വിരാട് കോഹ്ലിയാകാൻ പല നടന്മാർക്കും കഴിയില്ല, ബയോപിക്കിന് ഏറ്റവും നല്ലത് അദ്ദേഹമാണ്; രൺബീർ കപൂർ
text_fieldsവിരാട് കോഹ്ലിയുടെ ബയോപിക്കിൽ നായകനാകാൻ ഏറ്റവും അനുയോജ്യം കോഹ്ലി തന്നെയാണെന്ന് നടൻ രൺബീർ കപൂർ. അടുത്തിടെ നൽകിയ ഒരു അഭിമുഖത്തിലാണ് ഇക്കാര്യം പറഞ്ഞത്. കോഹ്ലിയുടെ ബയോപിക്കിൽ നായകനാകുമോ എന്ന ചോദ്യത്തിനായിരുന്നു നടന്റെ മറുപടി.
'വിരാട് കോഹ്ലിയുടെ ജീവിതം സിനിമയാവുകയാണെങ്കിൽ അദ്ദേഹം നായകനാവുന്നതാണ് ഏറ്റവും നല്ലത്. കാരണം ഫിറ്റ്നസിന്റെ കാര്യത്തിലും മറ്റും കോഹ്ലിയാകാൻ പല നടന്മാർക്കും കഴിയില്ല'- രൺബീർ കപൂർ പറഞ്ഞു.
ഇന്ത്യ - ന്യൂസിലാൻഡ് ലോകകപ്പ് സെമിഫൈനൽ കാണാൻ രൺബീർ മുംബൈ വാങ്കഡെ സ്റ്റേഡിയത്തിലെത്തിയിട്ടുണ്ട്. വാങ്കഡെ സ്റ്റേഡിയത്തിലെത്തിയ നടൻ ഇന്ത്യയുടെ വിജയ പ്രതീക്ഷ പങ്കുവെച്ചിട്ടുണ്ട്. 'വിരാട് എന്റെ പ്രിയപ്പെട്ട ക്രിക്കറ്റ് താരമാണ്. 2011-ൽ വാങ്കഡെയിൽ എം.എസ് ധോണി ട്രോഫി ഉയർത്തുന്നത് ഞാൻ കണ്ടു. വിരാട് കോഹ്ലിയും രോഹിത് ശർമയും ഇന്ന് നന്നായി കളിക്കുമെന്ന് പ്രതീക്ഷിക്കുന്നു- രൺബീർ പറഞ്ഞു
'അർജുൻ റെഡ്ഡി,' 'കബീർ സിങ്' തുടങ്ങിയ ചിത്രങ്ങളിലൂടെ പ്രശസ്തനായ സന്ദീപ് റെഡ്ഡി വംഗ സംവിധാനം ചെയ്യുന്ന ആക്ഷൻ ത്രില്ലറായ അനിമലാണ് ഇനി പുറത്തിറങ്ങാനുള്ള രൺബീർ ചിത്രം. ഡിസംബർ 1 നാണ് ചിത്രം റിലീസ് ചെയ്യുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.