തെലുങ്കിലും 'മാർക്കോ' തന്നെ; സന്തോഷം പങ്കുവെച്ച് ഉണ്ണി മുകുന്ദൻ

മികച്ച സ്വീകാര്യത നേടി ഉണ്ണി മുകുന്ദൻ ചിത്രം മാർക്കോ തിയറ്ററുകളിൽ വിജ‍യകരമായി പ്രദർശനം തുടരുകയാണ്. ജനുവരി 20 ന് തിയറ്ററുകളിലെത്തിയ ചിത്രത്തിന് മികച്ച പ്രതികരണമാണ് ലഭിക്കുന്നത്.

മാർക്കോയുടെ തെലുങ്ക് പതിപ്പ് ജനുവരി ഒന്നിനാണ് പ്രദർശനത്തിനെത്തിയത്. ആദ്യദിനം 1.75 കോടി രൂപയാണ് ചിത്രം നേടിയത്. ഇപ്പോഴിതാ ചിത്രം അഞ്ച് കോടി കളക്ട് ചെയ്തിരിക്കുകയാണ്. ഏഴ് ദിവസം കൊണ്ടാണ് ടോളിവുഡ് ബോക്സോഫീസിൽ മാർക്കോ അഞ്ച് കോടി നേടിയത്. നടൻ ഉണ്ണി മുകുന്ദനാണ് സോഷ്യൽ മീഡിയയിലൂടെ ഇക്കാര്യം പങ്കുവെച്ചത്. ചിത്രത്തിന്റെ ഹിന്ദി പതിപ്പ് ഇതിനോടകം തന്നെ 10 കോടി നേടിയിട്ടുണ്ട്.ആഗോളതലത്തിലാകട്ടെ സിനിമ 100 കോടി മറികടന്ന് പ്രർശനം തുടരുകയാണ്.

ഉണ്ണി മുകുന്ദനോടൊപ്പം സിദ്ദീഖ്, ജഗദീഷ്, ആൻസൺ പോൾ, കബീർ ദുഹാൻസിംഗ് (ടർബോ ഫെയിം), അഭിമന്യു തിലകൻ, യുക്തി തരേജ തുടങ്ങിയവരും ഒട്ടേറെ ബോളിവുഡ് താരങ്ങളും പുതുമുഖ താരങ്ങളും അണിനിരന്ന ചിത്രം മലയാളത്തിലെ തന്നെ ഏറ്റവും വലിയ മാസ്സീവ്-വയലൻസ് ചിത്രം എന്ന ലേബലോടെയാണ് എത്തിയത്. ക്യൂബ്‌സ് എന്‍റർടെയ്ൻമെന്‍റ്സാണ് ചിത്രം ഒരുക്കിയത്.

ചിത്രത്തിന്‍റെ ഛായാഗ്രഹണം: ചന്ദ്രു സെൽവരാജ്, ചിത്രസംയോജനം: ഷമീർ മുഹമ്മദ്, സൗണ്ട് ഡിസൈൻ: സപ്ത റെക്കോർഡ്സ്, ഓഡിയോഗ്രഫി: രാജകൃഷ്ണൻ എം ആർ, കലാസംവിധാനം: സുനിൽ ദാസ്, മേക്കപ്പ്: സുധി സുരേന്ദ്രൻ, കോസ്റ്റ്യും&ഡിസൈൻ: ധന്യാ ബാലകൃഷ്ണൻ, പ്രൊഡക്ഷൻ ചീഫ് അസ്സോസ്സിയേറ്റ് ഡയറക്ടർ: സ്യമന്തക് പ്രദീപ്, എക്സിക്യുട്ടീവ് പ്രൊഡ്യൂസർ: അബ്ദുൾ ഗദാഫ്, ജുമാന ഷെരീഫ്, പ്രൊഡക്ഷൻ കൺട്രോളർ: ദീപക് പരമേശ്വരൻ, ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്‍റർടെയ്ൻമെന്‍റ്, പിആർഒ: ആതിര ദിൽജിത്ത്.