''തിരിച്ചുവരവിൽ കൂടുതൽ ശ​ക്തയായി, മലയാള സിനിമ ലോകത്തെ കാണിക്കണം''

2005ൽ ഹരിഹരൻെറ മയൂഖത്തിലൂടെ മലയാള സിനിമയിലേക്ക്​ കടന്നെത്തിയ മംമ്ത മോഹൻദാസ്​ 15 വർഷങ്ങൾക്കിപ്പുറവും മുഖ്യധാര സിനിമയിൽ സജീവമാണ്​. പ്രതിബന്ധങ്ങളെ വകഞ്ഞുമാറ്റിയ മമ്​ത വൈവിധ്യമായ വേഷപ്പകർച്ചകളിലൂടെ ത​േൻറതായ ഇരി​പ്പിടം നേടിയെടുത്തു. ആർ.ജെ ഏകലവ്യൻെറ 'ലോകമേ' എന്ന മ്യൂസിക്​ സിംഗിളിലൂടെ നിർമാണ രംഗത്തേക്കും ചുവടുറപ്പിക്കുകയാണ്​ മംമ്ത

. തൻെറ സിനിമാ സങ്കൽപ്പ​ത്തെക്കുറിച്ചും പിന്നിട്ട പാതകളക്കെുറിച്ചും മംമ്ത മാധ്യമം ഓൺലൈനുമായി സംസാരിക്കുന്നു.

അഭിനേതാവ്​, ഗായിക എന്നിവയിൽ നിന്നും നിർമാതാവ്​ എന്ന വിലാസത്തിലേക്ക്​ കടക്കുകയാണോ?

സിനിമയുമായി ബന്ധപ്പെട്ടുതന്നെ അടുത്ത ഘട്ടത്തിലേക്ക്​ കടക്കണമെന്ന്​ ആഗ്രഹമുണ്ടായിരുന്നു. മനസ്സിലുണ്ടായിരുന്ന ആശയം യാഥാർഥ്യമാക്കാൻ എല്ലാം ഒത്തുവന്നത്​ ഇപ്പോഴാണ്​. ഒരു വലിയ പ്രൊജകട്​ മനസ്സിലുണ്ടായിരുന്നു. പക്ഷേ ​കൊറോണ എല്ലാം മാറ്റിമറിച്ചു. നല്ല കണ്ടൻറ്​ കൊടുക്കുക എന്നതുതന്നെയാണ്​​ ആഗ്രഹം. പുതിയ തലമുറക്ക്​ അവസരം കൊടുക്കുകയെന്നതും ലക്ഷ്യമിടുന്നു​.

മംമ്​തയുടെ നിർമാണത്തിൽ ആദ്യമായി പുറത്തെത്തുന്ന ഏകലവ്യൻെറ 'ലോകമേ' യിൽ പല രാഷ്​ട്രീയ പ്രശ്ന​ങ്ങളും പരാമർ​ശിക്കുന്നുണ്ട്​. വരാനിരിക്കുന്നവയിലും അത്തരം സ്വാധീനം പ്രതീക്ഷിക്കാമോ?

വളരെ അപ്രതീക്ഷിതമായി സംഭവിച്ചതായിരുന്നു ​'ലോകമേ'. വരികളോടുള്ള ഇഷ്​ടമാണ്​ അതിലേക്കെത്തിച്ചത്​​. ഏറ്റവും മികച്ച രീതിയിൽ ​വലിയ ചെലവിൽ ത​ന്നെയാണ്​ ഇത്​ ഒരുക്കിയിരിക്കുന്നത്​. മലയാളത്തിൽ റാപ്പ്​ ഗാനങ്ങൾ പോപ്പുലർ അല്ലെന്നറിയാം, പക്ഷേ വലിയ ശ്രദ്ധ റാപ്പിലുടെ മലയാളത്തിന്​ കിട്ടുമെന്നാണ്​ എൻെറ വിശ്വാസം. മലയാളം ഗാനങ്ങൾക്ക്​​ ഒരിക്കലും തമിഴിൻെറ ഭംഗി കിട്ടുന്നതായി തോന്നിയിട്ടില്ല. തമിഴ്​ കുറച്ചൂടി ലളിതമാണ്​. മലയാള ഭാഷ കൂടുതൽ ഭംഗിയായി റാപ്പിലൂ​െ​ട അവതരിപ്പിക്കാൻ കഴിയുമെന്നാണ്​ കരുതുന്നത്​. അതിനുള്ള തീക്ഷണത മലയാള ഭാഷക്കുണ്ട്​

എൻെറ ചിന്തകൾ പ്രകടിപ്പിക്കാൻ തന്നെയാണ്​ നിർമാണക്കമ്പനി നടത്തുന്നത്​​. എന്നാൽ എൻെറ മുഖം മാത്രം കാണിക്കാനായിയിരിക്കില്ല​. ഒരു​ പക്ഷേ എൻെറ പാട്ടുകളും ഉണ്ടായേക്കാം. കഥകൾ കേൾക്കാനും പ്രിമിലിനറി ജോലികൾക്കുമായി പ്രത്യേക ടീമിനെ വെച്ചിട്ടുണ്ട്​​. ടെക്​നിക്കൽ ടീമും കൂടെയുണ്ട്​.

ലോകത്തെല്ലായിടത്തുമുള്ള​ വെബ്​സീരീസുകൾ മലയാളികൾ ആസ്വദിച്ച്​ കാണുന്നുണ്ട്​. പക്ഷേ ഇവിടെ അത്തരം ഒന്ന്​ സംഭവിക്കുന്നില്ല. എന്താകും ഈ വൈരുധ്യത്തിന്​ കാരണം?

നമ്മൾ തന്നെയാണ് നമ്മുടെ അതിരുകൾ നിശ്ചയിക്കുന്നത്​​. പല സീരീസുകളും നിർമിക്കുന്നത്​ ഹോളിവുഡ്​ ചിത്രങ്ങളേക്കാൾ ചെലവ്​ കൂടിയ രീതിയിലാണ്​​. വലിയ ചിലവിൽ ക്വാളിറ്റിയോടെ വെബ്​സീരീസ്​ കൊണ്ടുവന്നാൽ മലയാളികൾക്കിടയിലും ഗെയിം ഓഫ്​ ത്രോൺസ്​ സംഭവിക്കും. സിനിമയിൽ ഇപ്പോൾ റിയലിസ്​റ്റിക്​ ട്രെൻഡ്​ ആണ്​. സീരീസി​ലേക്കെത്തു​േമ്പാൾ ആളുകളുടെ ഭാവന തൃപ്​തിപ്പെടുത്തുന്ന രീതിയിൽ സ്ക്രീനിലെത്തിക്കാൻ കഴിയണം.

നല്ല കണ്ടൻറുണ്ടെങ്കിൽ നമ്മുടെ സീരീസുകൾ ഏറ്റെടുക്കാൻ വൻകിട ഭീമൻമാർ വരും. മണി ഹേയ്​സ്​റ്റ്​ തന്നെ നോക്കൂ. ആദ്യം സ്​പാനിഷ്​ ടി.വിയിലൂടെയായിരുന്നു അത്​ സംപ്രേഷണം ചെയ്​തത്​. പിന്നീട്​ നെറ്റ്​ഫ്ലിക്​സ്​ അവരെ തേടിവരുകയായിരുന്നു.

2005 ​ലെ മയുഖം മുതൽ 2020 ​െല ലാൽബാഗ്​ വരെ, മലയാള സിനിമയിലെ 15 വർഷത്തിനിടക്ക്​ അവതരിപ്പിച്ചതിൽ ഇഷ്​ടകഥാപാ​ത്രം ഏതായിരിക്കും? സിനിമയിൽ ഇനിയും എത്തിപ്പിടിക്കാനുണ്ടെന്ന്​​ തോന്നുന്നുണ്ടോ?

കഥ തുടരുന്നുവിലെ വിദ്യാലക്ഷ്​മി, അരികെയിലെ അനുരാധ, മൈ ബോസിലെ​ പ്രിയ, ഫോറൻസിക്കിലെ റിഥിക സേവിയർ ഇങ്ങനെ മനസ്സിൽ ഇഷ്​ടപ്പെട്ട നിരവധി കഥാപാത്രങ്ങളുണ്ട്​. സമൂഹത്തിൽ സ്​ത്രീ പ്രാതിനിധ്യം വർധിക്കുന്നതിനനുസരിച്ച്​ സിനിമയിലും സ്​ത്രീ കഥാപാത്രങ്ങളുടെ പ്രാധാന്യം വർധിക്കുന്നുണ്ട്​.

കോവിഡ്​ കാലത്തിനിടയിൽ അൺലോക്​ എന്ന ചിത്രത്തിൻെറ ഷൂട്ടിങ്​ തീർത്തു. 'ബിലാൽ' വരാനിരിക്കുന്നുണ്ട്​. കല ഒരിക്കലും അവസാനിക്കാത്തതാണല്ലോ, അതുകൊണ്ടുതന്നെ സിനിമയിൽ ഇനിയുമുണ്ടാകും. അത്​ ചിലപ്പോൾ സംവിധായികയു​െട റോളിലാകാം, അല്ലെങ്കിൽ മറ്റേതെങ്കിലുമാകാം. ഏതായാലും സിനിമയിൽ തന്നെയുണ്ടാകും.

സിനിമയെ തേടി​പ്പോയതല്ല, എനിക്ക്​ സിനിമയാണ്​ എല്ലാംതന്നത്​. താഴെ വീണ കാലത്തും പൊക്കിയെടുത്തത്​ സിനിമയാണ്​. ആഗ്രഹിച്ചതോ ചോദിച്ചുവാങ്ങിയതോ ഒന്നുമല്ല അത്​. ഞാനൊരു അർബുദ ബാധിതയായിരുന്നല്ലോ, അതുകൊണ്ട്​ ആരോഗ്യം സൂക്ഷിക്കുക എന്നതാണ്​ എൻെറ ഏറ്റവും വലിയ ലക്ഷ്യം. നിങ്ങൾ വ്യക്തിയെന്ന നിലയിൽ തിളങ്ങിയാൽ എല്ലാം നിങ്ങളെ തേടിവരും എന്ന്​ ഞാൻ വിശ്വസിക്കുന്നു. മത്സരമുള്ള വ്യവസായമാണ്​ സിനിമ. ഇവിടെ ചിലർ മറ്റുവരുടെ തിളക്കം കുറക്കാൻ ശ്രമിക്കുന്നു. എന്നാൽ മങ്ങിനിൽക്കുന്നവരെക്കൂടി തിളക്കമുള്ളതാക്കാനാണ്​ ഞാൻ ശ്രമിക്കുന്നത്​.

പൃഥ്വിരാജിൻെറ സിനിമാ സങ്കൽപ്പത്തോട്​ സാമ്യമുള്ള വ്യക്തിയാണ്​ മംമ്​തയെന്ന്​ തോന്നിയിട്ടുണ്ട്​, പൃഥ്വിയുടെ കാഴ്​ചപ്പാടുകൾ സ്വാധീനിച്ചിട്ടുണ്ടോ?

പൃഥ്വിരാജിൻെറ വീക്ഷണങ്ങൾക്കും അതിനായി എടുക്കുന്ന പരിശ്രമങ്ങൾക്കും അദ്ദേഹത്തെ അഭിനന്ദിക്കുന്നു. എനിക്കും സിനിമയെക്കുറിച്ച്​ ഒരുപാട്​ സ്വപ്​നങ്ങൾ ഉണ്ടായിരുന്നു. മുമ്പ്​ ഫീമെയിൽ ആർട്ടിസ്​റ്റ്​ പയുന്നതിന്​​ വലിയ പ്രധാന്യം ലഭിക്കാറില്ലായിരുന്നു. വിമർശനങ്ങൾ നേരിട്ടിരുന്ന ആളാണ്​​ പ്രഥ്വിരാജ്​. ഇപ്പോൾ മാറിവരുന്നു. നമ്മൾ നമ്മളായിട്ട്​ തന്നെ നിന്നാൽ വിജയിക്കുമെന്നതിന് ഉദാഹരണമാണ് ​പ്രഥ്വി​. ഇൻറലിജൻറ്​ പ്രക്ഷകരാണ്​ ഇവിടെയുള്ളത്​. ഞാൻ മലയാളത്തിൽ തന്നെ നിൽക്കുന്നത്​ അതുകൊണ്ടുതന്നെയാണ്​. േപ്രക്ഷകരുടെ പ്രബുദ്ധത നമ്മളെ കൂടുതൽ ഉത്തരവാദിത്തമുള്ളവരാക്കുന്നു.

മലയാള സിനിമ ലോകം കാണണം എന്നുതന്നെയാണ്​ എൻെറയും ആഗ്രഹം. മറ്റു ഭാഷ സിനിമകൾ നോക്കൂ. ഫോക്​സ്​ സ്​റ്റുഡിയോ വരെ വന്നിട്ടും കോടികൾ ചെലവിട്ടിട്ടും പലതും​ ലോജിക്കിലാത്ത സിനിമകളാണ്​. എല്ലാ സിനിമകളും അങ്ങനെയാണെന്നല്ല, ചില സിനിമകൾ കാണു​േമ്പാൾ 2020ലും ഇത്തരം യുക്തിയില്ലാത്ത സിനിമകൾ സംഭവിക്കുന്നല്ലോ എന്ന്​ ചിന്തിക്കാറുണ്ട്​. ഹോളിവുഡ്​ സിനിമകൾ അവിശ്വസനീയമായ കഥയാണെങ്കിലും മേക്കിങ്ങിലൂടെ വിശ്വസിപ്പിക്കാൻ അവർക്ക്​ കഴിയാറുണ്ട്​. വലിയ ചിലവും വൻകിട നിർമാതാക്കളും എല്ലാം ഒത്തുവന്നാൽ എങ്ങനെ സിനിമയെടുക്ക​ണമെന്ന്​ കാണിക്കാനാകുമെന്ന ആത്മവിശ്വാസം എനിക്കുണ്ട്​.

അർബുദ​ത്തോട്​ പടവെട്ടി വ്യക്തിപരമായി വലിയ തിരിച്ചുവരവ്​ നടത്തിയ ആളാണ് താങ്കൾ​. കോവിഡ്​ കാലത്ത്​ വീട്ടിലിരുന്നവരോട്​ എന്താണ്​ പറയാനുള്ളത്​ ?

പ്രതിസന്ധി ആർക്കും വരാമെന്ന തിരിച്ചറിവ്​ ഇപ്പോൾ​ എല്ലാവർക്കും ലഭിച്ചെന്ന്​ തോന്നുന്നു. അർബുദബാധിതയായിരുന്നപ്പോൾ നീണ്ട ഇടവേള ഞാനും അനുഭവിച്ചിരുന്നു. പക്ഷേ തിരിച്ചുവരവിൽ കുറച്ചുകൂടി ശക്തയായി എന്ന്​ പറയാം. ചീത്ത സമയം ആർക്കും വരാം. എനിക്കും വന്നിരന്നു. ഒരു വീഴ്​ചയെ ഫേസ്​ ചെയ്​താൽ അത്​ ശീലമാകും. ഇപ്പോൾ ഭയമൊന്നുമില്ല. കൊറോണ വന്നപ്പോൾ യാതൊരു ഭയവും തോന്നിയില്ല. അതിനേക്കാൾ വലുത്​ കണ്ടയാളാണ്​ ഞാൻ. വ്യായാമവും​ പെയിൻറിങ്ങുമെല്ലാമായി​ വീട്ടിൽ തന്നെയിരുന്നു സമയം ആസ്വദിച്ചു.

കോവിഡ്​ കാലത്ത്​ കൊച്ചിയിൽ നിന്നും ലോസ്​ ആഞ്ചലസിലേക്ക്​ പോയിരുന്നു. കേട്ടയത്രയും ഭീകരമാണ്​ അമേരിക്കയിലെ കാര്യങ്ങളെന്ന്​ തോന്നിയില്ല. തെരഞ്ഞെടുപ്പ്​ നടക്കു​േമ്പാൾ അമേരിക്കയിൽ ഉണ്ടായിരുന്നു. ഡെമോക്രാറ്റുകൾ ജയിച്ചതിൽ സന്തോഷം തോന്നി. എല്ലാം കൊണ്ടും ചരിത്ര വർഷമാണിത്​. ഇപ്പോൾ നേടിയ തിരിച്ചറിവുകൾ നിലനിർത്താനാക​ട്ടെയെന്ന്​ ആശംസിക്കുന്നു.