കന്നഡ ടെലിവിഷൻ താരം സമ്പത്ത് ജെ.റാമിനെ വീട്ടിൽ മരിച്ച നിലയിൽ കണ്ടെത്തി

കന്നഡയിലെ പ്രമുഖ ടെലിവിഷൻ താരം സമ്പത്ത്.ജെ.റാമിനെ(35) വീട്ടിൽ മരിച്ച നിലയിൽ കണ്ടെത്തി. ശനിയാഴ്ച ബെം​ഗളൂരുവിലെ നേലമം​ഗലയിൽ വസതിയിലാണ് മൃതദേഹം കണ്ടെത്തിയത്. അവസരങ്ങൾ കുറഞ്ഞതിൽ മനംനൊന്ത് ആത്മഹത്യ ചെയ്തതാവാമെന്നാണ് പൊലീസ് നി​ഗമനം.

സുഹൃത്തും നടനുമായ രാജേഷ് ധ്രുവയാണ് സമ്പത്തിന്റെ മരണവിവരം ആരാധകരെ അറിയിച്ചത്. രാജേഷ് സംവിധാനം ചെയ്ത ശ്രീ ബാലാജി ഫോട്ടോ സ്റ്റുഡിയോ എന്ന ചിത്രത്തിലാണ് ഏറ്റവും ഒടുവിൽ അഭിനയിച്ചത്. അ​ഗ്നിസാക്ഷിയാണ് സമ്പത്തിനെ ശ്രദ്ധേയനാക്കിയ ടെലിവിഷൻ‌ പരമ്പര.

കഴിഞ്ഞവർഷമായിരുന്നു സമ്പത്തിന്റെ വിവാഹം.