തിക്കിടിയുടെ മണമുള്ള പെരുന്നാൾ

പെരുന്നാളിന്​ തിക്കിടി ഉരുട്ടൽ ഞങ്ങൾ കുട്ടികളുടെ ജോലിയാണ്​. കോട്ടയംകാർക്ക്​ പെരുന്നാളിന്​ പോത്തിറച്ചിപോലെ പ്രിയപ്പെട്ടതാണ്​ തിക്കിടിയും. അരിപ്പൊടി വാട്ടി കുഴച്ച്​ പോപ്പിൻസി​െൻറ വലുപ്പത്തിൽ കൈയിൽവെച്ചുരുട്ടി ചെറിയ ഉരുളകളാക്കി മാറ്റും. വീട്ടിലെ വനിതാരത്​നങ്ങളെല്ലാം ഒന്നിച്ചിരുന്നാണ്​ തേങ്ങാപ്പാലിൽ തിക്കിടി പാകം ചെയ്യുന്നതെങ്കിലും ഉരുട്ടൽ കുട്ടികളുടെ കുത്തകയാണ്​. പെരുന്നാളെന്നാൽ തിക്കിടിയോർമയാണ്​. ഭക്ഷണത്തി​െൻറ ഓർമകളാണ്​.

വിശേഷദിവസങ്ങളിൽ പത്തിരിക്ക്​ പകരം തിക്കിടി കടന്നുകൂടിയതി​െൻറ പിന്നിലെ അധ്വാനക്കുറവും എളുപ്പവും ഞാൻ ഉമ്മയായപ്പോഴാണ്​ മനസിലായത്​. ബലിപെരുന്നാൾ ഓർമകൾ ഉമ്മ റംലാബീവിയുടെ നാടായ തൊടുപുഴയിലും വലിയ ബാപ്പ (ബാപ്പയുടെ ബാപ്പ) നാടായ ഏന്തയാറുമായിരുന്നു​. ഏന്തയാറിൽ ഖത്വീബും അധ്യാപകനുമായിരുന്ന വലിയബാപ്പ ഉബൈദത്ത്​ ലബ്ബ. ചെറുപ്പകാലം അവിടെയായിരുന്നു.

വേനലവധിക്ക്​ പെരുന്നാൾ വരു​േമ്പാൾ തൊടുപുഴയിൽ ഉമ്മയുടെ വീട്ടിൽപോകും. അവിടെ വീടിനോട്​ ചേർന്നുള്ള പള്ളിയിലെ ഇറച്ചി അറവും​ നമ്മുടെ പറമ്പിലാണ്​. അറവിനായി പോറ്റുന്ന പോത്തിൻകുട്ടികൾക്ക്​ തീറ്റ കൊടുക്കേണ്ടത്​ ഞങ്ങൾ കുട്ടികളുടെ ജോലിയാണ്​. ഉമ്മയുടെ ഉപ്പക്ക്​ 12 മക്കളാണ്​. സ്​കൂൾ അടച്ചാൽ വീടും മുറ്റവും നിറയെ കുട്ടികളാവും. എന്നെക്കാൾ പ്രായത്തിൽ ചെറുപ്പമായ ഇളയമ്മമാരുണ്ടായിരുന്നു എനിക്ക്​. വലിയ കുടുംബമായിരുന്നു. ഉമ്മച്ചിയുടെ ബാപ്പ (ബാച്ചി) രാത്രി വീട്ടിലെത്തിയാൽ പോത്തുകൾക്ക്​ കഷ്​ടപ്പെട്ട്​ പഴത്തൊലിയും മറ്റും കൊടുക്കും. എ​െൻറ ബാപ്പ മുഹമ്മദ് ഇസ്മായീൽ ലബ്ബക്ക്​​​ ഇതു കാണു​േമ്പാൾ ദേഷ്യംവരും. അറക്കാനാണെങ്കിൽ സ്​നേഹിക്കുന്നതെന്തിനാണെന്ന ലൈനാണ്​ മൂപ്പർക്ക്​. ബാപ്പയുടെ യുക്തിവാദവും ബാച്ചിയുടെ ഭക്തിയും പലപ്പോഴും വാദപ്രതിവാദങ്ങളാവു​േമ്പാൾ ഞങ്ങൾ കുട്ടികൾ ​കാലികൾക്ക്​ തീറ്റ കൊടുക്കാനുള്ള തിരക്കാവും. അറവ്​ അഴിഞ്ഞാൽ വീട്ടുകാർക്കടക്കം എല്ലാവർക്കും തുല്യ അളവിലാവും ഇറച്ചി ലഭിക്കുക. തനി സോഷ്യലിസം. ഇറച്ചിപെരുന്നാൾ കഴിഞ്ഞ്​ രണ്ടാഴ്​ച ഏതുവീട്ടിൽ പോയാലും ബീഫ്​ഫ്രൈയും കട്ടനുമാവും സ്​പെഷൽ.

പെരുന്നാളിന്​ മഹിളകൾ ഒത്തുചേർന്നാൽ അൽപം മൈലാഞ്ചിമൊഞ്ചൊക്കെ ചേരും. ചക്കയുടെ പശ ഉരുക്കി ചന്ദ്രക്കലയുടെയും നക്ഷത്രങ്ങളുടെയും രൂപത്തിൽ കയ്യിൽ ഡിസൈൻ ചെയ്​ത്​ ഒട്ടിച്ചുവെക്കും. അതി​െൻറ മുകളിൽ മൈലാഞ്ചി തേച്ചുപിടിപ്പിക്കും. ഇന്നത്തെപോലെ റെഡിമെയ്​ഡ്​ ട്യൂബല്ല. മൈലാഞ്ചിയില പറിച്ച്​​ അരച്ചെടുത്ത്​ ഉണ്ടാക്കുന്നതാണ്​. ക്ഷമയുടെ ബാലപാഠങ്ങൾ പഠിച്ചത്​ മെലാഞ്ചികൈകളിലാണ്​. ഏറെനേരം കഴുകാതെ വെക്കുന്നവരുടെ കയ്യിൽ ചന്ദ്രക്കലയും നക്ഷത്രങ്ങളും തെളിഞ്ഞുനിൽക്കും. ഇന്നിപ്പോൾ ഡിസൈനിനായി കുട്ടികൾ അച്ചിലും നെറ്റിലുമൊക്കെയായി പരതുകയല്ലേ. പെരുന്നാൾദിനത്തിൽ എവിടെയാണെങ്കിലും എല്ലാരും ഒത്തുകൂടും.

ഉമ്മച്ചിയുടെ അനിയത്തിമാരുടെ മക്കളുമൊക്കെയായി ബഹളമായിരിക്കും. അന്നൊക്കെ പെരുന്നാളിന്​ മാത്രമാണ്​ കോടിയൊക്കെ ലഭിക്കുന്നത്​. ചെറിയ പെരുന്നാൾ കഴിഞ്ഞ്​ രണ്ടുമാസംകൊണ്ട്​ വലിയപെരുന്നാളുമെത്തും. പെരുന്നാൾ രണ്ടാണെങ്കിലും മിക്കവർക്കും കോടി ഒന്നായിരിക്കും. രണ്ടുപെരുന്നാളിനും കുപ്പായം വാങ്ങിക്കാനുള്ള പ്രാപ്​തി ആർക്കുമുണ്ടായിരുന്നില്ല. എനിക്ക്​ 12 വയസുള്ളപ്പോളാണ്​ ബാപ്പ മരിക്കുന്നത്​. ഉമ്മച്ചിയുടെ വീട്ടിൽ അത്യാവശ്യത്തിന്​ ഇഞ്ചികൃഷിയൊക്കെ ഉണ്ടായിരുന്നതിനാൽ അൽപം നല്ലനിലയിലായിരുന്നു. അവിടെയെത്തിയാൽ കോടി ഉറപ്പാണ്​. പെൺകുട്ടികളുടെ മക്ക​േളാട്​ അൽപം സ്നേഹക്കൂടുതലുണ്ടായിരുന്നു.

വലുതായപ്പോൾ പെരുന്നാൾ പഴയപോലെ ആഘോഷിക്കാനായിട്ടില്ല. അപ്പോൾ തോന്നിയിട്ടുണ്ട്​ ഇത്​ കുട്ടിത്തരത്തി​െൻറ ആഘോഷമാണെന്ന്​. പാവാടയും ബ്ലൗസും മാറി ഹാഫ്​ സാരിയുടുക്കാനുള്ള കാത്തിരിപ്പായിരുന്നു കൗമാരത്തിലെ പെരുന്നാൾ ദിന-ങ്ങൾ. പലവട്ടം ക്ഷണിച്ചിട്ടും വരാത്ത ഉഷാകുമാരി ഞങ്ങളുടെ പെരുന്നാൾരുചി നുകരാൻ വന്ന ദിവസം ഇന്നും ഓർമയുണ്ട്​. അന്നൊക്കെ ക്ഷണിച്ചാലും ആരും വരില്ല. പെൺകുട്ടികളെയൊന്നും ഒരുപാട്​ ദൂരമൊന്നും ഒറ്റക്ക്​ വിടില്ല. അതൊക്കെയായിരുന്നു വലിയ വിഷമം. ഇന്നിപ്പോൾ എല്ലാം മാറി. മക്കൾ അഭിനയേ​ത്രി അനാർക്കലി മരിക്കാറി​െൻറയും അസി. ഡയറക്​ടർ ലക്ഷ്​മി മരിക്കാറി​െൻറയും കൂടെ കൊച്ചിയിലെ വീട്ടിലാണ്​ ഇത്തവണത്തെ പെരുന്നാൾ ആഘോഷ​ം. പെരുന്നാൾകോടിയുടെ പുതുമയും തിക്കിടിയുടെ പരത്തൽ ബഹളവുമെല്ലാം ഇപ്പോൾ പെരുന്നാൾ ഓർമകൾ മാത്രമാണ്​.

സാമൂഹിക പ്രവർത്തകയും എുത്തുകാരിയുമായ ലാലി പി.എം അവിചാരിതമായാണ്​ സിനിമയിലെത്തുന്നത്​. കുമ്പളങ്ങി നൈറ്റ്​സിൽ സഹോദരങ്ങളുടെ അമ്മയായി ഒറ്റ സീനിലാണെങ്കിലും ശ്രദ്ധിക്കപ്പെട്ടു. പിന്നീട്​ തുറമുഖം, സുന്ദരി ഗാർഡൻസ്​, ഓളം തുടങ്ങിയ ചിത്രങ്ങളാണ്​ റിലീസാവാനുള്ളത്​.