![Aryan Khan Aryan Khan](https://www.madhyamam.com/h-upload/2021/10/17/1233263-counselled-in-ncb-custody-aryan-khan-promised-to-make-sameer-wankhede-proud-of-him.webp)
എൻ.സി.ബി കസ്റ്റഡിയിൽ ആര്യന് കൗൺസലിങ്; ജയിൽ മോചിതനായാൽ നല്ല കുട്ടിയാകുമെന്ന് വാക്ക്
text_fieldsമുംബൈ: ആഡംബര കപ്പലിലെ മയക്കുമരുന്ന് കേസുമായി ബന്ധപ്പെട്ട് അറസ്റ്റിലായ ബോളിവുഡ് താരം ഷാരൂഖ് ഖാന്റെ മകൻ ആര്യന് ഖാനെ നാർക്കോട്ടിക്സ് കൺട്രോൾ ബ്യൂറോ കസ്റ്റഡിയിൽവെച്ച് കൗൺസലിങ്ങിന് വിധേയമാക്കിയതിന്റെ വിവരങ്ങൾ പുറത്ത്. ജയിൽ മോചിതനായാൽ താൻ നല്ല കുട്ടിയാകുമെന്നും ജോലി ചെയ്ത് ജനങ്ങളെ സഹായിക്കുമെന്നും എൻ.സി.ബി സോണൽ ഡയറക്ടർ സമീർ വാങ്കഡെക്ക് ആര്യന് ഉറപ്പുനൽകിയതായാണ് വിവരം.
ജയിൽ മോചിതനായാൽ നല്ല മനുഷ്യനാകും. പാവപ്പെട്ട ജനങ്ങളെ സഹായിക്കും. അന്തസോടെ ജോലിചെയ്ത് പിതാവിന് അഭിമാനമാകുമെന്നും ആര്യൻ പറഞ്ഞു.
എൻ.ജി.ഒ പ്രവർത്തകരും എൻ.സി.ബി ഉദ്യോഗസ്ഥരും ചേർന്നാണ് ആര്യൻ ഖാനെയും കേസിൽ ഉൾപ്പെട്ട മറ്റുള്ളവരെയും കൗൺസലിങ്ങിന് വിധേയമാക്കിയത്.
ഒക്ടോബർ ഏഴിന് ആര്യൻ ഖാനെ കോടതി 14 ദിവസത്തേക്ക് ജുഡീഷ്യൽ കസ്റ്റഡിയിൽ വിടുകയായിരുന്നു. തൊട്ടടുത്ത ദിവസം തന്നെ ആര്യനെ മുംബൈയിലെ ആർതർ റോഡ് ജയിലിലേക്ക് മാറ്റിയിരുന്നു.
മുംബൈ തീരത്തെത്തിയ കോർഡലിയ ആഡംബര കപ്പലിെല ലഹരിപാർട്ടിയുമായി ബന്ധപ്പെട്ടാണ് ആര്യനെയും സുഹൃത്തുക്കളെയും ഒക്ടോബർ രണ്ടിന് എൻ.സി.ബി കസ്റ്റഡിയിലെടുക്കുന്നത്. മൂന്നിന് ഇവരുടെ അറസ്റ്റ് രേഖപ്പെടുത്തി. തുടർന്ന് മുംബൈ കോടതി ആര്യനെ ജുഡീഷ്യൽ കസ്റ്റഡിയിൽ വിടുകയായിരുന്നു. ഒക്ടോബർ 20വരെ ആര്യൻ ജയിലിൽ തുടരും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.