'ഊതല്ലേ, ഊതിയാൽ തീപ്പൊരി പറക്കും' -മീൻപൊരിയിലൊരു ലാലിസം

സൂപ്പർതാരം മോഹൻലാലി​െൻറ പാചകപ്രേമം പ്രസിദ്ധമാണ്​. നാടൻ പാചകം മാത്രമല്ല ഫ്രഞ്ച്​ ശൈലിയും തനിക്ക്​ വഴങ്ങുമെന്ന്​ തെളിയിക്കുകയാണ്​ മലയാളികളുടെ പ്രിയതാരമിപ്പോൾ. തീ​പ്പൊരി ഡയലോഗുകൾ പറയുന്ന അതേ ലാഘവത്തോടെ ലാൽ മീൻ പൊരിക്കുന്ന വിഡിയോ ആണ്​ ഇപ്പോൾ വൈറലായിരിക്കുന്നത്​. വെള്ള ആവോലി വെറു​േത ​പൊരിച്ചെടുക്കുകയല്ല, ലാൽ നല്ല ഫ്രഞ്ച്​ ശൈലിയിൽ ഫ്ലാംബേ (Flambe) ചെയ്യുന്നതാണ് വിഡിയോയിലുള്ളത്​.

സ്മോക്കി ​ഫ്ലേവർ കിട്ടാൻ പാകപ്പെടുത്തിയ മീനിലേക്ക് അൽപം സ്പിരിറ്റ് ചേർത്ത് പൊള്ളിച്ചെടുക്കുന്ന ഫ്രഞ്ച് കുക്കിങ് രീതിയാണ് ഫ്ലാംബേ. കൊച്ചിയിലെ ലാലി​െൻറ ഫ്ലാറ്റിൽ നടന്ന 'കുക്കിങ്​ സെഷ​െൻറ' വിഡിയോ സുഹൃത്തും വ്യവസായിയുമായ സമീർ ഹംസയാണ്​ ഇൻസ്​റ്റഗ്രാമിലൂടെ പുറത്തുവിട്ടത്​. 'ചൂടാണ്, കൈപൊള്ളും', എന്ന കുറിപ്പോടെയാണ് സമീർ ഹംസയുടെ പോസ്റ്റ്. 'മുന്നറിയിപ്പ്​: ചൂടുള്ള ഐറ്റമാണ്​, തൊടരുത്​' എന്ന കാപ്​ഷനും ജസ്​റ്റിൻ ബീബറി​െൻറ 'ഇ​െൻറൻഷൻസ്' എന്ന പാട്ടും വിഡിയോക്കൊപ്പം ചേർത്തിട്ടുണ്ട്​.