ഉ​ത്ത​ർ​പ്ര​ദേ​ശ് തെ​ര​ഞ്ഞെ​ടു​പ്പി​ന്​ ഇ​ന്ന്​ തു​ട​ക്കം: പടിഞ്ഞാറൻ യു.പിയിൽ ജാട്ട്​ -ഹിന്ദു ധ്രുവീകരണം

അ​ഞ്ച്​ നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ​ക്ക്​ തു​ട​ക്ക​മി​ട്ട്​ ഉ​ത്ത​ർ​പ്ര​ദേ​ശി​ലെ ആ​ദ്യ ഘ​ട്ട വോ​ട്ടെ​ടു​പ്പി​ൽ 58 പ​ടി​ഞ്ഞാ​റ​ൻ യു.​പി മ​ണ്ഡ​ല​ങ്ങ​ൾ ഇ​ന്ന്​ ബൂ​ത്തി​ലേ​ക്ക് ​നീ​ങ്ങു​മ്പോ​ൾ തെ​ളി​യു​ന്ന​ത്​ ജാ​ട്ട്​ - ഹി​ന്ദു ധ്രു​വീ​ക​ര​ണ​ത്തി‍​ന്‍റെ ചി​ത്രം. പ്ര​ചാ​ര​ണം അ​വ​സാ​നി​ച്ച്​ അ​ന്തി​മ ചി​ത്രം തെ​ളി​ഞ്ഞ​പ്പോ​ൾ സ​മാ​ജ്​​വാ​ദി പാ​ർ​ട്ടി - രാ​ഷ്​​ട്രീ​യ ലോ​ക്​​ദ​ൾ സ​ഖ്യ​വും ബി.​ജെ.​പി​യും ത​മ്മി​ൽ നേ​ർ​ക്കു​നേ​ർ ഇ​ഞ്ചോ​ടി​ഞ്ച്​ മ​ത്സ​ര​മാ​യി മാ​റി​ക്ക​ഴി​ഞ്ഞു. ചൗ​ധ​രി ച​ര​ൺ സി​ങ്ങി​ൽ നി​ന്ന്​ ജ​യ​ന്ത് ചൗ​ധ​രി​യി​ലെ​ത്തി നി​ൽ​ക്കു​ന്ന ആ​ർ.​എ​ൽ.​ഡി​യു​ടെ ജാ​ട്ട്​ രാ​ഷ്​​​ട്രീ​യ​ത്തി​​ന്‍റെ ഭാ​വി നി​ർ​ണ​യി​ക്കു​ന്ന ഘ​ട്ടം കൂ​ടി​യാ​ണി​ത്. ​

ജാ​ട്ടു​ക​ളും മു​സ്​​ലിം​ക​ളും ഒ​രു​മി​ച്ച്​ ബി.​ജെ.​പി​യെ നേ​രി​ടാ​നി​റ​ങ്ങി​യ ഈ ​തെ​ര​ഞ്ഞെ​ടു​പ്പി​ലും ന​ല്ല ഒ​രു അ​വ​സ​രം പ​ടി​ഞ്ഞാ​റ​ൻ യു.​പി​യി​ൽ ഇ​നി അ​ജി​ത്​ സി​ങ്ങി​​ന്‍റെ മ​ക​ന്​ കി​ട്ടാ​നി​ല്ല. മ​ത്സ​രം എ​സ്.​പി- ആ​ർ.​എ​ൽ.​ഡി​യും ബി.​ജെ.​പി​യു​മാ​യി നേ​ർ​ക്കു​നേ​ർ ആ​യ​തോ​ടെ മു​സ്​​ലിം​ക​ളി​ൽ ബ​ഹു​ഭൂ​രി​ഭാ​ഗ​വും സ​ഖ്യ​ത്തി​നൊ​പ്പം നി​ൽ​ക്കു​ക​യാ​ണ്. അ​തു പോ​ലെ ഹി​ന്ദു ജാ​ട്ടു​ക​ൾ സ​ഖ്യ​ത്തെ പി​ന്തു​ണ​ക്കു​മെ​ന്ന പ്ര​തീ​ക്ഷ​യി​ലാ​ണ്​ ഭാ​ര​തീ​യ കി​സാ​ൻ യൂ​നി​യ​ൻ നേ​താ​വ്​ ന​രേ​ഷ്​ ടി​കാ​യ​തും മു​സ്​​ലിം ജാ​ട്ട്​ നേ​താ​വ്​ ഗു​ലാം മു​ഹ​മ്മ​ദ്​ ജ്വാ​ല​യും. ​ ബി.​ജെ.​പി​ക്ക്​ യു.​പി ന​ഷ്ട​മാ​കു​മെ​ന്ന് ഇ​വ​ർ ഒ​രു​പോ​ലെ പ്ര​തീ​ക്ഷ വെ​ക്കു​ന്നു.

ക​ർ​ഷ​ക സ​മ​ര​ത്തി​ൽ ത​ങ്ങ​ളെ അ​പ​മാ​നി​ച്ച ബി.​ജെ.​പി​യെ പാ​ഠം പ​ഠി​പ്പി​ക്കു​മെ​ന്ന്​ ജാ​ട്ട്​ സ​മു​ദാ​യം പ​ര​സ്യ​മാ​യി പ്ര​ഖ്യാ​പി​ച്ച​തോ​ടെ ജാ​ട്ട്​ ഇ​ത​ര ഹി​ന്ദു സ​മു​ദാ​യ​ങ്ങ​ൾ ഒ​ന്ന​ട​ങ്കം ബി.​ജെ.​പി​ക്ക്​ ഒ​പ്പം നി​ൽ​ക്കു​ന്ന​താ​ണ്​ ഭൂ​രി​ഭാ​ഗം മ​ണ്ഡ​ല​ങ്ങ​ളി​ലെ​യും അ​ന്തി​മ ചി​ത്രം. അ​തേ​സ​മ​യം ജ​യ​പ​രാ​ജ​യം ജാ​ട്ടു​ക​ൾ തീ​രു​മാ​നി​ക്കു​മെ​ന്ന​തി​നാ​ൽ അ​വ​രി​ൽ നി​ന്ന്​ ഒ​രു വി​ഹി​തം കൂ​ടി വോ​ട്ടു പി​ടി​ച്ചാ​ല​ല്ലാ​തെ ജ​യ​മി​ല്ലെ​ന്ന്​ ബി.​ജെ.​പി​യും തി​രി​ച്ച​റി​ഞ്ഞി​രി​ക്കു​ന്നു. ജാ​ട്ട്​ ഹി​ന്ദു​ക്ക​ളെ​യും ജാ​ട്ട്​ മു​സ്​​ലിം​ക​ളെ​യും അ​ക​റ്റി​യ 2013ലെ ​മു​സ​ഫ​ർ ന​ഗ​ർ ക​ലാ​പ​ത്തോ​ടെ ക​ഴി​ഞ്ഞ മൂ​ന്ന്​ തെ​ര​ഞ്ഞെ​ടു​പ്പു​ക​ളി​ലും ബി.​ജെ.​പി​യെ പി​ന്തു​ണ​ച്ചു​പോ​ന്ന ജാ​ട്ട്​ ഹി​ന്ദു​ക്ക​ൾ​ക്ക്​ ഇ​പ്പോ​ഴു​ള്ള രോ​ഷ​ത്തി​​ന്‍റെ തോ​ത്​ വോ​ട്ട് യ​ന്ത്ര​ത്തി​ൽ എ​ത്ര​​ത്തോ​ളം പ്ര​തി​ഫ​ലി​ക്കു​മോ അ​തി​ന്​ അ​നു​സ​രി​ച്ചാ​യി​രി​ക്കും പ​ടി​ഞ്ഞാ​റ​ൻ യു.​പി​യി​ൽ ബി.​ജെ.​പി​ക്ക്​ ഏ​ൽ​ക്കു​ന്ന പ​രി​ക്ക്.

ആ​ർ.​എ​ൽ.​ഡി​യി​ൽ നി​ന്ന്​ ത​ങ്ങ​ൾ സ്വ​ന്ത​മാ​ക്കി​യ ജാ​ട്ടു​വോ​ട്ടി​​ന്‍റെ ബ​ല​ത്തി​ൽ 53 സീ​റ്റു​ക​ളി​ലും ജ​യി​ച്ചു​ക​യ​റി​യ യോ​ഗി സ​ർ​ക്കാ​റി​ലെ ഒ​മ്പ​ത്​ ബി.​ജെ.​പി മ​ന്ത്രി​മാ​രു​ടെ കൂ​ടി ഭാ​വി ആ​ദ്യ​ഘ​ട്ട വോ​ട്ടെ​ടു​പ്പി​ൽ ജ​നം തീ​രു​മാ​നി​ക്കും.​ മ​ത്സ​രം ഇ​രു കൂ​ട്ട​ർ​ക്കു​മി​ട​യി​ലാ​യ​തോ​ടെ ജാ​ട്ടു​ക​ള​ല്ലാ​ത്ത മു​ഴു​വ​ൻ ഹി​ന്ദു വോ​ട്ടു​ക​ളും ബി.​ജെ.​പി​ക്ക്​ അ​നു​കൂ​ല​മാ​ക്കാ​ൻ കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത്​ ഷാ ​ന​ട​ത്തി​യ ധ്രു​വീ​ക​ര​ണ ശ്ര​മ​ങ്ങ​ൾ ഫ​ലം കാ​ണു​ന്നു​വെ​ന്നാ​ണ്​ ഗു​​ജ്ജ​റു​ക​ളും ദ​ലി​തു​ക​ളും അ​ട​ക്ക​മു​ള്ള സ​മു​ദാ​യ​ങ്ങ​ൾ പ​ര​സ്യ​മാ​യി ബി.​ജെ.​പി​യെ പി​ന്തു​ണ​ക്കു​ന്ന​തി​ൽ നി​ന്ന്​ വ്യ​ക്​​ത​മാ​കു​ന്ന​ത്. വോ​ട്ടി​ൽ പ്ര​തി​ഫ​ലി​ച്ചാ​ലും ഇ​ല്ലെ​ങ്കി​ലും പ്ര​ചാ​ര​ണ​ത്തി​ലെ​ങ്കി​ലും ജാ​ട്ടു​ക​ളും ഹി​ന്ദു​ക്ക​ളും 2013ന്​ ​മു​മ്പ​ത്തേ​തു​ പോ​ലെ വി​രു​ദ്ധ ധ്രു​വ​ങ്ങ​ളി​ലേ​ക്ക്​ നീ​ങ്ങി​യി​ട്ടു​ണ്ട്.

അ​സ​ദു​ദ്ദീ​ൻ ഉ​വൈ​സി​യു​ടെ രാ​ഷ്​​ട്രീ​യ പ​രീ​ക്ഷ​ണ​ത്തി​ന്​ കൂ​ടി വേ​ദി​യാ​യ മു​സ്​​ലിം വോ​ട്ടു​ക​ൾ നി​ർ​ണാ​യ​ക​മാ​യ നി​ര​വ​ധി മ​ണ്ഡ​ല​ങ്ങ​ളു​ള്ള ഘ​ട്ടം കൂ​ടി​യാ​ണി​ത്. എ​ന്നാ​ൽ ഉ​വൈ​സി​ക്ക്​ നേ​രെ വെ​ടി​വെ​പ്പു​ ന​ട​ന്നി​ട്ടു പോ​ലും പ​ടി​ഞ്ഞാ​റ​ൻ യു.​പി​യി​ലെ മു​സ്‍ലിം വോ​ട്ട​ർ​മാ​ർ ​എ​സ്.​പി​ക്കൊ​പ്പ​മാ​ണ്. ​