‘പ്രതീക്ഷ’യിൽ മകളുടെ അമ്പതാം പിറന്നാൾ ആഘോഷിച്ച് ബച്ചൻ
text_fieldsപ്രിയപ്പെട്ടവർക്കൊപ്പം ‘പ്രതീക്ഷ’യുടെ സ്വീകരണമുറിയിൽ കഴിഞ്ഞദിവസം മകൾ ശ്വേതയുടെ അമ്പതാം പിറന്നാളാഘോഷിക്കവെ, ബോളിവുഡ് ഇതിഹാസം അമിതാഭ് ബച്ചൻ അവളുടെ കുഞ്ഞുനാളുകളെ ഓർത്തെടുത്തു. മകളുടെ വളർച്ചയും ജീവിതമാറ്റങ്ങളും വിവരിച്ച് ബിഗ് ബി തന്റെ വ്ലോഗിൽ കുറിച്ച വാക്കുകൾ ഇങ്ങനെ:
‘പ്രിയപ്പെട്ടവരുടെ സ്നേഹവും ആശംസകളും പ്രോഗ്രസ് റിപ്പോർട്ടുകളുടെ മനോഹാരിതയും നിറഞ്ഞ ദിനം. പിറന്നാൾ ദിനാഘോഷങ്ങൾ...ശ്വേത, ഞങ്ങളുടെ ആദ്യ കുഞ്ഞ്. അവളുടെ സുവർണ വയസ്സ്-50. ഞങ്ങൾ സ്വന്തമാക്കിയ ആദ്യ വീട്ടിലേക്ക് രണ്ടു വയസ്സുകാരിയെയും മാസങ്ങൾ മാത്രമായ അഭിഷേകിനെയും കൂട്ടി ഞങ്ങൾ കയറിവന്ന മുഹൂർത്തം. ഇന്നിപ്പോൾ അതേ വീട്ടിൽ, അതേ മേശക്കു ചുറ്റും ഞങ്ങൾ ഒത്തുകൂടിയിരിക്കുന്നു...ജീവിതമെന്ന അതിശയം !!! ’ -ബച്ചൻ എഴുതി. അമ്പതു കോടിയിലേറെ വിലമതിക്കുന്ന ‘പ്രതീക്ഷ’ ബംഗ്ലാവ് ബച്ചൻ കഴിഞ്ഞ വർഷമാണ് മകൾ ശ്വേതക്ക് സമ്മാനിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.