‘ഓ​ൾ വി ​ഇ​മാ​ജി​ൻ ആ​സ് ലൈ​റ്റ്’; അഭിമാനത്തോടെ അ​സീ​സ്‌ നെ​ടു​മ​ങ്ങാ​ടും നസീം ആസാദും

തി​രു​വ​ന​ന്ത​പു​രം: കാ​ൻ പു​ര​സ്‌​കാ​ര നേ​ട്ട​ത്തി​ൽ അ​തി​യാ​യ സ​ന്തോ​ഷ​മു​ണ്ടെ​ന്ന്‌ ന​ട​ൻ അ​സീ​സ്‌ നെ​ടു​മ​ങ്ങാ​ട്‌. ഗ്രാ​ൻ​ഡ്‌ പ്രി ​പു​ര​സ്‌​കാ​രം നേ​ടി​യ ഓ​ൾ വി ​ഇ​മാ​ജി​ൻ ആ​സ്‌ ലൈ​റ്റി​ൽ ഡോ​ക്‌​ട​റു​ടെ വേ​ഷ​മാ​ണ്​ അ​സീ​സി​ന്. സ​ത്യം പ​റ​ഞ്ഞാ​ൽ പു​ര​സ്‌​കാ​ര​ത്തി​ന്റെ മൂ​ല്യ​മെ​ന്തെ​ന്ന്‌ ആ​ദ്യം മ​ന​സ്സി​ലാ​യി​ല്ലെ​ന്ന്​ അ​സീ​സ്​ മാ​ധ്യ​മ​ങ്ങ​ളോ​ടു പ​റ​ഞ്ഞു.

കാ​നി​ൽ തെ​ര​ഞ്ഞെ​ടു​ക്ക​പ്പെ​ട്ട​പ്പോ​ൾ ത​ന്നെ അ​ഭി​ന​ന്ദ​നം അ​റി​യി​ച്ച​വ​രു​ണ്ട്‌. മ​മ്മൂ​ക്ക ഉ​ൾ​പ്പെ​ടെ നി​ര​വ​ധി പേ​ർ അ​ഭി​ന​ന്ദി​ച്ചു. ന​മ്മ​ൾ കൂ​ടി ഭാ​ഗ​മാ​യ സി​നി​മ​​ക്ക്‌ വ​ലി​യ പു​ര​സ്‌​കാ​രം ല​ഭി​ക്കു​ന്ന​ത്‌ സ​ന്തോ​ഷ​മു​ള്ള കാ​ര്യ​മാ​ണെന്ന് അസീസ് പറഞ്ഞു.

ചി​ത്ര​ത്തി​​ന്റെ ഭാ​ഗ​മാ​കാ​ൻ സാ​ധി​ച്ച​തി​ലു​ള്ള അ​ഭി​മാ​ന​ത്തി​ലാ​ണ് എം. ​ന​സീം ആ​സാ​ദ്. പു​ലാ​പ്പ​റ്റ കോ​ണി​ക്ക​ഴി കെ.​എം.​എ വീ​ട്ടി​ൽ മു​ഹ​മ്മ​ദ് ഇ​ക്ബാ​ൽ-​റ​ഹ്മ​ത്ത് ദ​മ്പ​തി​ക​ളു​ടെ മ​ക​നാ​യ ന​സീ​മാ​ണ് ചി​ത്ര​ത്തി​​ന്റെ തി​ര​ക്ക​ഥ​യു​ടെ മ​ല​യാ​ള പ​രി​ഭാ​ഷ നി​ർ​വ​ഹി​ച്ച​ത്. ഹി​ന്ദി, ഇം​ഗ്ലീ​ഷ്, മ​ല​യാ​ളം ഭാ​ഷ​ക​ളി​ലാ​ണ് ചി​ത്രം പു​റ​ത്തി​റ​ങ്ങി​യ​ത്. ഒ​ന്ന​ര വ​ർ​ഷ​ത്തി​ലേ​റെ സ​മ​യ​മെ​ടു​ത്തും മ​റു​നാ​ടു​ക​ൾ സ​ന്ദ​ർ​ശി​ച്ചും മ​ല​യാ​ള​ത്തി​നാ​വ​ശ്യ​മാ​യ പ്ര​മേ​യ​വും ക​ഥ​യും രൂ​പ​പ്പെ​ടു​ത്തി​യെ​ടു​ക്കാ​ൻ നി​ര​വ​ധി പ​ഠ​ന​പ്ര​വ​ർ​ത്ത​ന​ങ്ങ​ളും ഗ​വേ​ഷ​ണ​വും ന​ട​ത്തി.

ചി​ത്ര​ത്തി​ന്റെ സ്ക്രി​പ്റ്റ് സൂ​പ്പ​ർ​വൈ​സ​റാ​യ ന​സീ​മാ​ണ് മ​ല​യാ​ള സം​ഭാ​ഷ​ണ​ങ്ങ​ൾ ത​യാ​റാ​ക്കി​യ​തും. നാ​ലു വ​ർ​ഷ​മാ​യി ഈ ​മേ​ഖ​ല​യി​ലു​ണ്ട്.