സ്വര ഭാസ്കറിനും ഫഹദ് അഹ്മദിനും കുഞ്ഞ് പിറന്നു

ബോളിവുഡ് നടി സ്വര ഭാസ്കറിനും ഭർത്താവും എസ്.പി നേതാവുമായ ഫഹദ് അഹ്മദിനും കുഞ്ഞ് പിറന്നു. പെൺകുഞ്ഞാണ് ജനിച്ചതെന്നും റാബിയ എന്ന് പേരിട്ടതായും സ്വരയും ഫഹദും ഇൻസ്റ്റഗ്രാമിലൂടെ അറിയിക്കുകയായിരുന്നു.

Also Read:'സവർക്കറെ അപമാനിക്കുന്നത് രാജ്യത്തെ യുവാക്കൾ സഹിക്കില്ല' നടി സ്വര ഭാസ്കർക്ക് വധഭീഷണിക്കത്ത്

ശനിയാഴ്ചയാണ് കുഞ്ഞ് പിറന്നത്. ആശുപത്രിയിൽ നിന്നടക്കമുള്ള സന്തോഷ നിമിഷങ്ങളുടെ ചിത്രങ്ങളടക്കം ഇരുവരും സമൂഹമാധ്യമത്തിൽ പങ്കുവെച്ചിട്ടുണ്ട്. സ്നേഹത്തിന് എല്ലാവർക്കും നന്ദിയെന്നും താരം പറഞ്ഞു.

Also Read:പ്രവാചകനിന്ദക്കെതിരെ സ്വര ഭാസ്കർ; രാജ്യത്തിന് ഉണ്ടാക്കിയ നാണക്കേട് ബി.ജെ.പി ആഘോഷിക്കുകയാണെന്ന്

സി.എ.എ വിരുദ്ധ പ്രതിഷേധത്തിനിടെയാണ് സ്വരയും ഫഹദും പരിചയത്തിലായത്. സുഹൃത്തുക്കളാകുകയും പിന്നീട് പ്രണയത്തിലാകുകയുമായിരുന്നു. സ്പെഷൽ മാരേജ് ആക്ട് പ്രകാരം ജനുവരി ആറിനാണ് സ്വര ഭാസ്കറും ഫഹദ് അഹ്മദും വിവാഹിതരായത്.

Also Read:ബാബരി മസ്ജിദ് സ്വയം തകര്‍ന്നു വീണതായിരുന്നു- സ്വര ഭാസ്‌കര്‍

കടുത്ത സംഘ്പരിവാർ വിരുദ്ധയായ നടിയുടെ വിവാഹത്തിനെതിരെ വിദ്വേഷ പരാമർശങ്ങൾ ഉയർന്നിരുന്നു. ‘സ്വര ഭാസ്കർ ശ്രദ്ധയെ കൊന്ന് സൂക്ഷിച്ച ഫ്രിഡ്ജ് കാണുന്നത് നല്ലതാണ്’ എന്ന വിഷലിപ്ത പരാമർശമാണ് വി.എച്ച്‌.പി നേതാവ് സാധ്വി പ്രാചി നടത്തിയിരുന്നത്.