ദാവൂദ് ഇബ്രാഹീമിനോടൊപ്പം അമിതാഭ് ബച്ചൻ? ആ ഫോട്ടോക്ക് പിന്നിൽ ...
text_fieldsമുംബൈ: ബോളിവുഡ് സൂപ്പർ സ്റ്റാർ അമിതാഭ് ബച്ചന് അധോലോക നായകൻ ദാവൂദ് ഇബ്രാഹീമുമായി ബന്ധമോ? കഴിഞ്ഞ ദിവസം സമൂഹ മാധ്യമങ്ങളിലെ ചർച്ച പ്രധാനമായും ഇതായിരുന്നു. ഒരു ചിത്രം പ്രചരിച്ചതിനു പിന്നാലെയായിരുന്നു ഈ വാർത്ത പരന്നത്.
ആദ്യം ഫേസ്ബുക്കിലും പിന്നാലെ ട്വിറ്ററിലും പ്രചരിച്ച പടം താമസിയാതെ വൈറലാവുകയും ചെയ്തു. 'അധോലോക നായകൻ ദാവൂദ് ഇബ്രാഹിമിനൊപ്പം കൈ കൊടുത്ത് നിൽക്കുന്ന അമിതാഭ് ബച്ചൻ' എന്ന ക്യാപ്ഷനോടു കൂടിയാണ് പലരും സമൂഹ മാധ്യമങ്ങളിൽ ചിത്രം പ്രചരിപ്പിച്ചത്.
എന്നാൽ, പ്രചരിക്കുന്ന ആ ചിത്രത്തിനു പിന്നിലെ സത്യാവസ്ഥ മറ്റൊന്നായിരുന്നു. പടം ശരിക്കു പരിശോധിച്ചപ്പോഴാണ് അമിതാഭ് ബച്ചനൊപ്പം ഉള്ളത് ദാവൂദ് അല്ലെന്ന് വ്യക്തമായത്.
ഒരു ചടങ്ങിൽ മഹാരാഷ്ട്ര മുൻ മുഖ്യമന്ത്രി അശോക് ചവാനുമായി ബച്ചൻ നിൽക്കുന്ന ചിത്രമാണ് വ്യാജ കുറിപ്പോടെ പ്രചരിക്കുന്നത്. അമിതാഭ് ബച്ചെൻറ മകനും ബോളിവുഡ് നടനുമായ അഭിഷേക് ബച്ചനും ഫോട്ടോ തെറ്റായ ക്യാപ്ഷനോടുകൂടിയാണ് പ്രചരിക്കുന്നതെന്ന് സമൂഹ മാധ്യമങ്ങളിലൂടെ പറഞ്ഞു.
ഈ ഫോട്ടോ പ്രചരിപ്പിച്ച ഒരാളുടെ പോസ്റ്റിനു താഴെ അഭിഷേക് ഹിന്ദിയിൽ മറുപടി പറയുകയും ചെയ്തു. ' സഹോദരാ, ഇൗ ഫോട്ടോ എെൻറ പിതാവും മുൻ മഹാരാഷ്ട്ര മുഖ്യമന്ത്രി അേശാക് ചവാനുമാണ്' എന്നായിരുന്നു അഭിഷേകിെൻറ കമ്മൻറ്.
കോവിഡ്രോഗ മുക്തനായ അമിതാഭ് ബച്ചൻ ഇപ്പോൾ വിശ്രമത്തിലാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.