മദ്യപിച്ച് അപകടകരമാംവിധം കാറോടിച്ച നടൻ ഗണപതി പിടിയിൽ

കളമശ്ശേരി: അമിതവേഗത്തിൽ മദ്യപിച്ച് വാഹനം ഓടിച്ച യുവനടനെ കളമശ്ശേരിയിൽ പൊലീസ് പിടികൂടി. കണ്ണൂർ പയ്യന്നൂർ സ്വദേശി ഗണപതിയെയാണ് (29) കളമശ്ശേരി പൊലീസ് അറസ്റ്റ് ചെയ്തത്.

ശനിയാഴ്ച രാത്രി എട്ടിന്​ കളമശ്ശേരി ഗണപതി ക്ഷേത്രത്തിന് സമീപത്താണ് പിടിയിലായത്. ആലുവ ഭാഗത്തുനിന്ന്​ അമിതവേഗത്തിൽ അപകടകരമാംവിധം കാർ ഓടിച്ചുവരുന്നതായ വിവരം ലഭിച്ചതനുസരിച്ച് കാർ തടയുകയായിരുന്നു.

തുടർന്നുള്ള പരിശോധനയിലാണ് വാഹനം ഓടിച്ചിരുന്ന ഗണപതി മദ്യപിച്ചിരുന്നതായി മനസ്സിലാക്കിയത്​. വാഹനമടക്കം കസ്റ്റഡിയിലെടുത്തു. കണ്ണൂർ, തിരുവനന്തപുരം സ്വദേശികളായ മൂന്നുപേർക്കൊപ്പമാണ് ഇയാൾ സഞ്ചരിച്ചതെന്ന്​ പൊലീസ് പറഞ്ഞു.