ന്നാ നമുക്ക് ആഘോഷിക്കാം..

O ഒ​ന്നാ​വു​ക
N ന​ന്നാ​വു​ക
A ആ​ഘോ​ഷി​ക്കു​ക
M മ​ല​യാ​ളി​യാ​വു​ക

ഈ ​നാ​ല് വാ​ക്കു​ക​ൾ കൂ​ട്ടി​ച്ചേ​ർ​ത്താ​ൽ ഓ​ണ​മാ​യി. രാ​ഷ്ട്രീ​യ​ത്തി​ന്‍റെ​യും മ​ത​ത്തി​ന്‍റെ​യും നി​റ​ത്തി​ന്‍റെ​യും പേ​രി​ൽ പ​ര​സ്പ​രം ക​ടി​പി​ടി​കൂ​ടു​ന്ന മ​നു​ഷ്യ​രെ ഒ​ന്നി​പ്പി​ക്കു​ന്ന​താ​ണ് ഓ​ണ​ക്കാ​ലം. ഉ​ത്രാ​ടം മു​ത​ൽ നാ​ലോ​ണം വ​രെ​യു​ള്ള അ​ഞ്ച് ഓ​ണ​നാ​ളു​ക​ൾ മ​നു​ഷ്യ​ൻ മ​നു​ഷ്യ​നാ​യി ജീ​വി​ക്കു​ന്ന​താ​ണ് ഓ​ണ​സ​ന്ദേ​ശം.

പാ​വ​പ്പെ​ട്ട​വ​ന്‍റെ ആ​ഘോ​ഷ​മാ​ണ് ഓ​ണം. ധ​നി​ക വീ​ടു​ക​ളി​ൽ അ​രി​ക​ഴു​കി ഒ​ഴി​വാ​ക്കു​ന്ന വെ​ള്ള​മാ​യ ക​രി​ക്കാ​ടി കു​ടി​ച്ചി​രു​ന്ന പ​ട്ടി​ണി​ക്കോ​ല​ങ്ങ​ൾ​ക്ക് മൂ​ന്നു​നേ​രം സ​മൃ​ദ്ധ​മാ​യി ഉ​ണ്ണാ​ൻ കി​ട്ടു​ന്ന ദി​വ​സ​മാ​യി​രു​ന്നു പ​ണ്ട് ഓ​ണ​ക്കാ​ലം.

ചെ​റു​പ്പ​ത്തി​ൽ ഞാ​ൻ ഉ​ണ്ട ഓ​ണ​വും ഞാ​ൻ ക​ണ്ട ഓ​ണ​വും ഞാ​നി​ട്ട പൂ​ക്ക​ള​വും കേ​ട്ട ഓ​ണ​പ്പാ​ട്ടു​ക​ളും ക​ഥ​ക​ളും ഞാ​ൻ ക​ണ്ട നി​ലാ​വും പു​ഴ​യും ഗ്രാ​മ​വും ഇ​പ്പോ​ഴും എ​ന്‍റെ മ​ന​സ്സി​ൽ മ​രി​ക്കാ​തെ​യു​ണ്ട്.

കാ​ല​മേ​റു​മ്പോ​ഴും മ​ന​സ്സി​ലെ ആ ​ഓ​ർ​മ​ച്ചി​ത്ര​ങ്ങ​ൾ 70 എം.​എം സി​നി​മ സ്ക്രീ​ൻ പോ​ലെ തെ​ളി​ഞ്ഞു​വ​രു​ക​യാ​ണ്. ഓ​ർ​മ​ക​ൾ നി​റ​ഞ്ഞ ആ ​കു​ട്ടി​ത്ത​മാ​ണ് എ​ന്നെ​യി​ന്ന് ജീ​വി​പ്പി​ക്കു​ന്ന​ത്.

ഇ​പ്പോ​ൾ ഓ​ണം വ്യ​വ​സാ​യ​വു​മാ​യി ബ​ന്ധ​പ്പെ​ട്ട​താ​യി മാ​റി. പ​ര​സ്യ​ങ്ങ​ളി​ൽ ഞാ​നും അ​ഭി​ന​യി​ക്കാ​റു​ണ്ട്. വ്യാ​പാ​രോ​ത്സ​വ​മാ​ണി​ന്ന് ഓ​ണം. വി​പ​ണി, പ​ര​സ്യം, മ​ത്സ​രം അ​താ​ണി​ന്ന് ഓ​ണം. അ​ത് തെ​റ്റ​ല്ല. കാ​ല​ത്തി​ന്‍റെ മാ​റ്റ​മാ​ണ്. കാ​ല​മാ​ണ​ല്ലോ നാ​യ​ക​നും വി​ല്ല​നും.

എ​ല്ലാ മ​ത​ക്കാ​ർ​ക്കും മ​ന​സ്സി​ലാ​കു​ന്ന വാ​ക്കാ​ണ് ബ​ലി. ആ ​വാ​ക്കി​ന്‍റെ അ​ർ​ഥം കൃ​ത്യ​മാ​യി വ​രു​ന്ന​ത് ഓ​ണ​ത്തി​ലാ​ണ്. ഏ​റ്റ​വും വ​ലി​യ ബ​ലി​യാ​ണ് മ​ഹാ​ബ​ലി.

ന​ന്മ​യു​ള്ള രാ​ജാ​വി​ന് ഒ​രി​ക്ക​ലും രാ​ജ്യം ഭ​രി​ക്കാ​ൻ ക​ഴി​യി​ല്ല എ​ന്ന​തി​ന്‍റെ ഉ​ത്ത​മോ​ദാ​ഹ​ര​ണ​മാ​ണ് ഓ​ണം. അ​താ​ണ് മ​ഹാ​ബ​ലി.

ന​ന്മ​യു​ള്ള ഭ​ര​ണാ​ധി​കാ​രി​ക്ക​ല്ല, പ​ക​രം കു​ത​ന്ത്ര​രാ​യ ഭ​ര​ണാ​ധി​കാ​രി​ക​ൾ​ക്കേ നി​ല​നി​ൽ​ക്കാ​ൻ ക​ഴി​യൂ എ​ന്ന ന​ഗ്ന​സ​ത്യം ഓ​ണം വി​ളി​ച്ചു​പ​റ​യു​ന്നു​ണ്ട്.

മ​ഹാ​ബ​ലി​യെ ചു​രു​ക്കി 'മാ​വേ​ലി' എ​ന്നാ​ക്കി​യ​പ്പോ​ൾ അ​തി​ന്‍റെ അ​ർ​ഥം വി​ശാ​ല​മാ​യി. 'മാ ​വേ​ലി' എ​ന്നാ​ൽ 'അ​രു​ത് വേ​ലി' എ​ന്ന​ർ​ഥം.

അ​താ​യ​ത് വേ​ലി​ക്കെ​ട്ടു​ക​ളി​ല്ലാ​ത്ത ലോ​ക​ത്തെ കു​റി​ച്ചാ​ണ് മാ​വേ​ലി സ്വ​പ്നം കാ​ണു​ന്ന​ത്.

ഏ​താ​നും വ​ർ​ഷ​ങ്ങ​ളാ​യി ന​മ്മ​ൾ പൂ​ക്ക​ള​മി​ടു​ന്ന​ത് സ​ങ്ക​ട​മു​റ്റ​ത്താ​ണ്. ദു​രി​ത​ത്തു​ട​ർ​ച്ച​ക​ൾ​ക്കി​ട​യി​ൽ മ​ന​സ്സു​മ​ടു​ത്ത മ​ല​യാ​ളി​ക​ൾ ഓ​ർ​മ​യി​ലെ ആ ​പ​ഴ​യ 'ജീ​വി​ത'​ത്തി​ലേ​ക്ക് 'തി​രി​ച്ചു​ന​ട​ക്കാ​നു​ള്ള' വെ​മ്പ​ലി​ലാ​ണ്. മാ​സ്കി​ന്റെ മ​റ​യി​ല്ലാ​തെ കു​ഞ്ഞു​ങ്ങ​ളെ ഒ​ന്നു​മ്മ​വെ​ക്കാ​ൻ, അ​ങ്ങാ​ടി​യി​ലെ ചാ​യ​ക്ക​ട​യി​ൽ ഒ​രു​മി​ച്ചി​രു​ന്ന് സൊ​റ പ​റ​യാ​ൻ, സു​ഹൃ​ത്തു​ക്ക​ളോ​ടൊ​പ്പം അ​ക​ല​മി​ല്ലാ​തെ കൈ​കോ​ർ​ത്ത് ന​ട​ക്കാ​ൻ...

അ​തെ, വി​ഘ​ടി​ച്ചു​നി​ൽ​ക്കു​ന്ന നാം ​ഒ​ന്നാ​വ​ണം. മ​ന​സ്സി​ൽ വി​ഷ​വു​മാ​യി ന​ട​ക്കു​ന്ന മ​നു​ഷ്യ​ർ ന​ന്നാ​ക​ണം. എ​ല്ലാ വി​ദ്വേ​ഷ​വും മാ​റ്റി​വെ​ച്ച് ജീ​വി​തം ഒ​ന്നി​ച്ച് ആ​ഘോ​ഷി​ക്ക​ണം. പി​റ​ന്ന നാ​ടി​നെ സ്നേ​ഹി​ച്ച് മ​ല​യാ​ളി​യാ​ക​ണം. ഇ​ത്ത​വ​ണ ന​മു​ക്കൊ​ന്നി​ച്ചോ​ണ​മു​ണ്ണാം.