നടി തുനിഷ ശർമ സീരിയൽ സെറ്റിൽ ജീവനൊടുക്കി

മുംബൈ: നടി തുനിഷ ശർമയെ സീരിയൽ സെറ്റിൽ തൂങ്ങി മരിച്ച നിലയിൽ കണ്ടെത്തി. 20 വയസ്സായിരുന്നു.

ആലി ബാബ ദാസ്താൻ ഇ കാബൂൾ എന്ന സീരിയലിലാണ് അഭിനയിച്ചിരുന്നത്. നയാഗാവിലെ സെറ്റിലെ മേക്കപ്പ് മുറിയിലാണ് ജീവനൊടുക്കിയ നിലയിൽ കണ്ടെത്തിയത്.

ഉടൻ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു.

ഫിത്തൂർ, ബാർ ബാർ ദേഖോ, കഹാനി 2, ദബാങ് 3 തുടങ്ങിയ സിനിമകളിൽ ചെറിയ വേഷങ്ങളിലും അഭിനയിച്ചിട്ടുണ്ട്.