മലയാളത്തിന്റെ നിത്യവിസ്മയത്തിന് ഇന്ന് പിറന്നാൾ; ആഘോഷമാക്കി ആരാധകർ

മലയാളിന്റെ നിത്യവിസ്മയം മോഹൻലാലിന് ഇന്ന് 61ാം പിറന്നാൾ. സാമൂഹിക-സാംസ്കാരിക-രാഷ്ട്രീയ മേഖലയിലെ നിരവധി പേരാണ് താരത്തിന് ആശംസകളുമായി എത്തുന്നത്. എല്ലാ വർഷത്തേയും പോലെ ഇത്തവണയും ചെന്നൈയിലെ വീട്ടിലാണ് മോഹൻലാൽ പിറന്നാൾ ആഘോഷിക്കുന്നത്. വലിയ ആഘോഷങ്ങളില്ലെങ്കിലും അടുത്ത കൂട്ടുകാരും കുടുംബാ​ഗംങ്ങളും താരത്തോടൊപ്പം ഒത്തുചേരും. ചെന്നൈയിലെ വീട്ടിൽ പിറന്നാൾ ആഘോഷിക്കുന്നതിന്റെ ചിത്രങ്ങളും പുറത്തുവന്നു.

'മഞ്ഞില്‍ വിരിഞ്ഞ പൂക്കൾ' എന്ന ഫാസില്‍ ചിത്രത്തിലൂടെ 1980ലാണ് മോഹന്‍ലാല്‍ അരങ്ങേറ്റം കുറിക്കുന്നത്. മലയാളികൾക്ക് എന്നെന്നും ഓർക്കാൻ നിരവധി കഥാപാത്രങ്ങളെ സമ്മാനിച്ച് മോഹൻലാൽ ജൈത്രയാത്ര തുടരുകയാണ്.