അദിവി ശേഷിന്‍റെ 'മേജർ' മേയിൽ റിലീസ്​ ചെയ്യും

രാജ്യത്ത് കോവിഡ് നിയന്ത്രണങ്ങൾ ലഘൂകരിക്കുകയും ഭാഗിക ലോക്​ഡൗൺ നീക്കുകയും ചെയ്തതോടെ ​'മേജർ' സിനിമയുടെ നിർമാതാക്കൾ പുതിയ റിലീസ് തീയതി പ്രഖ്യാപിച്ചു. മേജർ സന്ദീപ് ഉണ്ണികൃഷ്ണന്‍റെ ജീവിതം അടിസ്ഥാനമാക്കിയുള്ള അദിവി ശേഷ് നായകനായ ചിത്രം 2022 മേയ് 27ന് തിയേറ്ററുകളിൽ എത്തും.

മുമ്പ് ഫെബ്രുവരി 11-നായിരുന്നു റിലീസ് ചെയ്യാനിരുന്നത്​. കോവിഡ്​ വ്യാപനം കാരണം തീയതി മാറ്റുകയായിരുന്നു സോണി പിക്‌ചേഴ്‌സ് ഫിലിംസ് ഇന്ത്യയാണ്​ ചിത്രം അവതരിപ്പിക്കുന്നത്​.

ശശി കിരൺ ടിക്കയാണ്​ ചിത്രത്തിന്‍റെ സംവിധാനം. മലയാളം, തെലുഗു, ഹിന്ദി എന്നീ ഭാഷകളിൽ ചിത്രം റിലീസ്​ ചെയ്യും.