ആദ്യ സൂചനകളിൽ ബംഗാളിലും ആസാമിലും ബി.ജെ.പി, തമിഴ്​നാട്ടിൽ ഡി.എം.കെ

കൊൽക്കത്ത: കേരളത്തിന്​ പുറത്ത്​ ആദ്യ സൂചനകൾ വന്നു തുടങ്ങിയതോടെ ബംഗാളിലും ആസാമിലും ബി.ജെ.പി മുന്നിൽ. തമിഴ്​നാട്ടിൽ ഡി.എം.കെ സഖ്യത്തിനാണ്​ ആദ്യ നേട്ടം. 53 മണ്ഡലങ്ങളിലെ ആദ്യ ഫലങ്ങൾ പുറത്തുവന്ന ബംഗാളിൽ ബി.ജെ.പി 33 ഇടത്തും തൃണമൂൽ 29 മണ്​ഡലങ്ങളിലും മുന്നിലാണ്​. ഒരു സീറ്റ്​ ഇടതുപക്ഷത്തിന്​ സാധ്യത നൽകുന്നു.

ബി.ജെ.പി വിജയം പ്രവചിക്കപ്പെട്ട ആസാമിൽ ആദ്യ ഫല സൂചനകൾ വന്ന ഒമ്പതിടത്ത്​ ബി.ജെ.പിക്കാണ്​ മേൽക്കൈ. കോൺഗ്രസ്​ സഖ്യം നാലിടത്ത്​ മുന്നിൽനിൽക്കുന്നു.തമിഴ്​നാട്ടിൽ ഡി.​എം.കെ അധികാരം പിടിക്കുമെന്ന പ്രവചനങ്ങളെ സാധൂകരിക്കുന്നതാണ്​ ആദ്യ സൂചനകൾ.

ഒമ്പതിടത്ത്​ ഡി.എം.കെ സഖ്യം മുന്നിൽ നിൽക്കുന്നു. എ.ഡി.എം.കെ സഖ്യം നാലിടത്ത്​​ മുന്നിൽ നിൽക്കുന്നു.