സി​നി​മ സ്വ​പ്ന​ത്തി​ന് പി​ന്നാ​ലെ സഞ്ചരിച്ച വേണുവേട്ടൻ

കോ​ഴി​ക്കോ​ട്​: ച​ല​ച്ചി​ത്ര സൊ​​സൈ​റ്റി​ക​ൾ വ​ഴി ലോ​കോ​ത്ത​ര സി​നി​മ​ക​ൾ മ​ല​യാ​ളി​ക​ൾ​ക്ക് പ​രി​ച​യ​പ്പെ​ടു​ത്തി കേ​ര​ള​ത്തി​ൽ പു​തി​യ ച​ല​ച്ചി​ത്രാ​സ്വാ​ദ​ന സം​സ്‌​കാ​രം വ​ള​ർ​ത്തി​യെ​ടു​ക്കു​ന്ന​തി​ൽ വ​ലി​യ പ​ങ്കു​വ​ഹി​ച്ച പ്ര​തി​ഭാ​ധ​ന​നാ​ണ് ചെ​ല​വൂ​ർ വേ​ണു.

1971 മു​ത​ല്‍ കോ​ഴി​ക്കോ​ട്ടെ ‘അ​ശ്വി​നി ഫി​ലിം സൊ​സൈ​റ്റി’​യു​ടെ ജ​ന​റ​ല്‍ സെ​ക്ര​ട്ട​റി​യാ​യി​രു​ന്നു. ’70ക​ളി​ലും ’80ക​ളി​ലും കേ​ര​ള​ത്തി​ലെ ഗ്രാ​മ​ങ്ങ​ളി​ലും ന​ഗ​ര​ങ്ങ​ളി​ലും രൂ​പം​കൊ​ണ്ട നി​ര​വ​ധി ഫി​ലിം സൊ​സൈ​റ്റി​ക​ളു​ടെ പി​ന്നി​ലെ ചാ​ല​ക ശ​ക്തി​യാ​യി​രു​ന്നു കോ​ഴി​ക്കോ​ട്ടു​കാ​രു​ടെ വേ​ണു​വേ​ട്ട​ൻ.

ച​ല​ച്ചി​ത്ര പ്ര​വ​ര്‍ത്ത​ക​ന്‍ എ​ന്ന നി​ല​യി​ലാ​ണ് പ്ര​ശ​സ്ത​നെ​ങ്കി​ലും എ​ഴു​ത്തു​കാ​ര​ന്‍, ച​ല​ച്ചി​ത്ര നി​രൂ​പ​ക​ൻ, പ​ത്രാ​ധി​പ​ർ എ​ന്നീ നി​ല​ക​ളി​ലെ​ല്ലാം വ്യ​ക്തി​മു​ദ്ര പ​തി​പ്പി​ച്ചു. എ​ട്ടാം ക്ലാ​സി​ല്‍ പ​ഠി​ക്കു​മ്പോ​ഴാ​ണ് ‘ഉ​മ്മ’ എ​ന്ന സി​നി​മ​ക്ക് ച​ന്ദ്രി​ക വാ​രി​ക​യി​ൽ അ​ദ്ദേ​ഹം നി​രൂ​പ​ണ​മെ​ഴു​തി​യ​ത്. സം​വി​ധാ​യ​ക​ൻ ജോ​ണ്‍ എ​ബ്ര​ഹാ​മി​ന്റെ ജീ​വി​തം ആ​സ്പ​ദ​മാ​ക്കി പ്രേം​ച​ന്ദ് സം​വി​ധാ​നം ചെ​യ്ത ജോ​ണ്‍ എ​ന്ന ചി​ത്ര​ത്തി​ല്‍ വേ​ണു അ​ഭി​ന​യി​ച്ചി​ട്ടു​ണ്ട്.

കേ​ര​ള​ത്തി​ലെ ആ​ദ്യ മ​നഃ​ശാ​സ്ത്ര മാ​ഗ​സി​ന്‍ പു​റ​ത്തി​റ​ക്കി​യ​ത് വേ​ണു​വാ​ണ്. മ​നഃ​ശാ​സ്ത്ര​ത്തെ​ക്കു​റി​ച്ചൊ​ന്നും അ​ധി​ക​മാ​രും ചി​ന്തി​ക്കാ​ത്ത 1969ലാ​ണ് സൈ​ക്കോ എ​ന്ന മാ​സി​ക ചെ​ല​വൂ​ർ വേ​ണു ആ​രം​ഭി​ക്കു​ന്ന​ത്.

ലോ​ക​ത്ത് എ​ന്തെ​ങ്കി​ലും പ്ര​ശ്‌​ന​മി​ല്ലാ​ത്ത ഒ​രൊ​റ്റ മ​നു​ഷ്യ​രു​മു​ണ്ടാ​വി​ല്ലെ​ന്ന ചി​ന്ത​യി​ല്‍നി​ന്നാ​ണ് സൈ​ക്കോ മാ​ഗ​സി​ന്‍ ആ​രം​ഭി​ച്ച​തെ​ന്നാ​ണ് ചെ​ല​വൂ​ർ വേ​ണു അ​തേ​ക്കു​റി​ച്ച് ഒ​രി​ക്ക​ൽ പ​റ​ഞ്ഞ​ത്. മ​നഃ​ശാ​സ്ത്ര ലേ​ഖ​ന​ങ്ങ​ളും പം​ക്തി​ക​ളു​മാ​യി​രു​ന്നു ഇ​തി​ലെ പ്ര​തി​പാ​ദ്യം. സൈ​ക്കോ അ​തി​വേ​ഗ​മാ​ണ് പു​തു​ത​ല​മു​റ​യെ ആ​ക​ർ​ഷി​ച്ച​ത്.

ബ്ലാ​ക്ക് ആ​ൻ​ഡ് വൈ​റ്റ് നി​റ​ങ്ങ​ളി​ല്‍ പു​ന​ലൂ​ര്‍ രാ​ജ​ന്‍ എ​ന്ന പ്ര​ശ​സ്ത ഫോ​ട്ടോ​ഗ്രാ​ഫ​ര്‍ പ​ക​ര്‍ത്തി​യ ചി​ത്ര​ങ്ങ​ളും മ​നോ​രോ​ഗ വി​ദ​ഗ്ധ​രാ​യ ഡോ. ​എ​സ്. ശാ​ന്ത​കു​മാ​ര്‍, ഡോ. ​പ്ര​ഭാ​ക​ര​ന്‍, ഡോ. ​ജ​യ​ന്‍ എ​ന്നി​വ​രു​ടെ ലേ​ഖ​ന​ങ്ങ​ളും അ​ട​ങ്ങു​ന്ന സൈ​ക്കോ ഉ​ള്ള​ട​ക്ക​ത്തി​ലും കെ​ട്ടി​ലും മ​ട്ടി​ലും ഒ​രു​പോ​ലെ വ്യ​ത്യ​സ്ത​ത പു​ല​ർ​ത്തി. കു​ട്ടി​ക​ളെ വ​ള​ര്‍ത്തു​മ്പോ​ള്‍ ശ്ര​ദ്ധി​ക്കേ​ണ്ട​ത്, പ്ര​ണ​യ​കാ​ല​ത്തെ മ​ന​സ്സ്, പ​ഠ​ന​വൈ​ക​ല്യ​ങ്ങ​ള്‍, സ്ത്രീ​ക​ളു​ടെ മാ​ന​സി​ക പ്ര​ശ്‌​ന​ങ്ങ​ള്‍ തു​ട​ങ്ങി​യ വി​ഷ​യ​ങ്ങ​ളാ​ണ് സൈ​ക്കോ കൈ​കാ​ര്യം ചെ​യ്ത​ത്.

അ​ശ്വി​നി ഫി​ലിം സൊ​സൈ​റ്റി രൂ​പ​വ​ത്ക​രി​ച്ച​ശേ​ഷം സി​നി​മ​യു​ടെ സ്വ​പ്ന​ത്തി​ന് പി​ന്നാ​ലെ​യാ​യി​രു​ന്നു ചെ​ല​വൂ​ർ വേ​ണു. ശ്ര​ദ്ധ കു​റ​ഞ്ഞു​വെ​ങ്കി​ലും കൂ​ട്ടു​കാ​രു​ടെ സ​ഹാ​യ​ത്തോ​ടെ സൈ​ക്കോ പു​റ​ത്തി​റ​ക്കാ​ൻ ശ്ര​മി​ച്ചി​രു​ന്നു. 2011ഓ​ടെ​യാ​ണ് സൈ​ക്കോ പ്ര​സി​ദ്ധീ​ക​ര​ണം നി​ല​ച്ച​ത്. ചെ​ല​വൂ​രി​ലെ അ​ദ്ദേ​ഹ​ത്തി​ന്‍റെ വീ​ടി​ന് ന​ൽ​കി​യ പേ​രും സൈ​ക്കോ എ​ന്നു​ത​ന്നെ​യാ​യി​രു​ന്നു. മ​ന​സ്സ് ഒ​രു സ​മ​സ്യ, മ​ന​സ്സി​ന്‍റെ വ​ഴി​ക​ൾ എ​ന്നീ പു​സ്ത​ക​ങ്ങ​ളും അ​ദ്ദേ​ഹം ര​ചി​ച്ചി​ട്ടു​ണ്ട്.

ചെ​ല​വൂ​ർ വേ​ണു ആ​രം​ഭി​ച്ച സ്പോ​ർ​ട്സ് മാ​ഗ​സി​നാ​യ ‘സ്റ്റേ​ഡി​യം’ വാ​യ​ന​ക്കാ​രെ ഏ​റെ ആ​ക​ർ​ഷി​ച്ചു. എ​ഴു​പ​തു​ക​ളി​ലെ രാ​ഷ്ട്രീ​യ കാ​ലാ​വ​സ്ഥ​യെ അ​ട​യാ​ള​പ്പെ​ടു​ത്തി​യ പൊ​ളി​റ്റി​ക്ക​ല്‍ വീ​ക്കി​ലി ‘സ​ര്‍ച്ച് ലൈ​റ്റ്’, സ്ത്രീ​ക​ൾ​ക്ക് വേ​ണ്ടി​യു​ള്ള മാ​സി​ക​യാ​യ രൂ​പ​ക​ല, സി​റ്റി മാ​ഗ​സി​ന്‍ എ​ന്ന പേ​രി​ല്‍ പ്ര​തി​വാ​ര പ​ത്രം തു​ട​ങ്ങി പ​ത്തോ​ളം പ്ര​സി​ദ്ധീ​ക​ര​ണ​ങ്ങ​ള്‍ അ​ദ്ദേ​ഹം ആ​രം​ഭി​ച്ചി​ട്ടു​ണ്ട്.

സു​ഹൃ​ത്തു​ക്ക​ളു​ടെ സി​നി​മ ആ​രം​ഭി​ക്കു​മ്പോ​ഴാ​ണ് പ​ല​പ്പോ​ഴും പ്ര​സി​ദ്ധീ​ക​ര​ണ​ങ്ങ​ൾ നി​ല​ക്കു​ക. ഈ ​സി​നി​മ​ക​ളു​ടെ സെ​റ്റോ ഓ​ഫി​സോ ആ​യി മാ​സി​ക​യു​ടെ ഓ​ഫി​സ് മാ​റും. അ​തെ​ല്ലാം ക​ഴി​ഞ്ഞ് പി​ന്നീ​ട് ആ​ദ്യം മു​ത​ൽ തു​ട​ങ്ങു​ക എ​ന്ന​താ​യി​രു​ന്നു പ​തി​വ്. പ​ല​പ്പോ​ഴും അ​തി​ന് ക​ഴി​യാ​തെ​യും വ​ന്നു.

ത​ന്‍റെ ശ​രി​ക​ൾ​ക്കും സ്വ​പ്ന​ങ്ങ​ൾ​ക്കും പി​ന്നാ​ലെ അ​ല​ഞ്ഞ വേ​ണു ഈ ​യാ​ത്ര​ക്കി​ട​യി​ൽ വി​വാ​ഹം ക​ഴി​ക്കാ​ൻ പോ​ലും മ​റ​ന്നു. ഒ​ടു​വി​ൽ കൂ​ട്ടു​കാ​രി​യാ​യ സു​ക​ന്യ​യെ ജീ​വി​ത​പ​ങ്കാ​ളി​യാ​ക്കി​യ​ത് 70ാം വ​യ​സ്സി​ലാ​യി​രു​ന്നു. അ​ടൂ​ർ ഗോ​പാ​ല​കൃ​ഷ്ണ​ൻ, അ​ര​വി​ന്ദ​ൻ, ചി​ന്ത ര​വി, ബ​ക്ക​ർ എ​ന്നി​ങ്ങ​നെ സി​നി​മാ​രം​ഗ​ത്ത് എ​ണ്ണി​യാ​ലൊ​ടു​ങ്ങാ​ത്ത സൗ​ഹൃ​ദ​ങ്ങ​ളാ​ണ് അ​ദ്ദേ​ഹ​ത്തി​നു​ണ്ടാ​യി​രു​ന്ന​ത്.

സ്വ​ന്ത​മാ​യി സി​നി​മ സം​വി​ധാ​നം ചെ​യ്യ​ണ​മെ​ന്ന് ആ​ദ്യ​കാ​ല​ത്ത് ഏ​റെ മോ​ഹി​ച്ചി​രു​ന്നു​വെ​ങ്കി​ലും സു​ഹൃ​ത്തു​ക്ക​ളെ​ല്ലാം സി​നി​മ ചെ​യ്തു​തു​ട​ങ്ങി​യ​പ്പോ​ൾ അ​വ​ർ​ക്കു​വേ​ണ്ട സ​ഹാ​യം ചെ​യ്യു​ക എ​ന്ന​തി​ലാ​യി ശ്ര​ദ്ധ. ന​ല്ല സി​നി​മ​ക​ൾ ക​ണ്ടു​ശീ​ലി​ച്ച​തോ​ടെ അ​ത്ര​യും മി​ക​ച്ച രീ​തി​യി​ൽ സി​നി​മ എ​ടു​ക്കാ​ൻ ക​ഴി​യു​മോ എ​ന്ന സ​ന്ദേ​ഹ​വും പി​ടി​കൂ​ടി​യെ​ന്ന് അ​ദ്ദേ​ഹം ത​ന്നെ സ​മ്മ​തി​ക്കു​ന്നു.

സി​നി​മാ​രം​ഗ​ത്തും പ്ര​സി​ദ്ധീ​ക​ര​ണ രം​ഗ​ത്തും ഏ​റെ​മു​മ്പേ ന​ട​ന്ന് മ​ല​യാ​ളി​യു​ടെ ആ​സ്വാ​ദ​ന ശീ​ല​ത്തെ പു​തി​യ മാ​ന​ങ്ങ​ളി​ലേ​ക്കു​യ​ർ​ത്തി​യ അ​തു​ല്യ​നാ​യ മ​നു​ഷ്യ​നെ അ​ർ​ഹി​ക്കും​വി​ധം മ​ന​സ്സി​ലാ​ക്കാ​ൻ മ​ല​യാ​ളി മ​റ​ന്നു​പോ​യോ എ​ന്ന സ​ന്ദേ​ഹം മാ​ത്രം ബാ​ക്കി​നി​ൽ​ക്കു​ന്നു.