യു.എസിൽനിന്ന്​ ചികിത്സക്ക്​ ശേഷം മടങ്ങിയെത്തി രജനികാന്ത്​; സ്വീകരണവുമായി ആരാധകർ

​െചന്നൈ: ആഴ്ചകളോളം നീണ്ടുനിന്ന യു.എസ്​ യാ​ത്രക്ക്​ ശേഷം​ ചെന്നൈയിൽ മടങ്ങിയെത്തി സൂപ്പർസ്റ്റാർ രജനികാന്ത്​. വ്യാഴാഴ്ച അർധരാത്രിയോടെ ചെന്നൈ വിമാനത്താവള​ത്തിലെത്തിയ താരത്തെ സ്വീകരിക്കാൻ ആരാധകരുടെ വൻ നിരയെത്തിയിരുന്നു.

മയോ ക്ലിനിക്കിൽ ചികിത്സക്കായി ഭാര്യ ലതയോടൊപ്പമാണ്​ രജനി ജൂൺ 19ന്​ യു.എസിലെത്തിയത്​​. ആരോഗ്യപരിശോധനക്ക്​ ശേഷവും രജനി അവിടെ തുടരുകയായിരുന്നു. യു.എസിലെത്തിയ രജനിയുടെ ചിത്രങ്ങൾ വൻതോതിൽ സമൂഹമാധ്യമങ്ങളിൽ പ്രചരിച്ചിരുന്നു.

2016ൽ വൃക്കമാറ്റിവെക്കൽ ശസ്​ത്രക്രിയക്ക്​ ശേഷം രജനി വർഷം തോറും ആരോഗ്യപരിശോധനക്കായി യു.എസി​ലേക്ക്​ പോയിരുന്നു. ചെന്നൈ വിമാനത്താവളത്തിലെത്തിയ രജനിയെ ആരാധകർ സ്വീകരിക്കുന്ന ചിത്രങ്ങൾ പുറത്തുവന്നു.

ചെന്നൈ വസതിയിലെ വിശ്രമത്തിന്​ ശേഷം ദിവസങ്ങൾക്കകം താരം സിനിമലോകത്ത്​ സജീവമാകുമെന്നാണ്​ വിവരം. ജൂലൈയിൽ പുതിയ ചിത്രമായ അണ്ണാത്തെയുടെ ചിത്രീകരണം പുനരാരംഭിക്കും. ദീപാവലി റിലീസായാണ്​ ചിത്രം തിയറ്ററുകളിലെത്തുക.