'ഷാരൂഖ് ഖാനെക്കാളും തിരക്കിൽ'; സിനിമ ഉപേക്ഷിക്കുമെന്ന അഭ്യൂഹങ്ങള്‍ തള്ളി അനുരാഗ് കശ്യപ്

സിനിമ ഉപേക്ഷിക്കുമെന്ന അഭ്യൂഹങ്ങള്‍ തള്ളി പ്ര​ശ​സ്ത സം​വി​ധാ​യ​ക​നും നടനുമായ അനുരാഗ് കശ്യപ്. താൻ ഷാരൂഖ് ഖാനെക്കാളും തിരക്കിലാണെന്ന് തമാശയായി അനുരാഗ് കശ്യപ് പറഞ്ഞു. മുംബൈ വിട്ട് ഒരു ദക്ഷിണ നഗരത്തിലേക്ക് താമസം മാറുമെന്ന പ്രസ്താവനക്ക് പിന്നാലെയാണിത്.

2028 വരെയുള്ള തിരക്കേറിയ ഷെഡ്യൂളിനെക്കുറിച്ചും അനുരാഗ് കശ്യപ് പങ്കുവെച്ചു. മുംബൈയിൽ നിന്ന് മാറിത്താമസിക്കുക മാത്രമാണ് ചെയ്തതെന്നും സിനിമകൾ ഉപേക്ഷിച്ചിട്ടില്ലെന്നുമുള്ള വസ്തുത അനുരാഗ് കശ്യപ് ആവർത്തിച്ചു. 2028 വരെ തനിക്ക് ഡേറ്റില്ലെന്നും. അഞ്ച് ചിത്രങ്ങളാണ് വരാനിരിക്കുന്നതെന്നും അദ്ദേഹം പറഞ്ഞു.

ഈ വർഷം ആദ്യം, ദി ഹിന്ദുവിന് നൽകിയ അഭിമുഖത്തിൽ, മുംബൈയിൽ സിനിമ വ്യവസായം വിഷലിപ്തമായി എന്ന് തോന്നിയതിനാലാണ് താൻ മുംബൈ വിടാൻ തീരുമാനിച്ചതെന്ന് കശ്യപ് വെളിപ്പെടുത്തിയിരുന്നു. ദി ഹോളിവുഡ് റിപ്പോർട്ടർ ഇന്ത്യക്ക് നൽകിയ അഭിമുഖത്തിൽ, താൻ ദക്ഷിണേന്ത്യയിലേക്ക് താമസം മാറുകയാണെന്നും അദ്ദേഹം പറഞ്ഞിരുന്നു.

ഹി​ന്ദി സി​നി​മ മേ​ഖ​ല മ​ടു​ത്തതായും സം​വി​ധാ​നം ചെ​യ്യു​ന്ന​തി​ലെ സ​ന്തോ​ഷം ഇ​ല്ലാ​താ​യെ​ന്നും അ​ദ്ദേ​ഹം പ​റ​ഞ്ഞു. മ​ഞ്ഞു​മ്മ​ൽ ബോ​യ്സ് പോ​ലു​ള്ള ഒ​രു സി​നി​മ ഹി​ന്ദി​യി​ൽ ഉ​ണ്ടാ​കു​ന്നി​ല്ല. മ​റ്റു ഭാ​ഷ​ക​ളി​ലെ സി​നി​മ വി​ജ​യി​ച്ചാ​ൽ അ​ത് ഹി​ന്ദി​യി​ൽ റീ​മേ​ക്ക് ചെ​യ്യും. റീ​മേ​ക്കി​ങ്ങി​ൽ മാ​ത്ര​മാ​ണ് ഇ​വി​ടെ താ​ൽ​പ​ര്യം. പു​തു​താ​യി ഒ​ന്നും അ​വ​ർ പ​രീ​ക്ഷി​ക്കു​ന്നി​ല്ലെന്നും അദ്ദേഹം വിമർശിച്ചിരുന്നു.