മോഹൻലാലിന് പിറന്നാൾ ആശംസയുമായി മുഖ്യമന്ത്രി

മോഹൻലാലിന് പിറന്നാൾ ആശംസയുമായി മുഖ്യമന്ത്രി പിണറായി വിജയൻ. ഫേസ്ബുക്കിലൂടെയാണ് ആശംസ അറിയിച്ചത്. 'പ്രിയപ്പെട്ട മോഹൻലാലിന് ജന്മദിനാശംസകൾ' എന്ന് ചിത്രത്തിനോടൊപ്പം മുഖ്യമന്ത്രി കുറിച്ചു.

മോഹൻലാലിന്റെ 63ാം പിറന്നാൾ ആഘോഷമാക്കുകയാണ് ആരാധകർ. മമ്മൂട്ടി, പൃഥ്വിരാജ്, മഞ്ജു വാര്യർ തുടങ്ങിയവർ പിറന്നാൾ ആശംസ നേർന്നിട്ടുണ്ട്.

ലിജോ ജോസ് പെല്ലിശേരി ചിത്രമായ മാലൈക്കോട്ടൈ വാലിബന്റെ തിരക്കിലാണ് മോഹൻലാലിപ്പോൾ.ചെന്നൈയിൽ ചിത്രീകരണം പുരോഗമിക്കുകയാണ്. ജീത്തു ജോസഫിന്റെ റാമാണ് അണിയറയിൽ ഒരുങ്ങുന്ന മറ്റൊരു ചിത്രം. രജനികാന്തിന്റെ ജയിലറിലും മോഹൻലാൽ എത്തുന്നുണ്ട്.