'മാസ്സായി ലാലേട്ടൻ' 'നെയ്യാറ്റിൻകര ഗോപ​െൻറ ആറാട്ട്​' ഫസ്റ്റ്​ ലുക്ക്​ പോസ്റ്റർ വൈറൽ

വില്ലന്​ ശേഷം ബി. ഉണ്ണികൃഷ്​ണൻ സംവിധാനം ചെയ്യുന്ന മോഹൻലാൽ ചിത്രം ആറാട്ടിന്‍റെ ഫസ്റ്റ് ലുക്ക് പോസ്റ്റര്‍ പുറത്ത്. പുലിമുരുകന് ശേഷം ഉദയകൃഷ്ണ തിരക്കഥ രചിച്ചിരിക്കുന്ന ചിത്രമായ 'നെയ്യാറ്റിൻകര ഗോപ​െൻറ ആറാട്ട്' ആരാധകർ ഏറ്റവും പ്രതീക്ഷയോടെ കാത്തിരിക്കുന്ന ലാൽ ചിത്രമാണ്​. മോഹൻലാലി​െൻറ ഔദ്യോഗിക ഫേസ്​ബുക്ക് പേജിലൂടെയാണ് പോസ്റ്റർ പുറത്തുവിട്ടത്.

കറുത്ത നിറത്തിലുള്ള പഴയ മോഡൽ ബെൻസ്​ കാറിന്​ മുന്നിൽ കറുത്ത ഷർട്ടും മുണ്ടും ധരിച്ച്​ കളരിയടവ്​ പയറ്റുന്ന മോഹൻലാലാണ്​ പോസ്റ്ററി​െൻറ ഹൈലൈറ്റ്​. എന്തായാലും സമൂഹമാധ്യമങ്ങളിൽ സമീപകാലത്ത്​ ഏറ്റവും ​വൈറലായ സിനിമാ പോസ്റ്ററുകളിലൊന്നായി ആറാട്ടി​െൻറ പോസ്റ്റർ മാറിയിട്ടുണ്ട്​​.

ഒരു തികഞ്ഞ മാസ് മസാല പടമായിരിക്കും ആറാട്ടെന്നും ഒരു പ്രത്യേക ലക്ഷ്യത്തോടെ ഗോപൻ നെയ്യാറ്റിൻകരയിൽ നിന്നു പാലക്കാട്ടെ ഒരു ഗ്രാമത്തിൽ എത്തുന്നതിനെ തുടർന്ന് നടക്കുന്ന സംഭവങ്ങളൊക്കെയാണ് ചിത്രത്തി​െൻറ പ്രമേയമെന്നും നേരത്തേ തന്നെ സംവിധായകൻ ബി ഉണ്ണികൃഷ്​ണൻ സൂചിപ്പിച്ചിരുന്നു. നെടുമുടി വേണു, സായ്കുമാർ, സിദ്ദിഖ്, വിജയരാഘവൻ, ജോണി ആന്റണി, ഇന്ദ്രൻസ്, രാഘവൻ, നന്ദു, ബിജു പപ്പൻ, ഷീല, സ്വാസിക, മാളവിക, രചന നാരായണൻകുട്ടി തുടങ്ങിയവരും മറ്റ് കഥാപാത്രങ്ങളെ അവതരിപ്പിക്കുന്നു.