ഏകാകിയുടെ പകർന്നാട്ടങ്ങൾ

ജാ​തി​യു​ടെ​യും നി​റ​ത്തി​ന്റെ​യും പേ​രി​ൽ മാ​റ്റിനി​ർ​ത്ത​ലു​ക​ൾ വേ​ട്ട​യാ​ടി​യ കു​ട്ടി​ക്കാ​ലം. പ്ര​തി​സ​ന്ധി​ക​ളെ അ​തി​ജീ​വി​ച്ച് മു​ന്നേ​റു​മ്പോ​ൾ ചു​ണ്ടി​ലൊ​രു മാ​യാ​ത്ത ചി​രി പ​തി​വാ​യി. ഇ​നി​യൊ​ന്നും നേ​രി​ടാ​ൻ ബാ​ക്കി​​യി​ല്ലെ​ന്നും വ​രാ​നു​ള്ള​തെ​ന്താ​യാ​ലും ​ധൈ​ര്യ​ത്തോ​ടെ മ​റി​ക​ട​ക്കു​മെ​ന്നും ആ ​പു​ഞ്ചി​രി ഓ​ർ​മി​പ്പി​ച്ചു. അ​താ​യാ​യി​രു​ന്നു റ​ത്തീ​ന സം​വി​ധാ​നം ചെ​യ്ത 'പു​ഴു' എ​ന്ന സി​നി​മ​യി​ലെ കെ.​പി. കു​ട്ട​പ്പ​ൻ. ആ ​കു​ട്ട​പ്പ​നെ അ​നാ​യാ​സം പ​ക​ർ​ന്നാ​ടി​യ​താ​ക​ട്ടെ അ​പ്പു​ണ്ണി ശ​ശി​യും. നാ​ട​ക​മാ​ണ് അ​പ്പു​ണ്ണി ശ​ശി​യു​ടെ ജീ​വി​തം. അ​പ്പു​ണ്ണി ശ​ശി ജീ​വി​ത​വും സി​നി​മ​യും നാ​ട​ക​വും പ​റ​യു​ന്നു.

അ​പ​രി​ചി​ത​ൻ

സുപരിചിതനാണ് പു​ഴു​വി​ലെ കെ.​പി. കു​ട്ട​പ്പ​ൻ. എ​ന്നാ​ൽ, സി​നി​മ​യി​ൽ അ​പ​രി​ചിതനും. ഇ​തു​വ​രെ ക​ണ്ടു​പ​രി​ച​യി​ച്ച ഒ​രു ക​ഥാ​പാ​ത്ര​മ​ല്ല കു​ട്ട​പ്പ​ന്റേ​ത്. അ​തു​കൊ​ണ്ടു​ത​ന്നെ​യാ​ണ് പു​ഴു വേ​റി​ട്ട​താ​കു​ന്ന​തും. കു​ട്ട​പ്പ​ൻ ഒ​രു പ്ര​ഫ​സ​റാ​ണ്. ജീ​വി​ത​ത്തി​ൽ ഒ​രു​പാ​ട് പ്ര​തി​സ​ന്ധി​ക​ൾ നേ​രി​ട്ട, ജാ​തി​യു​ടെ പേ​രി​ൽ ഒ​രു​പാ​ട് മാ​റ്റി​നി​ർ​ത്ത​ലു​ക​ൾ അ​നു​ഭ​വി​ച്ച​യാ​ൾ. അ​തി​നെ​യെ​ല്ലാം മ​റി​ക​ട​ന്നാ​ണ് അ​യാ​ളു​ടെ ജീ​വി​തം. ഒ​രു​പാ​ട് തി​ക്താ​നു​ഭ​വ​ങ്ങ​ൾ നേരിട്ടതു​കൊ​ണ്ടു​ത​ന്നെ ഇ​നി​യെ​ന്തും നേ​രി​ടാ​ൻ ത​യാ​റു​ള്ള, എ​ന്തു​വ​ന്നാ​ലും ഒ​രു പ്ര​ശ്ന​വു​മി​ല്ല എ​ന്ന് ചി​ന്തി​ക്കു​ന്ന വ്യ​ക്തി​ത്വം. ഏ​തൊ​രു കാ​ര്യ​ത്തെ​യും പു​ഞ്ചി​രി​യോ​ടെ​ നേ​രി​ടു​ന്ന​യാൾ.

പ​ക​ർ​ന്നാ​ട്ടം

ക​ഥാ​പാ​ത്ര​ത്തി​നാ​യി ​പ്ര​ത്യേ​കി​ച്ച് ഒ​ന്നും​ അ​ഡീ​ഷ​ന​ലാ​യി ചെ​യ്യേ​ണ്ടി​യി​രു​ന്നി​ല്ല. ഞാ​ൻ ഒ​രു നാ​ട​ക​ന​ട​നാ​ണ്, ഒ​റ്റ​ക്ക് നാ​ട​കം ക​ളി​ക്കു​ന്ന​യാ​ളും. കു​ട്ട​പ്പ​നെ​ന്ന ക​ഥാ​പാ​ത്ര​വും നാ​ട​ക​ന​ട​നാ​ണ്. എ​ന്നാ​ൽ, ഞാ​ൻ ശീ​ലി​ച്ച​ത് റി​യ​ലി​സ്റ്റി​ക് നാ​ട​ക​ങ്ങ​ളാ​യി​രു​ന്നു. സി​നി​മ​യി​ലെ നാ​ട​ക​രം​ഗ​ങ്ങ​ളി​ൽ വേ​ണ്ട​ത് മ​റ്റൊ​ന്നും. അ​ത് പ​ഠി​ച്ചെ​ടു​ത്തു. സി​നി​മ അ​ഭി​ന​യ​ത്തി​ൽ ആ​ത്മ​വി​ശ്വാ​സ​മാ​ണ് പ്ര​ധാ​നം. ആ ​ആ​ത്മ​വി​ശ്വാ​സം നേ​ടാ​ൻ പാ​ർ​വ​തി തി​രു​വോ​ത്ത്, മ​മ്മൂ​ട്ടി ഉ​ൾ​പ്പെ​ടെ​യു​ള്ള​വ​ർ ഒ​രു​പാ​ട് സ​ഹാ​യി​ച്ചു. ആ​ദ്യ ദി​വ​സം സി​നി​മ​യു​ടെ പൂ​ജ ന​ട​ക്കു​മ്പോ​ൾ ഞാ​ൻ അ​വി​ടെ ഇ​ല്ലാ​യി​രു​ന്നു. ആ​ദ്യ​ത്തെ സീ​നാ​യ​തി​നാ​ൽ രാ​ജാ​വി​ന്റെ വേ​ഷം കെ​ട്ടി​യി​രി​ക്കു​ക​യാ​യി​രു​ന്നു. എ​ന്നാ​ൽ, മ​മ്മൂ​ക്ക​യും സം​വി​ധാ​യി​ക​യു​മ​ട​ക്കം എ​ല്ലാ​വ​രും എ​​ന്നെ കാ​ണാ​ൻ വ​ന്നു. അ​ത് ഒ​രി​ക്ക​ലും മ​റ​ക്കാ​നാ​വാ​ത്ത നി​മി​ഷ​മാ​യി​രു​ന്നു.

നാ​ട​ക ജീ​വി​തം

ചെ​റു​പ്പം മു​ത​ൽ നാ​ട​കം ചെയ്താണ് വളർന്നത്. നാ​ട്ടി​ലെ സം​ഘ​ട​ന​ക​ൾ​ക്കൊ​പ്പ​മാ​യി​രു​ന്നു ആ​ദ്യ​ത്തെ നാ​ട​കാ​വ​ത​ര​ണം. റ​ഫീ​ഖ് എ​ന്ന സു​ഹൃ​ത്താ​യി​രു​ന്നു നാ​ട​ക​ത്തി​ന്റെ ര​ച​യി​താ​വും സം​വി​ധാ​യ​ക​നും. മി​മി​ക്രി​ അവതരണങ്ങളുമുണ്ടായിരു​ന്നു. അ​ഭി​ന​യി​ച്ച് ആ​ളു​ക​ളെ ചി​രി​പ്പി​ക്കാ​ൻ മി​മി​ക്രി​ക്ക് ക​ഴി​യും. അ​വി​ടെ​നി​ന്നാ​ണ് ജ​യ​പ്ര​കാ​ശ് കു​ളൂ​രി​ന്റെ സ​മീ​പ​മെ​ത്തു​ന്ന​ത്. അ​ദ്ദേ​ഹ​മാ​ണ് ആ​ശാ​ൻ. നാ​ട​കം ക​ളി​ക്കാ​നു​ള്ള​താ​ണ് ക​ളി​യാ​ക്കാ​നു​ള്ള​ത​ല്ലെ​ന്ന് ആ​ശാ​ൻ പ​ഠി​പ്പി​ച്ചി​ട്ടു​ണ്ട്.

അ​പ്പു​ണ്ണി​ക​ളു​ടെ ലോ​കം

വ​ലി​യ നാ​ട​ക​ങ്ങ​ൾ ക​ളി​ച്ച് ക​ടം വ​ന്ന​തി​ന് ശേ​ഷ​മാ​ണ് ജ​യ​പ്ര​കാ​ശ് കു​ളൂ​രി​ന്റെ സ​മീ​പ​​മെ​ത്തു​ന്ന​ത്. ഒ​രു രൂ​പ​​പോ​ലും പു​തു​താ​യി ചെ​ല​വാ​ക്കാ​തെ ആ​ളു​ക​ളെ ആ​സ്വ​ദി​പ്പി​ക്കാ​ൻ ക​ഴി​യു​ന്ന നാ​ട​ക​ങ്ങ​ളു​ണ്ടാ​ക്കാ​മെ​ന്നാ​യി​രു​ന്നു അ​ദ്ദേ​ഹ​ത്തി​ന്റെ പ്ര​തി​ക​ര​ണം. അ​ങ്ങ​നെ ആ​ദ്യ​മാ​യി 'അ​പ്പു​ണ്ണി​ക​ളു​ടെ റേ​ഡി​യോ' എ​ന്ന നാ​ട​ക​മു​ണ്ടാ​ക്കി. ഞ​ങ്ങ​ൾ കൂ​ടി​യി​രു​ന്ന് പ​റ​ഞ്ഞും ചി​ന്തി​ച്ചു​മെ​ല്ലാം നാ​ട​കം രൂപപ്പെടുത്തി. ആ ​നാ​ട​ക​ത്തി​ന് പ്ര​ശം​സ​യും അ​നു​മോ​ദ​ന​ങ്ങ​ളും ല​ഭി​ച്ചു. വി​വാ​ഹ​ക്കു​റി​കളിൽ പോ​ലും ഞ​ങ്ങ​ളു​ടെ നാ​ട​ക​മു​​ണ്ടെ​ന്ന് അ​ടി​ച്ചു​വ​ന്നി​ട്ടു​ണ്ട്. സം​ഗീ​ത നാ​ട​ക അ​ക്കാ​ദ​മി പി​ന്നീ​ട് ആ ​നാ​ട​കം ഏ​റ്റെ​ടു​ത്തു. അ​വ​ർ കേ​ര​ളം മു​ഴു​വ​ൻ അ​വ​ത​രി​പ്പി​ക്കാ​നു​ള്ള അ​വ​സ​ര​മു​ണ്ടാ​ക്കി. അ​തോ​ടൊ​പ്പംത​ന്നെ അ​പ്പു​​ണ്ണി​ക​ളു​ടെ നാ​ളെ എ​ന്ന നാ​ട​ക​മു​ണ്ടാ​യി​രു​ന്നു. അ​പ്പു, ഉ​ണ്ണി എ​ന്ന ക​ഥാ​പാ​ത്ര​ങ്ങ​ളു​ടെ ജീ​വി​ത​ത്തി​ലു​ണ്ടാ​കു​ന്ന പ്ര​തി​സ​ന്ധി​ക​ളും സം​ഭ​വ​ങ്ങ​ളു​മാ​ണ് ഇ​രു നാ​ട​ക​ങ്ങ​ളും. അ​വ പി​ന്നീ​ട് ര​ണ്ടു​മ​ണി​ക്കൂ​ർ നീ​ണ്ടു​നി​ൽ​ക്കു​ന്ന പ​രി​പാ​ടി​യാ​യി ഒ​രേ വേ​ദി​യി​ൽ അ​വ​ത​രി​പ്പി​ക്കാ​ൻ തു​ട​ങ്ങി. അ​ഭി​ന​യ, പ്ര​ക​ട​നം മാ​ത്ര​മാ​യി​രു​ന്നു ആ ​നാ​ട​കം. മ​റ്റൊ​ന്നും അ​തി​ലു​ണ്ടാ​യി​രു​ന്നി​ല്ല. അ​പ്പു​ണ്ണി​ക​ളു​ടെ നാ​ട​ക​ത്തി​ൽ​നി​ന്നാ​ണ് അ​പ്പു​ണ്ണി ശ​ശി​യെ​ന്ന പേ​രും.

'പു​ഴു'​വി​​ലേ​ക്ക്

24 വ​ർ​ഷ​മാ​യി ഒ​റ്റ​ക്കാ​ണ് എ​ന്റെ നാ​ട​കാ​വ​ത​ര​ണം. ജ​യ​പ്ര​കാ​ശ് കു​ളൂ​രി​ന്റെ 'തി​ര​ഞ്ഞെ​ടു​പ്പ്' എ​ന്ന നാ​ട​ക​വും ശി​വ​ദാ​സ് പൊ​യി​ൽ​ക്കാ​വി​ന്റെ 'ച​ക്ക​ര​പ്പ​ന്ത​ലും' ആയിരു​ന്നു അവ. ഒ​രി​ക്ക​ൽ ടൗ​ൺ ഹാ​ളി​ൽ വെ​ച്ച് 'തി​ര​ഞ്ഞെ​ടു​പ്പ്' എ​ന്ന നാ​ട​കം തി​ര​ക്ക​ഥാ​കൃ​ത്ത് ഹ​ർ​ഷാ​ദ് കാ​ണാ​നി​ട​യാ​യി. അ​ദ്ദേ​ഹം എ​ന്നെ അ​ഭി​ന​ന്ദി​ക്കാ​​നെ​ത്തി​യി​രു​ന്നു. അ​പ്പോ​ൾ നാ​ട​കം ക​ളി​ച്ച് ജീ​വി​ക്കു​ന്ന ഒ​രു ക​ഥാ​പാ​ത്ര​മാ​യി സി​നി​മ​യി​ൽ അ​വ​സ​രം ല​ഭി​ക്കു​മെ​ന്ന് അ​ദ്ദേ​ഹം പ​റ​യു​ക​യും ചെ​യ്തി​രു​ന്നു. അ​തുത​ന്നെ​യാ​ണ് ഈ ​സി​നി​മ. ഹ​ർ​ഷാ​ദാ​ണ് ഈ ​സി​നി​മ​യി​ലേ​ക്ക് എ​ന്നെ സ​ജ​സ്റ്റ് ചെ​യ്ത​ത്. സം​വി​ധാ​യി​ക റ​ത്തീ​ന എ​ന്നെ കാ​ണു​ക​യും ഈ ​ക​ഥാ​പാ​ത്രം എ​നി​ക്ക് ന​ൽ​കു​ക​യു​മാ​യി​രു​ന്നു.

കൂ​ക്കി​വി​ളി​ക്കാ​നും സ്വാ​​ത​ന്ത്ര്യ​മു​ണ്ട്

നി​റ​ത്തി​ന്റെ​യും ജാ​തി​യു​ടെ​യും അ​ടി​സ്ഥാ​ന​ത്തി​ൽ മാ​റ്റി​നി​ർ​ത്ത​ലു​ക​ൾ അ​ന​വ​ധി​യു​ണ്ട്. എ​ന്നാ​ൽ, എ​ന്റെ യാ​ത്ര ഒ​റ്റ​ക്കാ​യ​തി​നാ​ൽ അ​വ അ​ത്ര ഫീ​ൽ ചെ​യ്യാ​തെ പോ​യി. 'പു​ഴു​'വി​ലെ എ​ല്ലാ ക​ഥാ​പാ​ത്ര​ങ്ങ​ൾ​ക്കും രാ​ഷ്ട്രീ​യ​മു​ണ്ട്. എ​ല്ലാ വി​ഭാ​ഗം ആ​ളു​ക​ളും ജീ​വി​ക്കു​ന്ന ഇ​ട​ത്തേ​ക്കാ​ണ് ഈ ​സി​നി​മ ഇ​റ​ക്കി​യ​ത്. ആരും വി​മ​ർ​ശി​ച്ചോ​ട്ടേ. എല്ലാവർക്കും വി​മ​ർ​ശി​ക്കാ​നു​ള്ള സ്വാ​ത​ന്ത്ര്യം ഇ​വി​ടെ​യു​ണ്ട​ല്ലോ. ​​​കൈ​യ​ടി​ക്കാ​നു​ള്ള സ്വാ​ത​ന്ത്ര്യ​മു​ള്ള​തു​പോ​ലെ​ത​ന്നെ കൂ​ക്കി​വി​ളി​ക്കാ​നും സ്വാ​ത​ന്ത്ര്യ​മു​ണ്ട്.

നാ​ട​ക​ങ്ങ​ൾ​ക്ക് നി​ര​വ​ധി പ്ര​ശം​സ​യും അ​വാ​ർ​ഡു​ക​ളും എ​ന്നെ തേ​ടി​യെ​ത്തി​യി​രു​ന്നു. എ​ന്നാ​ൽ, പു​ഴു ഇ​റ​ങ്ങി​യ​തി​നെ തു​ട​ർ​ന്നു​ണ്ടാ​യ പ്ര​തി​ക​ര​ണ​ങ്ങ​ളു​മാ​യി അ​തി​ന് അ​ജ​ഗ​ജാ​ന്ത​രം വ്യ​ത്യാ​സ​മു​ണ്ട്. ഓ​രോ നാ​ട​ക​ങ്ങ​ളു​ടെ​യും പ്ര​തി​ക​ര​ണം, അ​വ​യു​ടെ അ​വ​ത​ര​ണം ക​ഴി​യു​മ്പോ​ൾ ത​ന്നെ​യാ​യി​രു​ന്നു. സ്റ്റേ​ജി​ന്റെ അ​ല്ലെ​ങ്കി​ൽ പ​റ​മ്പി​ന്റെ ചു​റ്റു​മാ​യി​രു​ന്നു അ​തി​ന്റെ വി​ജ​യാ​ഘോ​ഷം. എ​ന്നാ​ൽ, പു​ഴു ഇ​റ​ങ്ങി​യതി​നു ശേ​ഷം അ​ങ്ങ​നെ​യാ​യി​രു​ന്നി​ല്ല, നി​ര​ന്ത​രം ​ഫോ​ൺ വി​ളി​ക​ൾ തേ​ടി​യെ​ത്തി​. അ​തു പ​ക്ഷേ, നാ​ട​കം ചെ​യ്താ​ൽ കി​ട്ടി​ല്ല. നാ​ട​കം ഒ​രു​ ആ​യി​ര​മോ അ​ഞ്ഞൂ​റോ ആ​ളു​ക​ളി​ൽ ചു​രു​ങ്ങും. സി​നി​മ അ​ങ്ങ​നെ​യ​​ല്ല​ല്ലോ. നാ​ട​ക​മാ​ണ് എ​ന്റെ പ്ര​ധാ​ന വ​രു​മാ​ന​ മാ​ർ​ഗം. ഇ​പ്പോ​ൾ സി​നി​മ​യും. നാ​ട​ക​ത്തി​ൽ​നി​ന്ന് ല​ഭി​ച്ച വ​രു​മാ​നം കൊ​ണ്ടാ​യി​രു​ന്നു മൂ​ന്നു ​സ​ഹോ​ദ​രി​മാ​രു​ടെ വി​വാ​ഹം ന​ട​ത്തി​യ​ത്. കോ​ഴി​​ക്കോ​ട് എ​ര​ഞ്ഞി​ക്ക​ലാ​ണ് എ​ന്റെ സ്ഥ​ലം. ഇ​പ്പോ​ൾ വീ​ടു​നി​ർ​മാ​ണം പു​രോ​ഗ​മി​ച്ചു​കൊ​ണ്ടി​രി​ക്കു​ന്നു. കൂ​ട്ടി​ന് ഭാ​ര്യ സി​ന്ധു​വും നാ​ല​ര​വ​യ​സ്സാ​യ മ​ക​ൻ കാ​ർ​ത്തി​ക്കു​മു​ണ്ട്.

ആ​യി​ര​ത്തി​ൽ ഒ​രു​വ​ൻ

ക​ലാ​ഭ​വ​ൻ മ​ണി​യെ നാ​യ​ക​നാ​ക്കി സി​ബി മ​ല​യി​ൽ സം​വി​ധാ​നം ചെ​യ്ത ആ​യി​ര​ത്തി​ൽ ഒ​രു​വ​നാ​ണ് ആ​ദ്യ ചി​ത്രം. പി​ന്നീ​ട് ര​ഞ്ജി​ത്തി​ന്റെ 'പാ​ലേ​രി മാ​ണി​ക്യ​'ത്തി​ലും 'ഇ​ന്ത്യ​ൻ റു​പ്പി'​യി​ലും വേ​ഷ​ങ്ങ​ൾ ചെ​യ്തു. എ​ന്നാ​ൽ, ജ​ന​ങ്ങ​ൾ ച​ർ​ച്ച​ ചെ​യ്ത ഒ​രു ക​ഥാ​പാ​ത്രം 'പു​​ഴു​'വി​ലെ കു​ട്ട​പ്പ​നാ​ണ്. ഇ​പ്പോ​ൾ നി​ര​വ​ധി ക​ഥാ​പാ​ത്ര​ങ്ങ​ൾ തേ​ടി​യെ​ത്തു​ന്നു​ണ്ട്. എ​ന്നാ​ൽ, അ​വ ഭൂ​രി​ഭാ​ഗ​വും രാ​ഷ്ട്രീ​യ​ക്കാ​രു​ടേ​താ​ണ്. കൂ​ട്ട​ത്തി​ൽ ആ​ളാ​യി നി​ൽ​ക്കാ​ൻ മാ​ത്ര​മു​ള്ള ക​ഥാ​പാ​ത്രം. അ​വ ചെ​യ്യാ​ൻ ഇ​പ്പോ​ൾ താ​ൽ​പ​ര്യ​മി​ല്ല. എ​ന്തെ​ങ്കി​ലും കാ​മ്പു​ള്ളത് ചെ​യ്യാ​ൻ ക​ഴി​യു​ന്ന ക​ഥാ​പാ​ത്ര​ങ്ങ​ളാണ് ആ​ഗ്ര​ഹം. ന​ല്ല ക​ഥാ​പാ​ത്ര​ങ്ങ​ൾ ചെ​യ്യ​​ണം.