പശ്​ചിമബംഗാളിൽ അവസാനഘട്ട വോ​ട്ടെടുപ്പ്​ തുടങ്ങി

കൊൽക്കത്ത: നിയമസഭ തെരഞ്ഞെടുപ്പ്​ നടക്കുന്ന പശ്​ചിമബംഗാളിൽ അവസാനഘട്ട വോ​ട്ടെടുപ്പ്​ ആരംഭിച്ചു. 35 മണ്ഡലങ്ങളിലെ സ്ഥാനാർഥികളാണ്​ ജനവിധി തേടുന്നത്​. മാൽഡ, മുർഷിദാബാദ്​, ബിർദും, കൊൽക്കത്ത തുടങ്ങിയ സ്ഥലങ്ങളിലെ മണ്ഡലങ്ങളിലുള്ള ജനങ്ങളാണ്​ പോളിങ്​ ബൂത്തിലേക്ക്​ എത്തുന്നത്​​.

283 സ്ഥാനാർഥികളാണ്​ മത്സരരംഗത്തുള്ളത്​. 11,860 കേന്ദ്രങ്ങളിലായാണ്​ വോ​ട്ടെടുപ്പ്​ പുരോഗമിക്കുന്നത്​. സ്ഥാനാർഥികളിൽ 35 പേർ വനിതകളാണ്​. കോവിഡ്​ പ്രോ​ട്ടോകോൾ പൂർണമായും പാലിച്ച്​ എല്ലാവരും ജനാധിപത്യത്തി​െൻറ ഉത്സവത്തിൽ പങ്കാളികളാകണമെന്ന്​ ബംഗാൾ ജനതയോട്​ പ്രധാനമന്ത്രി നരേ​ന്ദ്ര മോദി ആഹ്വാനം ചെയ്​തു.

ശശി പാഞ്ചി, സാദൻ പാണ്ഡ എന്നീ മന്ത്രിമാർ ഈ ഘട്ടത്തിൽ ജനവിധി തേടുന്നുണ്ട്​. തെരഞ്ഞെടുപ്പിന്​ മുമ്പ്​ അക്രമസംഭവങ്ങൾ റിപ്പോർട്ട്​ ചെയ്​ത ബിർദും ജില്ലയിൽ കനത്ത സുരക്ഷയാണ്​ ഏർപ്പെടുത്തിയിരിക്കുന്നത്​. മെയ്​ രണ്ടിനാണ്​ പശ്​ചിമബംഗാളിൽ തെരഞ്ഞെടുപ്പ്​ ഫലം പുറത്ത്​ വരിക.