ചവറയിലേത്​ രാഷ്​ട്രീയ വിജയമെന്ന്​ ഡോ. സുജിത്​ വിജയൻ പിള്ള

കൊല്ലം: ചവറയിലെ ത​െൻറ വിജയം സാമുദായികതയുടെയും അരാഷ്​ട്രീയതയുടെയുമാണെന്ന ആക്ഷേപത്തിൽ വസ്​തുതയില്ലെന്ന്​ ഡോ. സുജിത്​ വിജയൻപിള്ള. ഇത്തരത്തിൽ അവിടത്തെ വിജയത്തെ കുറച്ചുകാണിക്കുന്നവർക്കുള്ള സ്ഥാനം ചരിത്രത്തി​െൻറ ചവറ്റുകുട്ടയിലായിരിക്കും.കൊല്ലം പ്രസ്​ ക്ലബി​െൻറ 'കേരളീയം-2021' പരിപാടിയിൽ സംസാരിക്കുകയായിരുന്നു അദ്ദേഹം. യഥാർഥ രാഷ്​ട്രീയ പോരാട്ടമായിരുന്നു അവിടെ നടന്നത്​. വികസനത്തി​െൻറയും ജനക്ഷേമത്തി​െൻറയും രാഷ്​​ട്രീയമാണ്​ അവിടെ വിജയിച്ചതും.

മണ്ഡലത്തിലെ വോട്ടിങ്​ രീതി മുന്നിൽ​െവച്ച്​ ഇൗ ആക്ഷേപം അതുന്നയിക്കുന്നവർക്ക്​ തെളിയിക്കാനാകില്ല. കഴിഞ്ഞതവണ ത​െൻറ പിതാവ്​ വിജയൻ പിള്ള വിജയിച്ചപ്പോഴും ഇത്തരത്തിൽ ബ്രാൻഡ്​ ചെയ്യാനുള്ള ശ്രമമുണ്ടായി. കഴിഞ്ഞ തവണ അദ്ദേഹം പിന്നിൽ പോയ പല ബൂത്തിലും താൻ മുന്നിൽ വന്നിട്ടുണ്ട്​. അവിടെയൊക്കെ, ഏതു വിഭാഗത്തിൽപെട്ടവരാണ്​ കൂടുതലെന്ന്​ എല്ലാവർക്കുമറിയം.

തങ്ങൾക്ക്​ 24 ദിവസം മാത്രം പ്രചാരണത്തിന്​ കിട്ടിയപ്പോൾ എതിർവിഭാഗം ഒരുവർഷമായി അവിടെ പ്രവർത്തനത്തിലായിരുന്നു. വിജയൻപിള്ള തുടങ്ങി​െവച്ച വികസനപ്രവർത്തനങ്ങൾ ഭംഗിയായി മുന്നോട്ടുകൊണ്ടു പോകും. അതുപോലെ, ജനങ്ങൾക്ക്​ നൽകിയ വാഗ്​ദാനങ്ങൾ പാലിക്കുന്നതിന്​ ആത്മാർഥമായ ശ്രമമുണ്ടാകും.

ചിറ്റൂരിലെ ഭൂമി ഘട്ടംഘട്ടമായി ഏറ്റെടുക്കാൻ തത്ത്വത്തിൽ തീരുമാനമായതാണ്​. അതി​െൻറ തുടർ നടപടികൾ വേഗത്തിൽ പൂർത്തിയാക്കും. കൺസ്​ട്രക്​ഷൻ അക്കാദമി, മാരിടൈം ഇൻസ്​റ്റിറ്റ്യൂട്ട്​ തുടങ്ങിയവയിൽ പോരായ്​മകൾ പരിഹരിച്ച്​ കാര്യക്ഷമമാക്കുന്നതിനുള്ള നടപടികളും ഉണ്ടാകുമെന്ന്​ അദ്ദേഹം പറഞ്ഞു.