ഫൺടാസ്റ്റിക്​ റീയൂണിയൻ ഒരിക്കൽ കൂടി; സംവിധാനം ധ്യാൻ, നിർമാണം അജു

ഫൺടാസ്റ്റിക്​ ഫിലിംസി​െൻറ ബാനറിൽ നടൻ അജു വർഗീസ് ആദ്യമായി നിർമിച്ച്​ യുവതാരം​ നിവിൻ പോളി നായകനായ ഹിറ്റ്​ ചിത്രമായിരുന്നു ലവ്​ ആക്ഷൻ ഡ്രാമ. ധ്യാൻ ശ്രീനിവാസൻ സംവിധാനം ചെയ്​ത ചിത്രത്തിൽ സൂപ്പർതാരം നയൻതാരയായിരുന്നു നായിക കഥാപാത്രമായി എത്തിയത്​. നിവിനും നയനും ആദ്യമായി ഒന്നിച്ച ചിത്രം കൂടിയായിരുന്നു അത്​.

എന്നാൽ, ഇതേ കൂട്ടുകെട്ട്​ വീണ്ടും ഒന്നിക്കുകയാണ്​. അജു വർഗീസ്​ തന്നെയാണ്​ ഇക്കാര്യം ഫേസ്​ബുക്കിലൂടെ അറിയിച്ചത്​. താരങ്ങൾ ആരൊക്കെയാണെന്ന്​ ഇതുവരെ പുറത്തുവിട്ടിട്ടില്ല. 'എന്നാൽ പിന്നെ ഒന്നും കൂടെയായല്ലോ... അതെ, ഫൺടാസ്റ്റിക്​ റീയൂണിയൻ ഒരുക്കൽ കൂടി... ധ്യാൻ ശ്രീനിവാസൻ ചിത്രം, ഫൺടാസ്റ്റിക് ഫിലിംസി​െൻറ നിർമാണം, കൂടുതൽ സർപ്രൈസുകൾ വഴിയേ... -അജു വർഗീസ്​ കുറിച്ചു.