ദേശീയ ചലച്ചിത്ര പുരസ്​കാരം: 'മരക്കാർ അറബിക്കടലിന്‍റെ സിംഹം' മികച്ച സിനിമ; മലയാളത്തിന്​ 11 പുരസ്​കാരങ്ങൾ

ഡൽഹി: 67-ാമത് ദേശീയ ചലച്ചിത്ര പുരസ്​കാരങ്ങൾ ഡൽഹിയിൽ പ്രഖ്യാപിച്ചു. കോവിഡ്​ കാരണം അനിശ്ചിതമായി കാലതാമസം നേരിട്ട പുരസ്​കാരങ്ങളാണ്​ ഇപ്പോൾ പ്രഖ്യാപിച്ചത്​. 2019 മുതലുള്ള സിനിമകൾക്കാണ് പുരസ്​കാരങ്ങൾ നൽകിയത്​.11 പുരസ്​കാരങ്ങളാണ്​ ഇത്തവണ മലയാള സിനിമക്ക്​ ലഭിച്ചത്​. മികച്ച സിനിമയായി മലയാളത്തിൽ നിന്നുള്ള 'മരക്കാർ അറബിക്കടലിന്‍റെ സിംഹം' തിര​െഞ്ഞടുക്കപ്പെട്ടു. പ്രിയദർശനാണ്​ സംവിധാനം. മറ്റ്​ രണ്ട്​ പുരസ്​കാരങ്ങളും മരക്കാറിന്​ ലഭിച്ചു. മികച്ച വസ്​ത്രാലങ്കാരം (സുജിത്​, സായി) വിഎഫ്എക്സ് (സിദ്ധാർഥ് പ്രിയദർശൻ)​ എന്നിവർക്കാണ്​ പുരസ്​കാരം ലഭിച്ചത്​.

സജിൻബാബു സംവിധാനംചെയ്​ത മലയാള സിനിമയായ ബിരിയാണിക്ക്​ പ്രത്യേക പരാമർശം ലഭിച്ചു. മികച്ച മലയാള സിനിമ രാഹുൽ റിജി നായർ സംവിധാനം ചെയ്​ത കള്ളനോട്ടം ആണ്​. മികച്ച സിനിമാ​ട്ടോഗ്രാഫി പുരസ്​കാരവും മലയാളത്തിനാണ്​. ജല്ലിക്കെട്ടിനായി കാമറ ചലിപ്പിച്ച ഗിരീഷ്​ ഗംഗാധരനാണ്​ പുരസ്​കാരം.​ മികച്ച ഗാനരചയിതാവ്​ പ്രഭാവർമയാണ്​, സിനിമ കോളാമ്പി. മികച്ച മേക്കപ്പ് ആർട്ടിസ്റ്റ് രഞ്ജിത്ത്, സിനിമ ഹെലൻ (മലയാളം). ഹെലനിലൂടെ മികച്ച പുതുമുഖ സംവിധായകനുള്ള പുരസ്‌കാരം മാത്തുകുട്ടി സേവിയറും നേടി. 'ഒരു പാതിരാ സ്വപ്നം പോലെ' എന്ന മലയാള ചിത്രം മികച്ച കുടുംബമൂല്യങ്ങളുള്ള സിനിമക്കുള്ള പുരസ്കാരം നേടി.

മികച്ച സംവിധായകൻ സഞ്ചയ്​​ പുരം സിങ്​ ചൗഹാനാണ്​. സിനിമ 72 ഹൂറയ്​ൻ (ഹിന്ദി).സിനിമയെക്കുറിച്ചുള്ള മികച്ച പുസ്തകം സഞ്ജയ് സൂരി എഴുതിയ 'എ ഗാന്ധിയൻ അഫയർ: ഇന്ത്യാസ്​ ക്യൂരിയസ്​ പോർട്രയൽ ഓഫ്​ ലവ്​ ഇൻ സിനിമ'ക്കാണ്​. മികച്ച ചലച്ചിത്ര നിരൂപകൻ സോഹിനി ഛത്തോപാധ്യായാണ്​. മികച്ച തമിഴ്​ സിനിമ വെട്രിമാരൻ സംവിധാനം ചെയ്​ത അസുരനാണ്​.

മികച്ച നടൻമാരായി ധനുഷിനേയും മനോജ്​ ബാജ്​പേയിയേയും തെരഞ്ഞെടുത്തു. അസുരനിലെ അഭിനയമാണ്​ ധനുഷിനെ പുരസ്​കാരത്തിന്​ അർഹനാക്കിയത്​. ഭോസ്​ലെ എന്ന സിനിമയിലെ അഭിനയത്തിനാണ്​ മനോജ്​ബാജ്​പേയ്​ പുരസ്​കാരം നേടിയത്​. മികച്ച നടി കങ്കണ റണാവത്താണ്​, സിനിമ മണികർണിക, പങ്ക. തമിഴ് ​നടൻ വിജയ്​ സേതുപതിക്ക്​ മികച്ച സഹനടനുള്ള പുരസ്​കാരം ലഭിച്ചു, സിനിമ സൂപ്പർ ഡീലക്​സ്​. സിനിമ സൗഹൃദ സംസ്​ഥാനമായി സിക്കിമിനെ തെരഞ്ഞെടുത്തു. മികച്ച സംഗീത സംവിധാനം ഡി ഇമാനാണ്​, സിനിമ വിശ്വാസം (തമിഴ്​). മലയാളിയായ റസൂൽപൂക്കുട്ടിക്കാണ്​ മികച്ച ശബ്​ദലേഖനത്തിനുള്ള പുരസ്​കാരം.

ഫീച്ചർ വിഭാഗം പുരസ്​കാരങ്ങൾ

മികച്ച പണിയ ഫിലിം: കെഞ്ചിറ

മികച്ച തമിഴ് ചിത്രം: അസുരൻ

മികച്ച ഹിന്ദി സിനിമ: ചിചോർ

മികച്ച ആക്ഷൻ സംവിധാനം: അവാനെ ശ്രീമണ്ണാരായണ (കന്നഡ)

മികച്ച നൃത്തസംവിധാനം: മഹർഷി (തെലുങ്ക്)

പ്രത്യേക ജൂറി അവാർഡ്: ഒത്ത സെരുപ്പ് വലുപ്പം 7 (തമിഴ്)

മികച്ച നിർമ്മാണ ഡിസൈൻ: ആനന്ദി ഗോപാൽ (മറാത്തി)

മികച്ച എഡിറ്റിംഗ്: ജേഴ്സി (തെലുങ്ക്)മികച്ച ഓഡിയോഗ്രഫി: ഐവ്ഡു (ഖാസി)

മികച്ച തിരക്കഥ (യഥാർഥം): ജ്യേഷ്‌തോപുത്രോ (ബംഗാളി)

മികച്ച തിരക്കഥ (അഡാപ്റ്റഡ്): ഗുംനാമി (ബംഗാളി)

മികച്ച തിരക്കഥ (ഡയലോഗുകൾ): താഷ്‌കന്‍റ ഫയൽസ്​ (ഹിന്ദി)

മികച്ച വനിതാ ഗായിക: ബാർഡോയ്ക്ക് (മറാത്തി) സവാനി രവീന്ദ്ര

മികച്ച പുരുഷ ഗായകൻ: ബി.പ്രാക് (ഹിന്ദി) കേസാരി

മികച്ച ബാലതാരം: കെഡിക്ക് (തമിഴ്) നാഗാ വിശാൽ

മികച്ച സഹനടി: താഷ്‌കന്‍റ്​ ഫയൽസ്​ (ഹിന്ദി) പല്ലവി ജോഷി

മികച്ച സഹനടൻ: സൂപ്പർ ഡീലക്‌സ്​ (തമിഴ്) വിജയ് സേതുപതി

മികച്ച കുട്ടികളുടെ സിനിമ: കസ്തൂരി (ഹിന്ദി)

പരിസ്ഥിതിയെക്കുറിച്ചുള്ള മികച്ച ചിത്രം: വാട്ടർ ബരിയൽ (മോൺപ)

സാമൂഹിക പ്രശ്നങ്ങളെക്കുറിച്ചുള്ള മികച്ച ചിത്രം: ആനന്ദി ഗോപാൽ (മറാത്തി)

മികച്ച മികച്ച ജനപ്രിയ സിനിമ: മഹർഷി (തെലുങ്ക്)

നോൺ-ഫീച്ചർ ഫിലിം വിഭാഗം പുരസ്​കാരങ്ങൾ

മികച്ച വിവരണം: വൈൽഡ് കർണാടക- ഡേവിഡ് ആറ്റൻബറോ.

മികച്ച സംഗീത സംവിധാനം: ക്രാന്തി ദർശി ഗുരുജിക്ക് ബിഷാജ്യോതി - സമയത്തിന് മുന്നിൽ (ഹിന്ദി)

മികച്ച എഡിറ്റിംഗ്: ഷട്ട് അപ്പ് സോന -അർജുൻ ഗൗരിസാരിയ (ഹിന്ദി / ഇംഗ്ലീഷ്)

മികച്ച ഓഡിയോഗ്രഫി: രാധ (മ്യൂസിക്കൽ)

മികച്ച ഛായാഗ്രഹണം: സോൻസി- സവിത സിംഗ് (ഹിന്ദി)

മികച്ച സംവിധാനം: നോക്ക് നോക്ക് നോക്ക്​- സുധാൻഷു സരിയ (ഇംഗ്ലീഷ് / ബംഗാളി)

കുടുംബ മൂല്യങ്ങളെക്കുറിച്ചുള്ള മികച്ച ചിത്രം: ഒരു പാതിര സ്വപ്‌നം പോലെ (മലയാളം)

മികച്ച ഹ്രസ്വ ചിത്രം: കസ്റ്റഡി (ഹിന്ദി / ഇംഗ്ലീഷ്)

മികച്ച ആനിമേഷൻ ഫിലിം: രാധ (മ്യൂസിക്കൽ)

മികച്ച അന്വേഷണാത്മക ചിത്രം: ജക്കൽ (മറാത്തി)

മികച്ച വിദ്യാഭ്യാസ സിനിമ: ആപ്പിൾ ആൻഡ്​ ഓറഞ്ച്​ (ഇംഗ്ലീഷ്)

സാമൂഹിക പ്രശ്നങ്ങളെക്കുറിച്ചുള്ള മികച്ച ചിത്രം: ഹോളി റൈറ്റ്സ് (ഹിന്ദി), ലഡ്‌ലി (ഹിന്ദി)

മികച്ച പരിസ്ഥിതി സിനിമ: സ്റ്റോർക്ക് സേവ്യേഴ്സ് (ഹിന്ദി)

മികച്ച പ്രമോഷണൽ ഫിലിം: ദി ഷവർ (ഹിന്ദി)

മികച്ച കലാസാംസ്കാരിക സിനിമ: ശ്രീക്ഷേത്ര-റു-സാഹിജാത (ഒഡിയ)

മികച്ച സംവിധായക അരങ്ങേറ്റം: ഖിസ (മറാത്തി) നായി -രാജ് പ്രീതം

കമേഴ്സ്യൽ സിനിമക്ക്​ വലിയ നേട്ടം –പ്രിയദർശൻ

കൊ​ച്ചി: മ​ര​ക്കാ​ർ അ​റ​ബി​ക്ക​ട​ലിെൻറ സിം​ഹം എ​ന്ന ബി​ഗ് ബ​ജ​റ്റ് ചി​ത്ര​ത്തി​ന് മി​ക​ച്ച സി​നി​മ​ക്കു​ള്ള ദേ​ശീ​യ അ​വാ​ർ​ഡ് കി​ട്ടി​യ​തിെൻറ സ​ന്തോ​ഷം പ​ങ്കു​വെ​ച്ച് സം​വി​ധാ​യ​ക​ൻ പ്രി​യ​ദ​ർ​ശ​ൻ. വ​ർ​ഷ​ങ്ങ​ളാ​യി ത​െൻറ​യും മോ​ഹ​ൻ​ലാ​ലിെൻറ​യും സ്വ​പ്ന​മാ​യി​രു​ന്നു മ​ര​ക്കാ​ർ എ​ന്ന ചി​ത്ര​മെ​ന്ന് അ​ദ്ദേ​ഹം പ​റ​ഞ്ഞു.

മ​ല​യാ​ള സി​നി​മ​ക്ക് താ​ങ്ങാ​ൻ പ​റ്റാ​ത്ത ബ​ജ​റ്റു​മൂ​ലം കാ​ത്തി​രു​ന്ന് കാ​ത്തി​രു​ന്ന് അ​വ​സാ​നം ഒ​രു നി​ർ​മാ​താ​വ് (ആ​ൻ​റ​ണി പെ​രു​മ്പാ​വൂ​ർ) അ​തി​െൻറ റി​സ്ക് എ​ടു​ക്കാ​ൻ ത​യാ​റാ​യ​തു​കൊ​ണ്ട് മാ​ത്രം സി​നി​മ​യു​ണ്ടാ​യി. അ​ങ്ങ​നെ ന​മ്മു​ടെ ഒ​രു വ​ലി​യ സ്വ​പ്നം സാ​ക്ഷാ​ത്ക​രി​ക്ക​പ്പെ​ട്ടു. പി​ന്നീ​ട് അ​തി​നും മു​ക​ളി​ൽ ഇ​ങ്ങ​നെ​യൊ​രു അം​ഗീ​കാ​രം​കൂ​ടി കി​ട്ടി​യ​പ്പോ​ഴു​ള്ള സ​ന്തോ​ഷം ചെ​റു​ത​ല്ല. ഒ​രു വാ​ണി​ജ്യ സി​നി​മ​ക്കു​കി​ട്ടു​ന്ന ഏ​റ്റ​വും വ​ലി​യ അം​ഗീ​കാ​ര​മാ​ണി​ത്. സാ​ധാ​ര​ണ ആ​ർ​ട്ട് വി​ഭാ​ഗ​ത്തി​ൽ​പെ​ട്ട സി​നി​മ​ക​ൾ​ക്കാ​ണ് ഇ​ത്ത​രം അം​ഗീ​കാ​ര​ങ്ങ​ൾ കി​ട്ടു​ന്ന​ത്.

ക​മേ​ഴ്സ്യ​ൽ സി​നി​മ​ക്ക് ഈ ​പു​ര​സ്കാ​രം കി​ട്ടി​യ​ത് വ​ലി​യൊ​രു നേ​ട്ട​മാ​ണ്. നേ​ര​ത്തേ ഇ​തേ വി​ഭാ​ഗ​ത്തി​ൽ ത​മി​ഴ് ചി​ത്ര​മാ​യ കാ​ഞ്ചീ​വ​ര​ത്തി​ന് പു​ര​സ്കാ​രം കി​ട്ടി​യി​ട്ടു​ണ്ടെ​ങ്കി​ലും അ​തൊ​രു റി​യ​ലി​സ്​​റ്റി​ക് സി​നി​മ​യാ​യി​രു​ന്നു. ഇ​പ്പോ​ൾ അ​വാ​ർ​ഡ് ഒ​രു മ​ല​യാ​ള ചി​ത്ര​ത്തി​ന് ത​ന്നെ കി​ട്ടി​യെ​ന്ന​താ​ണ് ഏ​റ്റ​വും വ​ലി​യ സ​ന്തോ​ഷ​മെ​ന്നും അ​ദ്ദേ​ഹം മാ​ധ്യ​മ​ത്തോ​ട് പ​റ​ഞ്ഞു.

ലോ​ക്ഡൗ​ൺ മൂ​ലം എ​ല്ലാം​കൊ​ണ്ടും മ​ന്ദ​ഗ​തി​യി​ലാ​യ സി​നി​മ മേ​ഖ​ല​ക്ക് വ​ലി​യ ഉ​ണ​ർ​വു​ണ്ടാ​ക്കാ​ൻ ഈ ​അ​വാ​ർ​ഡി​ന്​ ക​ഴി​യും. ​മേ​യ് 13ന് ​തി​യ​റ്റ​റി​ലെ​ത്തു​ന്ന സി​നി​മ ഇ​നി പ്രേ​ക്ഷ​ക​രു​ടെ കൈ​യി​ലാ​ണെ​ന്നും സം​വി​ധാ​യ​ക​ൻ കൂ​ട്ടി​ച്ചേ​ർ​ത്തു.

അംഗീകാരം അനിലിന്​ –സജിൻ ബാബു

സം​വി​ധാ​ന​ത്തി​ന് പ്ര​ത്യേ​ക ജൂ​റി പ​രാ​മ​ർ​ശ​മാ​ണ് സ​ജി​ൻ ബാ​ബു​വി​ന് ല​ഭി​ച്ച​ത്

തി​രു​വ​ന​ന്ത​പു​രം: ആ​ദ്യ​മാ​യി ല​ഭി​ച്ച ദേ​ശീ​യ അം​ഗീ​കാ​രം അ​ന്ത​രി​ച്ച ന​ട​ൻ അ​നി​ൽ നെ​ടു​മ​ങ്ങാ​ടി​ന് സ​മ​ർ​പ്പി​ക്കു​െ​ന്ന​ന്ന് സം​വി​ധാ​യ​ക​ൻ സ​ജി​ൻ ബാ​ബു. സം​വി​ധാ​ന​ത്തി​ന് പ്ര​ത്യേ​ക ജൂ​റി പ​രാ​മ​ർ​ശ​മാ​ണ് സ​ജി​ൻ ബാ​ബു​വി​ന് ല​ഭി​ച്ച​ത്. അ​വാ​ർ​ഡി​ന​ർ​ഹ​മാ​യ 'ബി​രി​യാ​ണി' എ​ന്ന സി​നി​മ​യി​ൽ അ​നി​ൽ ഒ​രു പ്ര​ധാ​ന ക​ഥാ​പാ​ത്ര​ത്തെ അ​വ​ത​രി​പ്പി​ച്ചി​രു​ന്നു. നെ​ടു​മ​ങ്ങാ​ട് ആ​നാ​ടി​ന​ടു​ത്തു​ള്ള കൂ​പ്പ് എ​ന്ന അ​ധി​ക​മാ​രും അ​റി​യാ​ത്ത ഗ്രാ​മ​ത്തി​ൽ​നി​ന്ന്​ സി​നി​മാ​ലോ​ക​ത്ത് എ​ത്തി​യ ത​നി​ക്ക് ദേ​ശീ​യ അ​വാ​ർ​ഡ് കി​ട്ടി​യ​പ്പോ​ൾ ല​ഭി​ക്കു​ന്ന ആ​ത്മ​വി​ശ്വാ​സം വ​ള​രെ വ​ലു​താ​ണെ​ന്ന് സ​ജി​ൻ ബാ​ബു പ​റ‌​ഞ്ഞു. മ​ത​ദു​രാ​ചാ​ര​ങ്ങ​ളെ തു​റ​ന്നു​കാ​ട്ടു​ന്ന ചി​ത്ര​ത്തി​ൽ കേ​ന്ദ്ര​ക​ഥാ​പാ​ത്ര​ത്തെ അ​വ​ത​രി​പ്പി​ച്ച ക​നി കു​സൃ​തി​ക്ക് മി​ക​ച്ച ന​ടി​ക്കു​ള്ള ദേ​ശീ​യ പു​ര​സ്കാ​രം ല​ഭി​ച്ചി​രു​ന്നു. അ​മ്പ​തി​ലേ​റെ ച​ല​ച്ചി​ത്ര മേ​ള​ക​ളി​ൽ പ്ര​ദ​ർ​ശി​പ്പി​ച്ച ബി​രി​യാ​ണി​ക്ക് നി​ര​വ​ധി അ​വാ​ർ​ഡു​ക​ളും ല​ഭി​ച്ചി​ട്ടു​ണ്ട്.

മാ​ർ​ച്ച്​ 26ന് ​ചി​ത്രം റി​ലീ​സ് ചെ​യ്യും. എ​ല്ലാ​വ​ർ​ക്കും ആ​സ്വ​ദി​ക്കാ​ൻ ക​ഴി​യു​ന്ന ചി​ത്ര​മാ​ണിതെന്നും സ​ജി​ൻ ബാ​ബു പ​റ​ഞ്ഞു.