ഹൃദയ സംബന്ധമായ അസുഖത്തെ തുടർന്ന് സക്കീര്‍ ഹുസൈന്‍ ആശുപത്രിയില്‍

വാഷിങ്ടണ്‍: പ്രശസ്ത തബല വാദകന്‍ സക്കീര്‍ ഹുസൈന്‍ ആശുപത്രിയില്‍. ഹൃദയ സംബന്ധമായ അസുഖങ്ങളെത്തുടര്‍ന്നാണ് സക്കീര്‍ ഹുസൈനെ ആശുപത്രിയിൽ പ്രവേശിപ്പിച്ചത്. സാന്‍ഫ്രാന്‍സിസ്‌കോയിലെ ആശുപത്രിയിലാണ് പ്രവേശിപ്പിച്ചിരിക്കുന്നത്.

സക്കീര്‍ ഹുസൈന് രക്തസമ്മര്‍ദമായ പ്രശ്‌നങ്ങളുണ്ടായിരുന്നുവെന്ന് അടുത്ത വൃത്തങ്ങള്‍ അറിയിച്ചു. കഴിഞ്ഞ ഒരാഴ്ചയായി സക്കീര്‍ ഹുസൈന്‍ ചികിത്സയിലാണ്.

ഇപ്പോൾ ഐ.സി.യുവില്‍ പ്രവേശിപ്പിച്ചിരിക്കുകയാണെന്നും എല്ലാവരും ആശങ്കയിലാണെന്നും പ്രശസ്ത പുല്ലാങ്കുഴല്‍ വാദകനും അദ്ദേഹത്തിന്റെ സുഹൃത്തുമായ രാകേഷ് ചൗരസ്യ പറഞ്ഞു.