അങ്കമാലി ഡയറീസിലെ പെപ്പെ വിവാഹിതനായി

അങ്കമാലി ഡയറീസ്, ജല്ലിക്കെട്ട് എന്നീ ചിത്രങ്ങളിലൂടെ ശ്രദ്ധേയനായ നടൻ ആന്‍റണി വർഗീസ് വിവാഹിതനായി. അങ്കമാലി സ്വദേശി അനീഷ പൗലോസ് ആണ് വധു. അയർലന്‍റിൽ നഴ്സാണ് അനീഷ.

നേരത്തെ വിവാഹത്തിന് മുന്നോടിയായുള്ള ഹൽദിചടങ്ങുകളുടെയും വിവാഹ നിശ്ചയത്തിന്റെയും വീഡിയോ സോഷ്യൽ മീഡിയയിൽ വൈറലായി മാറിയിരുന്നു. ലിജോ ജോസ് പെല്ലിശ്ശേരിയുടെ ' അങ്കമാലി ഡയറീസ്' എന്ന ചിത്രത്തിലൂടെയാണ് ആന്റണി വർ​ഗീസ് സിനിമയിലെത്തുന്നത്. ചിത്രത്തിലെ വിൻസെന്റ് പെപ്പേ എന്ന കഥാപാത്രത്തിന് സ്വീകാര്യത ലഭിച്ചു. പെപ്പെ എന്ന പേരിലാണ് ആന്‍റണി വർഗീസ് അറിയപ്പെടുന്നത്.

അജഗജാന്തരം , ജാൻ മേരി, ആനപ്പറമ്പിലെ വേൾഡ് കപ്പ്, ആരവം തുടങ്ങിയവാണ് താരത്തിന്റെ പുതിയ പ്രോജക്ടുകൾ.