പൃഥ്വിരാജ് ചിത്രത്തെ പ്രശംസിച്ച് പാക് നടി! മലയാള സിനിമ ഉറപ്പായും കണ്ടിരിക്കണം; മികച്ച പ്രമേയം, സംവിധാനം...
text_fieldsമലയാള സിനിമയെ പ്രശംസിച്ച് പാകിസ്താൻ താരം മാഹിറ ഖാൻ. മലയാള സിനിമ തീർച്ചയായും കാണണമെന്നും പ്രേക്ഷകരെ അത്ഭുതപ്പെടുത്തുന്ന തരത്തിലാണ് ചിത്രങ്ങൾ ഒരുക്കുന്നതെന്നും ഒരു യൂട്യൂബ് ചാനലിന് നൽകിയ അഭിമുഖത്തിൽ പറഞ്ഞു. 2023 ൽ നൽകിയ അഭിമുഖമാണ് ഇപ്പോൾ വൈറലാവുന്നത്.
'മലയാളം സിനിമ എല്ലാവരും കാണണം. ഞാൻ തെലുങ്ക്, തമിഴ് സിനിമകളെക്കുറിച്ചല്ല പറയുന്നത്. എന്നാൽ ഉറപ്പായും മലയാള സിനിമ എല്ലാവരും കണ്ടിരിക്കണം. അവരുടെ പ്രമേയവും സംവിധാനവും ലൈറ്റിങ്ങും നമ്മളെ അത്ഭുതപ്പെടുത്തും. ചിലപ്പോൾ ഞാൻ ഈ പറയുന്നത് തെറ്റായിരിക്കും മലയാളം സിനിമകള് ബോളിവുഡിന് വിറ്റ് നല്ല പണമുണ്ടാക്കുന്നുണ്ടെന്നാണ് എനിക്ക് തോന്നുന്നത്- മഹിറ അഭിമുഖത്തിൽ പറഞ്ഞു.
പൃഥ്വിരാജ് ചിത്രം ജന ഗണ മനയെ കുറിച്ചും നടി വാചാലയായി. ആ ചിത്രം എന്നെ വല്ലാതെ ആകർഷിച്ചു. ഒരിക്കൽ പൃഥ്വിരാജിനെ നേരിൽ കാണാൻ സാധിച്ചിട്ടുണ്ടെന്നും താരം കൂട്ടിച്ചേർത്തു.
ഷാറൂഖ് ഖാന്റെ റൈസ് എന്ന ചിത്രത്തിലൂടെയാണ് മാഹിറ ബോളിവുഡിൽ ചുവടുവെക്കുന്നത്. 2011ആണ് സിനിമ പ്രവേശനം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.