മോദി സര്‍ക്കാര്‍ എന്തിനാണ് ആരോഗ്യ സേതു ആപ് നിര്‍ബന്ധമാക്കുന്നതെന്ന് ഇപ്പോള്‍ വ്യക്തമായില്ലേ -സിദ്ധാര്‍ഥ്

പെ​ഗാസസ് ഫോൺ ചോർത്തൽ നടപടിയിൽ വിമർശനവുമായി നടൻ സിദ്ധാർഥ്. ആരോഗ്യ സേതു ആപ് സർക്കാർ നിർബന്ധമാക്കുന്നതിന്റെ കാരണം ഇപ്പോൾ വ്യക്തമായില്ലേയെന്ന് സിദ്ധാർഥ് ട്വീറ്റിലൂടെ ചോദിച്ചു.

സിദ്ധാർഥിന്റെ ട്വീറ്റ്:

എന്തിനാണ് കേന്ദ്ര സര്‍ക്കാര്‍ ആരോഗ്യ സേതു പോലുള്ള ആപ്പുകള്‍ നിര്‍ബന്ധമാക്കുന്നതെന്ന് നിങ്ങള്‍ക്കിപ്പോൾ മനസിലായില്ലേ ? അവര്‍ നുണ പറയുകയും രഹസ്യമായി നമ്മെ ചാരപ്രവർത്തനം നടത്തുകയും ചെയ്യും. അതിനാൽ തന്നെ എന്തുകൊണ്ടെന്ന ചോദ്യം നാം ചോദിച്ചുകൊണ്ടേയിരിക്കണം.

രാഹുൽ​ഗാന്ധി, കേന്ദ്രമന്ത്രിമാർ, മാധ്യമപ്രവർത്തകർ, ജഡ്ജിമാർ, വ്യവസായികൾ തുടങ്ങിയ പ്രമുഖരുടെ ഫോൺ പെ​ഗാസസ് മാൽവെയർ ഉപയോ​ഗിച്ച് ചോർത്തിയെന്ന വാർത്ത കഴിഞ്ഞദിവസമാണ് പുറത്തുവന്നത്.മാധ്യമ പ്രസിദ്ധീകരണങ്ങളുടെ ആഗോള കൺസോർഷ്യമാണ് ഇസ്രയേല്‍ നിര്‍മിത ചാര സോഫ്റ്റ് വെയറായ പെഗാസസിനെക്കുറിച്ച് വെളിപ്പെടുത്തൽ നടത്തിയത്.