സൗത്ത് ഇന്ത്യയുടെ സ്വര ഭാസ്കറെന്നാണ് ചിലർ തന്നെ വിളിക്കുന്നതെന്ന് സിദ്ധാർഥ്; മറുപടിയുമായി സ്വര

ചെന്നൈ: സൗത്ത് ഇന്ത്യയുടെ സ്വരഭാസ്കറെന്ന വിശേഷണത്തിനുള്ള നടൻ സിദ്ധാർഥി​െൻറ മറുപടി ഏറ്റെടുത്തിരിക്കുകയാണ് ട്വിറ്ററാട്ടികൾ. നടി സ്വര ഭാസ്കറും മറുപടിയുമായി രം​ഗത്തെത്തിയതോടെയാണ് സിദ്ധാർഥി​െൻറ ട്വീറ്റ് ചർച്ചയായത്.

ഹിന്ദി സംസാരിക്കുന്ന ചിലർ എന്നെ സൗത്ത് ഇന്ത്യയുടെ സ്വരഭാസ്കർ എന്ന് വിശേഷിപ്പിക്കുന്നത് കണ്ടു. സ്വരഭാസ്കർ ആകുന്നതിൽ സന്തോഷമേയൂള്ളൂ. അവർ അടിപൊളിയാണ് -സിദ്ധാർഥ് കുറിച്ചു.

You are India ka Siddharth and we are soooooo thankful for you! ♥️
Also, hey Hottie! 🤓🤓😍😍 https://t.co/u03BsphkF6

— Swara Bhasker (@ReallySwara) May 6, 2021

നിങ്ങൾ ഇന്ത്യയുടെ സിദ്ധാർഥ് ആണ്. ‍ഞങ്ങൾ നിങ്ങളോട് കടപ്പെട്ടിരിക്കുന്നു എന്നായിരുന്നു ഇതിന് സ്വരയുടെ മറുപടി. സ്വരയുടെ മറുപടി കൂടി വന്നതോടെ നിരവധി പേരാണ് ട്വീറ്റിന് കമൻറുമായി രം​ഗത്തെത്തുന്നത്.

നിങ്ങൾ രണ്ടുപേരും അടിപൊളിയാണ്. ഈ കെട്ടകാലത്ത് നിങ്ങളുടെ ശബ്ദം സാധാരക്കാരായ ഞങ്ങൾക്കും ശബ്ദമുയർത്താൻ പ്രചോദനമാണ് -എന്നാണ് ഒരു കമൻറ്​. ഞങ്ങളൊരിക്കലും നിങ്ങൾ രണ്ടുപേരെയും മറക്കില്ല എന്നാണ് മറ്റൊരാൾ കുറിച്ചത്​.