'ബി.ജെ.പി ഭരിക്കു​േമ്പാൾ പെ​ട്രോൾ വില വർധനയിൽ മൗനം'; ബച്ചനും അക്ഷയ്​ കുമാറിനുമെതിരെ മഹാരാഷ്ട്ര കോൺഗ്രസ്​

മുംബൈ: ബി.ജെ.പി കേന്ദ്രം ഭരിക്കു​േമ്പാൾ ചരിത്രത്തിലെ ഉയർന്ന നിരക്കിൽ പെട്രോൾ വിലയെത്തിയിട്ടും മൗനം പാലിക്കുന്ന ബോളിവുഡ്​ നടൻമാരായ അമിതാഭ്​ ബച്ചന്‍റെയും അക്ഷയ്​ കുമാറിന്‍റെയും ഷൂട്ടിങ്​ തടയുമെന്ന ഭീഷണിയുമായി മഹാരാഷ്​ട്ര കോൺ​ഗ്രസ്​. ഇരു താരങ്ങളുടെയും സിനിമകളുടെ പ്രദർശനം തടയുമെന്നും മഹാരാഷ്​ട്ര കോൺ​ഗ്രസ്​ സംസ്​ഥാന അധ്യക്ഷൻ നാന പ​ട്ടോൾ പറഞ്ഞു.

ബി.ജെ.പി സർക്കാർ ഭരിക്കു​േമ്പാൾ പെട്രോൾ വില ഉയരു​േമ്പാൾ രണ്ടു താരങ്ങളും മൗനം പാലിക്കുന്നു. ഇന്ധനവില വർധനവ്​ സാധാരണ ജനങ്ങൾക്കാണ്​ തിരിച്ചടിയാകുന്നത്​. മൻമോഹൻ സിങ് സർക്കാറിന്‍റെ കാലത്ത്​ ഇന്ധനവില ഉയരു​േമ്പാൾ അമിതാഭ്​ ബച്ചനും അക്ഷയ്​ കുമാറും സർക്കാറിനെതിരെ ട്വീറ്റ്​ ചെയ്​തു. ഇന്ന്​ അവർ മൗനം പാലിക്കുന്നു -നാന പ​ട്ടോൾ പറഞ്ഞു. സ്വേച്ഛാധിപതികളായ മോദി സർക്കാറിനെ വിമർശിക്കാൻ ഇരുവർക്കും ധൈര്യമില്ലേയെന്നും കോൺഗ്രസ്​ നേതാവ്​ ചോദിച്ചു.

'അമിതാഭ്​ ബച്ചനും അക്ഷയ്​ കുമാറും അഭിനയിക്കുന്ന ചിത്രങ്ങൾ മഹാരാഷ്​ട്രയിൽ ഷൂട്ട്​ ചെയ്യാൻ അനുവദിക്കില്ല. ഒന്നുകിൽ നിങ്ങൾ ദേശവിരുദ്ധ നയങ്ങൾ നടപ്പിലാക്കുന്ന നരേന്ദ്രമോദി സർക്കാറിനെതി​െര സംസാരിക്കുക. അല്ലെങ്കിൽ നിങ്ങളുടെ സിനിമ ചിത്രീകരണം ഞങ്ങൾ തടയും' -നാന പ​േട്ടാൾ പറഞ്ഞു.

അതേസമയം താരങ്ങൾക്കെതിരായ ഭീഷണിക്കെതി​െര ബി.ജെ.പി രംഗത്തെത്തി. ബോളിവുഡ്​ താരങ്ങളായ അമിതാഭ്​ ബച്ചനും അക്ഷയ്​ കുമാറും കഴിവുള്ള ആദരണീയരായ വ്യക്തിത്വങ്ങളാണ്​. ഇപ്പോൾ കോൺഗ്രസ്​ പറയുന്നു അവരെ ഷൂട്ട്​ ചെയ്യാനും സിനിമ പ്രദർശിപ്പിക്കാനും അനുവദിക്കില്ലെന്ന്​. ബോളിവുഡ്​ താരങ്ങൾ ചെയ്​ത തെ​റ്റ്​ എന്താണെന്നും ബി.ജെ.പി നേതാവ്​ രാം കദം ചോദിച്ചു.

രാജ്യത്തിന്​ അനുകൂലമായി ട്വീറ്റ്​ ചെയ്യുന്നത്​ കുറ്റകൃത്യമാണോ എന്നായിരുന്നു അടുത്ത ചോദ്യം. വിദേ​ശത്തിരുന്ന്​ ചിലർ ഇന്ത്യയുടെ പ്രതിച്ഛായ തകർക്കുകയാണെന്നും അതിന്​ കോൺഗ്രസ്​ പിന്തുണ നൽകുകയാണെന്നും രാം കദം പറഞ്ഞു.

അമിതാഭ്​ ബച്ചന്‍റെയും അക്ഷയ്​ കുമാറിന്‍റെയും ഇരട്ട നിലപാടുകൾക്കെതിരെ ട്വിറ്ററിലും പ്രതിഷേധം ശക്തമായിരുന്നു. യു.പി.എ സർക്കാറിന്‍റെ കാലത്തെ ഇന്ധനവില വർധനവിനെതിരെ പ്രതിഷേധമുയർത്തിയ താരങ്ങളുടെ ഇ​േപ്പാഴത്തെ മൗനമാണ്​ പ്രതിഷേധത്തിനിടയാക്കിയത്​.

രാജ്യത്ത്​ ഇന്ധനവില നൂറുകടന്നതിൽ വൻ പ്രതിഷേധമാണ്​ ഉയരുന്നത്​. ഉയർന്ന നികുതി നിരക്കുള്ള രാജസ്​ഥാനിലാണ്​ ആദ്യം നൂറുകടന്നത്​. ബുധനാഴ്ച പെട്രോളിന്​ 25 പൈസ വർധിച്ചതോടെ രാജസ്​ഥാനിലെ ഗംഗാനഗറിൽ ഇന്ത്യൻ ഓയിൽ കോർപറേഷൻ പമ്പുകളിൽ വില 100.13 രൂപയിലെത്തുകയായിരുന്നു. മധ്യപ്രദേശിൽ വ്യാഴാഴ്ച പെ​േട്രാൾ വില നൂറുതൊട്ടു. തുടർച്ചയായ പതിനൊന്നാം ദിവസവും വില ഉയർന്നതിന്​ പിന്നാലെ രാജ്യത്തിന്‍റെ വിവിധ നഗരങ്ങളിൽ പെട്രോളിന്​ വില നൂറുകടക്കുകയായിരുന്നു. മഹരാഷ്​ട്ര, മധ്യപ്രദേശ്​, രാജസ്​ഥാൻ സംസ്​ഥാനങ്ങളിലാണ്​ നിലവിൽ ഏറ്റവും ഉയർന്ന വില.