സുരേഷ് ​ഗോപിയുടെ മകൾ ഭാ​ഗ്യ വിവാഹിതയാകുന്നു

തിരുവനന്തപുരം: നടനും മുൻ എം.പിയുമായ സുരേഷ് ​ഗോപിയുടെ മകൾ ഭാ​ഗ്യ വിവാഹിതയാകുന്നു. മാവേലിക്കര സ്വദേശികളായ മോഹന്റെയും ശ്രീദേവിയുടെയും മകൻ ശ്രേയസ് ആണ് വരൻ. ഇരുവരുടെയും വിവാഹ നിശ്ചയം തിരുവനന്തപുരത്തെ വീട്ടിൽ നടന്നു. ശ്രേയസ് ബിസിനസുകാരനാണ്. വിവാഹം അടുത്ത ജനുവരിയില്‍ നടക്കുമെന്നാണ് വിവരം.

സുരേഷ് ഗോപിയുടെയും രാധികയുടെയും മൂത്ത മകളാണ് ഭാ​ഗ്യ. അടുത്തിടെ ബ്രിട്ടീഷ് ​കൊളമ്പിയ സർവകലാശാലയിൽനിന്ന് ഭാ​ഗ്യ ബിരുദം നേടിയിരുന്നു. നടൻ ഗോകുല്‍ സുരേഷ്, ഭവ്നി സുരേഷ്, മാധവ് സുരേഷ്, പരേതയായ ലക്ഷ്‍മി സുരേഷ് എന്നിവരാണ് സുരേഷ് ഗോപിയുടെ മറ്റു മക്കള്‍.