എം.എസ് ധോണിയുടെ ബയോപിക് വീണ്ടും തിയറ്ററുകളിലേക്ക്
text_fieldsമഹേന്ദ്രസിങ് ധോണിയുടെ ബയോപിക് 'എം.എസ് ധോണി: ദി അൺടോൾഡ് സ്റ്റോറി' വീണ്ടും റിലീസിനൊരുങ്ങുന്നു. ധോണിയുടെ 42ാം പിറന്നാളിനോടനുബന്ധിച്ച് ജൂലൈ ഏഴിനാണ് ചിത്രം ഹൈദരാബാദിൽ പ്രദർശിപ്പിക്കുന്നത്. തെലുങ്ക് പതിപ്പാണ് റിലീസ് ചെയ്യുന്നത്.
2016 ൽ നീരജ് പാണ്ഡെ സംവിധാനം ചെയ്ത ചിത്രം തിയറ്ററുകളിൽ വൻ വിജയമായിരുന്നു. 104 കോടി ബജറ്റിൽ ഒരുങ്ങിയ ചിത്രം ഏകദേശം 216 കോടിയോളം നേടി. ധോണിയുടെ ബാല്യാകാലം മുതൽ ഇന്ത്യൻ ക്രിക്കറ്റ് ടീം ക്യാപ്റ്റനായി 2011 ൽ വേൾഡ് കപ്പ് നേടിയതുവരെയുള്ള യാത്രയാണ് ചിത്രത്തിലുളളത്.
അന്തരിച്ച നടൻ സുശാന്ത് സിങ് രജ്പുത്തായിരുന്നു ധോണിയായി എത്തിയത്. അനുപം ഖേർ, കിയാര അദ്വാനി, ദിശ പടാനി, ഭൂമിക ചൗള, ക്രാന്തി പ്രകാശ് ജാ, അലോക് പാണ്ഡെ എന്നിവരാണ് ചിത്രത്തിലെ മറ്റു താരങ്ങൾ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.