ഏറ്റവും വേഗത്തിൽ 50 മില്യൺ കാഴ്​ച്ചക്കാർ; പുതിയ റെക്കോർഡ്​ സ്വന്തമാക്കി അല്ലു അർജുൻ ചിത്രം 'പുഷ്​പ'യുടെ ടീസർ

തെലുങ്ക് സിനിമാ ഇൻഡസ്​ട്രിയിൽ പുതിയ റെക്കോർഡുമായി യുവ സൂപ്പർതാരം​ അല്ലു അര്‍ജുന്‍. ഏറ്റവും വേഗത്തിൽ 50 മില്യൺ ആളുകൾ കണ്ട ആദ്യ ടീസർ ആയി മാറിയിരിക്കുകയാണ്​ അല്ലു നായകനാവുന്ന പുഷ്പയുടെ ക്യാരക്​ടർ ടീസര്‍. ടോളിവുഡില്‍ നിന്ന് 24 മണിക്കൂറിനുള്ളില്‍ ഏറ്റവുമധികം ആളുകള്‍ കണ്ട വീഡിയോയും 'പുഷ്പ രാജിനെ അവതരിപ്പിക്കുന്നു' എന്ന് പേരിട്ടിരിക്കുന്ന ക്യാരക്ടര്‍ ടീസറാണ്​.

ഒരു ലക്ഷത്തിലധികം കമൻറുകളും 1.2 മില്യൺ ലൈക്കുകളും ടീസറിന് ലഭിച്ചിട്ടുണ്ട്​. രാജമൗലി ചിത്രങ്ങളായ ആര്‍. ആര്‍. ആര്‍, ബാഹുബലി എന്നിവയുടെയും പ്രഭാസി​െൻറ ഇറങ്ങാനിരിക്കുന്ന ചിത്രമായ രാധേശ്യാമി​െൻറയുമൊക്കെ റെക്കോര്‍ഡുകളാണ് പുഷ്പ തകര്‍ത്തത്. 24 മണിക്കൂറിനുള്ളില്‍ ഏറ്റവും കൂടുതൽ ആളുകൾ കണ്ട ടീസറുകളുടെ പട്ടികയിൽ സരിലേരു നീക്കവരു, ആര്‍.ആര്‍.ആര്‍, സാഹോ എന്നിവയുടെ ടീസറുകളെ കടത്തിവെട്ടിയാണ്​ പുഷ്പയുടെ ടീസര്‍ ഒന്നാമതായത്​.

ആഗസ്റ്റ് 13ന്​ റിലീസ് ചെയ്യാനിരിക്കുന്ന ചിത്രത്തിൽ അല്ലുവിനൊപ്പം പ്രതിനായക വേഷത്തിൽ ഫഹദ്​ ഫാസിലുമുണ്ട്​. ആര്യ, ആര്യ 2 എന്നീ ബ്ലോക്​ബസ്റ്റർ ചിത്രങ്ങൾക്ക്​ ശേഷം അല്ലുവും സുകുമാറും ഒരുമിക്കുന്ന ചിത്രം എന്ന പ്രത്യേകതയും പുഷ്​പയ്​ക്കുണ്ട്​. തമിഴ്, ഹിന്ദി, കന്നഡ, മലയാളം എന്നീ ഭാഷകളിലും ചിത്രം റിലീസ് ചെയ്യും. രശ്മിക മന്ദാന, ധനഞ്ജയ്, സുനില്‍, അജയ് ഘോഷ് എന്നിവരാണ് ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.