അന്ന്​ വഴക്കിട്ടതിന് സ്വയം പുച്ഛം തോന്നുന്നു;​ സലീം കുമാറിനോട് മാപ്പ് ചോദിച്ച്​ ​ജ്യോതികൃഷ്ണ

സമൂഹ മാധ്യമങ്ങളിൽ നിരവധി ചലഞ്ചുകൾക്ക്​ തുടക്കം കുറിക്കുകയും അവ പലരും ഏറ്റെടുക്കുകയും ചെയ്യുന്നത്​ കണ്ടിട്ടുണ്ടല്ലൊ, അത്തരം ഒരു ചലഞ്ചുമായി രംഗത്തെത്തിയിരിക്കുകയാണ്​ നടി ജ്യോതി കൃഷ്​ണ. സോറി ചലഞ്ച്​.!!. ജീവിതത്തിൽ വേദനിപ്പിക്കേണ്ടി വന്നിട്ടുള്ള ആളുകളോട്​ 'സോറി' പറയുക എന്നതാണ്​ ചലഞ്ച്​.

ചലഞ്ചിന്​ തുടക്കമിട്ടുകൊണ്ട്​ നടൻ സലീം കുമാറിനോടാണ് ​ജ്യോതി കൃഷ്​ണ ആദ്യം സോറി പറഞ്ഞത്​. 2013ല്‍ മൂന്നാം നാള്‍ ഞായറാഴ്ച എന്ന ചിത്രത്തി​െൻറ സെറ്റില്‍ വച്ച്‌ താനും സലീമേട്ടനും തമ്മിൽ വഴക്കുണ്ടായെന്നും ത​െൻറ പക്വതയില്ലായ്മ കൊണ്ടാണ് അന്നങ്ങനെ സംഭവിച്ചതെന്നും അതാലോചിക്കു​മ്പോൾ സ്വയം പുച്ഛം തോന്നുകയാണെന്നും ജ്യോതി കൃഷ്​ണ പറഞ്ഞു.

പിന്നീട്​ ത​െൻറ അമ്മയോടും എട്ടാം ക്ലാസിൽ ഒപ്പം പഠിച്ച സുഹൃത്തിനോടും ജ്യോതികൃഷ്​ണ ക്ഷമ പറഞ്ഞു. സോറി പറയുമ്പോള്‍ നമുക്ക് ഒന്നും നഷ്ടപ്പെടുന്നില്ലെന്നും നമ്മുടെ നന്മ പുറത്തുവരികയാണ് ചെയ്യുന്നതെന്നും ജ്യോതി കൃഷ്​ണ പറഞ്ഞു. ഫേസ്​ബുക്കിലിട്ട വിഡിയോയിലാണ്​ ജ്യേതി കൃഷ്​ണ ഇക്കാര്യങ്ങൾ പറഞ്ഞത്​.

നടിമാരായ സ്​നേഹ ശ്രീകുമാർ, സ്വാസിക, കൃഷ്​ണപ്രഭ, ഷാലിൻ സോയ തുടങ്ങിയവരേയും ചലഞ്ചിനായി ജ്യോതി കൃഷ്​ണ ടാഗ്​ ചെയ്​തിട്ടുണ്ട്​.