യു.പി തെരഞ്ഞെടുപ്പ്; യോഗി ആദിത്യനാഥ് ​ഗൊരഖ്പൂരിൽനിന്ന് മത്സരിക്കും

ന്യൂ​ഡ​ൽ​ഹി: യു.​പി നി​യ​മ​സ​ഭ തെ​ര​ഞ്ഞെ​ടു​പ്പി​ലേ​ക്ക്​ ബി.​ജെ.​പി​യും ബി.​എ​സ്.​പി​യും ആ​ദ്യ സ്ഥാ​നാ​ർ​ഥി പ​ട്ടി​ക പു​റ​ത്തി​റ​ക്കി. രാ​മ​​ക്ഷേ​ത്രം നി​ർ​മി​ച്ചു​വ​രു​ന്ന അ​യോ​ധ്യ​യി​ൽ മ​ത്സ​രി​ക്കാ​നു​ള്ള നീ​ക്കം മാ​റ്റി മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ്​ സ്വ​ന്തം ത​ട്ട​ക​മാ​യ ഗോ​ര​ഖ്​​പു​ർ-​അ​ർ​ബ​നി​ൽ ജ​ന​വി​ധി തേ​ടും. ഉ​പ​മു​ഖ്യ​മ​ന്ത്രി കേ​ശ​വ്​ പ്ര​സാ​ദ്​ മൗ​ര്യ പ്ര​യാ​ഗ്​​രാ​ജി​ലെ സി​ര​തു​വി​ൽ. ആ​ദ്യ പട്ടികയിൽ 20 സി​റ്റി​ങ്​ എം.​എ​ൽ.​എ​മാ​ർ​ക്ക്​ ബി.​ജെ.​പി സീ​റ്റ്​ നി​ഷേ​ധി​ച്ചു.

2017 വ​രെ അ​ഞ്ചു വ​ട്ടം ആ​ദി​ത്യ​നാ​ഥ്​ പ്ര​തി​നി​ധാ​നം​ചെ​യ്ത ലോ​ക്സ​ഭ മ​ണ്ഡ​ല​മാ​ണ്​ ഗോ​ര​ഖ്​​പു​ർ. ​ഗോ​ര​ഖ്നാ​ഥ്​ മ​ഠാ​ധി​പ​തി​യു​മാ​ണ് അ​ദ്ദേ​ഹം. പു​തി​യൊ​രു മ​ണ്ഡ​ല​ത്തി​ൽ പ​രീ​ക്ഷ​ണ​ത്തി​നി​റ​ങ്ങാ​തെ ഗോ​ര​ഖ്​​പു​രി​ൽ​ത്ത​ന്നെ മ​ത്സ​രി​ക്ക​ട്ടെ​യെ​ന്ന നി​ല​പാ​ടാ​ണ്​ ദേ​ശീ​യ നേ​തൃ​ത്വം എ​ടു​ത്ത​ത്. മു​ഖ്യ​മ​ന്ത്രി​യെ അ​യോ​ധ്യ​യി​ൽ മ​ത്സ​രി​പ്പി​ച്ച്​ ഹി​ന്ദു​ത്വ പ്ര​ചാ​ര​ണം കൊ​ഴു​പ്പി​ക്കാ​മെ​ന്ന കാ​ഴ്ച​പ്പാ​ടാ​ണ്​ പ​ല​രും മു​ന്നോ​ട്ടു വെ​ച്ച​ത്. എ​ന്നാ​ൽ, രാ​മ​ക്ഷേ​ത്ര നി​ർ​മാ​ണ​ത്തി​ന്​ ചു​ക്കാ​ൻ​പി​ടി​ച്ച്​ അ​ടു​ത്ത പ്ര​ധാ​ന​മ​ന്ത്രി സ്ഥാ​നാ​ർ​ഥി​യാ​യി ഉ​യ​ർ​ന്നു​വ​രാ​ൻ ശ്ര​മി​ക്കു​ന്ന യോ​ഗി​ക്കു​ നേ​രെ മോ​ദി-​അ​മി​ത്​ ഷാ​മാ​രു​ടെ ക​ത്രി​ക പ്ര​യോ​ഗ​മാ​ണ്​ ന​ട​ന്ന​തെന്നാണ്​ നിരീക്ഷകർ പറയുന്നത്​.

ഉത്തർപ്രദേശിൽ കൂടുതൽ സീറ്റുകളിൽ വിജയിച്ച്​ ബി.ജെ.പി അധികാരത്തിൽ തുടരുമെന്ന്​ മുഖ്യമന്ത്രി യോഗി ആദിത്യനാഥ് പറഞ്ഞു​. ഗോരഖ്​പുരിൽ മത്സരിക്കാൻ അവസരം ഒരുക്കിയ പ്രധാനമന്ത്രി നരേന്ദ്ര മോദിക്കും മുതിർന്ന നേതാക്കൾക്കും നന്ദി പറയാൻ വാർത്തലേഖകരെ കണ്ടതാണ്​ അദ്ദേഹം. എല്ലാവർക്കും ഒപ്പം, എല്ലാവർക്കും വികസനം എന്നതാണ്​ വിജയത്തിനുള്ള മൂലമന്ത്രമെന്നും അ​ദ്ദേഹം കൂട്ടിച്ചേർത്തു. മാ​ർ​ച്ച്​ മൂ​ന്നി​നാ​ണ്​ മു​ഖ്യ​മ​ന്ത്രി മ​ത്സ​രി​ക്കു​ന്ന മ​ണ്ഡ​ല​ത്തി​ൽ വോ​ട്ടെ​ടു​പ്പ്. ഇ​താ​ദ്യ​മാ​യാ​ണ് യോ​ഗി നി​യ​മ​സ​ഭ തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്ന​ത്. തദ്ദേശ സ്ഥാപനങ്ങൾ ചേർന്ന്​ തെരഞ്ഞെടുക്കുന്ന എം.എൽ.സി ആയാണ്​ യോഗിയുടെ നിലവിലെ നിയമസഭാംഗത്വം.

പാ​ർ​ട്ടി ഉ​ന്ന​ത നേ​തൃ​ത്വ​മാ​ണ്​ മു​ഖ്യ​മ​ന്ത്രി മ​ത്സ​രി​ക്കു​ന്ന സീ​റ്റി​ന്‍റെ കാ​ര്യ​ത്തി​ൽ അ​ന്തി​മ തീ​രു​മാ​നം എ​ടു​ത്ത​തെ​ന്ന്​ കേ​ന്ദ്ര​മ​ന്ത്രി ധ​ർ​മേ​ന്ദ്ര പ്ര​ധാ​ൻ അ​റി​യി​ച്ചു. മ​റ്റു 105 സീ​റ്റു​ക​ളി​ലേ​ക്കു കൂ​ടി​യു​ള്ള​താ​ണ്​ ബി.​ജെ.​പി​യു​ടെ ആ​ദ്യ സ്ഥാ​നാ​ർ​ഥി പ​ട്ടി​ക. ഇ​തി​ൽ 83 സീ​റ്റി​ൽ ക​ഴി​ഞ്ഞ തെ​ര​ഞ്ഞെ​ടു​പ്പി​ൽ വി​ജ​യി​ച്ചി​രു​ന്നു. ഈ ​എം.​എ​ൽ.​എ​മാ​രി​ൽ 63 പേ​ർ​ക്കു മാ​ത്ര​മാ​ണ്​ വീ​ണ്ടും ടി​ക്ക​റ്റ്​ ന​ൽ​കി​യ​ത്. മൂ​ന്നു മ​ന്ത്രി​മാ​രു​ടെ രാ​ജി​യി​ലേ​ക്ക്​ എ​ത്തി​യ പി​ന്നാ​ക്ക വി​ഭാ​ഗ പ്ര​തി​ഷേ​ധ​ത്തി​നി​ട​യി​ൽ, 107ൽ 44 ​സീ​റ്റ്​ ഒ.​ബി.​സി​ക്കാ​ർ​ക്ക്​ ന​ൽ​കി​യി​ട്ടു​ണ്ട്. 19 പേ​ർ പ​ട്ടി​ക ജാ​തി​ക്കാ​രാ​ണ്. 10 പേ​ർ മാ​ത്രം വ​നി​ത​ക​ൾ. യു.​പി​യി​ൽ ആ​കെ 403 നി​യ​മ​സ​ഭ സീ​റ്റു​ക​ളാ​ണു​ള്ള​ത്. ആ​ദ്യ​ഘ​ട്ട പോ​ളി​ങ്​ ഫെ​ബ്രു​വ​രി 10നാ​ണ്​.

ആ​ദ്യ​ഘ​ട്ട​ത്തി​ലെ 53ൽ 53 ​സീ​റ്റി​ലെ സ്ഥാ​നാ​ർ​ഥി​ക​ളെ​യാ​ണ്​ ബി.​എ​സ്.​പി പ്ര​ഖ്യാ​പി​ച്ച​ത്. മ​റ്റു​ള്ള​വ​രെ ര​ണ്ടു ദി​വ​സ​ത്തി​ന​കം നി​ശ്ച​യി​ക്കു​മെ​ന്ന്​ പാ​ർ​ട്ടി നേ​താ​വ്​ മാ​യാ​വ​തി അ​റി​യി​ച്ചു.