നടി രാകുൽ പ്രീത്​ സിങ്ങിന്​ കോവിഡ്​

ന്യൂഡൽഹി: നടി രാകുൽപ്രീത്​ സിങ്ങിന്​ കോവിഡ് സ്​ഥിരീകരിച്ചു​. ട്വിറ്ററിലൂടെ താരം തന്നെയാണ്​ രോഗം ബാധിച്ച വിവരം അറിയിച്ചത്​. ഏറ്റവും പുതിയ ചിത്രമായ 'മേയ്​ഡേ'യുടെ ഷൂട്ടിങ്ങിനിടെയാണ്​ താരത്തിന്​ രോഗം ബാധിച്ചത്​.

നടൻ അജയ്​ ദേവ്​ഗൻ നിർമാതാവും സംവിധായകനുമാകുന്ന ത്രില്ലർ ചിത്രമായ മേയ്​ഡേയിൽ പൈലറ്റിന്‍റെ റോളിലാണ്​ രാകുൽ എത്തുക. ഇതിഹാസതാരം അമിതാഭ്​ ബച്ചനും ചിത്രത്തിൽ വേഷമിടുന്നുണ്ട്​.

​'കോവിഡ്​ സ്​ഥിരീകരിച്ച വിവരം ഏവരെയും അറിയിക്കുന്നു. ഞാൻ ക്വാറന്‍റീനിൽ പ്രവേശിച്ചിരിക്കുകയാണ്​. ഇപ്പോൾ സുഖമായിരിക്കുന്നു. നന്നായി വിശ്രമിച്ച്​ വീണ്ടും ഷൂട്ടിങ്ങിനെത്താനാണ്​ ശ്രമിക്കുന്നത്​. ഞാനുമായി ബന്ധപ്പെട്ടവർ ദയവ്​ ചെയ്​ത്​ പരിശോധന നടത്തുക. നന്ദി... സുരക്ഷിതരായിരിക്കൂ' -നടി ട്വിറ്ററിൽ കുറിച്ചു. കഴിഞ്ഞ മാസം മാലദ്വീപിൽ കുടുംബത്തോടൊപ്പം അവധി ആഘോഷിച്ച താരം പിന്നാലെ മേയ്​ഡേയുടെ ലൊക്കേഷനിൽ എത്തുകയായിരുന്നു.

അർജുൻ കപൂർ, ജോൺ എബ്രഹാം, അദിഥി റാവു ഹൈദരി എന്നിവർ അഭിനയിക്കുന്ന പ്രണയ ചിത്രത്തിലാണ്​ താരം അടുത്തതായി അഭിനയിക്കാൻ പോകുന്നത്​.

2014ൽ ദിവ്യ ഖോസ്​ല കുമാറിന്‍റെ 'യാരിയാൻ' എന്ന ചിത്രത്തിലൂടെ ബോളിവുഡിൽ അരങ്ങേറിയ രാകുൽ നീരജ്​ പാണ്ഡേയുടെ ​​െഎയാരി, അജയ്​ ദേവ്​ഗനും തബുവും അഭിനയിചച ദേ ദേ പ്യാർ ദേ, മർജാവാൻ എന്നീ ചിത്രങ്ങളിലൂടെയാണ് ശ്രദ്ധിക്കപ്പെട്ടത്​​. ബോളിവുഡിന്​ പുറമേ തെലുഗു, തമിഴ്, കന്നഡ സിനിമകളിലും താരം സ്​ഥിരം സാന്നിധ്യമാണ്​.

തെലുഗു ചിത്രമായ 'മൻമഥുഡു 2' ആണ്​ അവസാനം പുറത്തിറങ്ങിയത്​. കമൽ ഹാസന്‍റെ ഇന്ത്യൻ 2, ശിവകാർത്തികേയന്‍റെ സയന്‍റിഫിക്​ ത്രില്ലർ ചിത്രം അയാലൻ, നിധിന്‍റെ ചെക്ക്​ എന്നീ ചിത്രങ്ങളും അണിയറയിൽ രാകുലി​േന്‍റതായി ഒരുങ്ങുന്നുണ്ട്​​.