ​ന്‍റു​ണ്ട്. അ​ഞ്ചു കി​ലോ​ഗ്രാം വൈ​ക്കോ​ൽ, ഒ​രു കി​ലോ​ഗ്രാം പോ​ഷ​ക​ത്തീ​റ്റ എ​ന്നി​ങ്ങ​നെ​യാ​ണ് ചെ​ല​വു ക​ണ​ക്ക്. അ​ത് ഗ്രാ​ന്‍റാ​യി അ​ടി​ച്ചു മാ​റ്റു​ന്നു. പ​ശു​വി​നെ വെ​ളി​യി​ലേ​ക്ക് തു​റ​ന്നു വി​ടു​ന്നു. അ​ങ്ങ​നെ ഗോ​ര​ക്ഷ ജ​ന​ങ്ങ​ൾ​ക്ക് ഏ​ട്ടി​ലെ പ​ശു; പ​ശു​ക്ക​ൾ​ക്ക് മ​രു​പ്പ​ച്ച.