നടി പൂനം പാണ്ഡെയെ മർദിച്ചെന്ന കേസിൽ ഭർത്താവ്​ അറസ്റ്റിൽ; നടി ആശുപത്രിയിൽ

മുംബൈ: ബോളിവുഡ്​ നടി പൂനം പാണ്ഡെയുടെ പരാതിയിൽ ഭർത്താവ്​ സാം ബോംബെ അറസ്റ്റിൽ. തന്നെ ആക്രമിച്ചുവെന്ന്​ കാട്ടി നടി മുംബൈ പൊലീസിൽ നൽകിയ ഞായറാഴ്ച പരാതിയെ തുടർന്നാണ്​ അറസ്റ്റ്​.

മുംബൈയിലെ ആശുപത്രിയിൽ ചികിത്സയിലാണ്​ പൂനമെന്നും നടിയുടെ പരാതിയിൽ തിങ്കളാഴ്ച ഭർത്താവ്​ സാം ബോംബെയെ അറസ്റ്റ്​ ചെയ്​തതായും ​മുംബൈ പൊലീസ്​ പറഞ്ഞു.

നേരത്തേയും ഭർത്താവ്​ ഉപദ്രവിച്ചുവെന്ന പരാതിയുമായി പൂനം പാണ്ഡെ രംഗത്തെത്തിയിരുന്നു. കഴിഞ്ഞവർഷം സെപ്​റ്റംബറിൽ സാം ബോംബെ ലൈംഗികമായി പീഡിപ്പിച്ചുവെന്നും ഭീഷണിപ്പെടുത്തിയെന്നും കാട്ടി പൂനം പരാതി നൽകിയിരുന്നു. തുടർന്ന്​ പ്രൊഡ്യൂസർ കൂടിയായ സാമിന്​ ഉപാധികളോടെ ഗോവ​ കോടതി ജാമ്യം അനുവദിക്കുകയായിരുന്നു. പൂനം പാണ്ഡെയും സാമും ഗോവയിൽ എത്തിയതിന്​ പിന്നാലെയായിരുന്നു അന്ന്​ സംഭവങ്ങൾ അരങ്ങേറിയത്​. അവിടെവെച്ച്​ ക്രൂരമായി ഉപദ്രവിച്ചുവെന്ന്​ അന്ന്​ പൂനം പാണ്ഡെ വെളി​െപ്പടുത്തിയിരുന്നു.