ഒരു വയസുകാരി പ്രധാനവേഷത്തിൽ; 'അന്ത്യ കുമ്പസാരം' ഫസ്റ്റ് ലുക്ക്‌ പോസ്റ്റർ

ഒരു വയസുകാരി ഇതൾ ശ്രീ എന്ന കുട്ടിയെ കേന്ദ്രകഥാപാത്രമാക്കി രാകേഷ് രവി രചനയും സംവിധാനവും നിർവഹിക്കുന്ന ചിത്രമാണ്'അന്ത്യ കുമ്പസാരം' . ചിത്രത്തിന്റെ ഫസ്റ്റ്ലുക്ക് പോസ്റ്റർ വൈറലാവുന്നു. കണ്ണീരും പുഞ്ചിരിയുമായി നിൽക്കുന്ന നിഷ്കളങ്കമായ കുട്ടിയുടെ ഓമനത്തമുള്ള മുഖമാണ് പോസ്റ്ററിൽ.

ത്രില്ലർ പശ്ചാത്തലത്തിൽ സാമൂഹ്യപ്രസക്തിയുള്ള കഥയാണ് ചിത്രം പറയുന്നത്. ഒരു വയസ്സുള്ള ഇതൾ ശ്രീയെ കൂടാതെ ഷോൺ സേവിയർ, വൈഷ്ണവി കല്യാണി, സമർഥ് അംബുജാക്ഷൻ, രാകേഷ് കല്ലറ, മാഹിൻ ബക്കർ, റോഷ്ന രാജൻ, ജോയൽ വറുഗീസ് എന്നിവരാണ് മറ്റുകഥാപാത്രങ്ങളെ അവതരിപ്പിക്കുന്നത്.

ഛായാഗ്രഹണം നിർവഹിക്കുന്നത് പ്രേം പൊന്നൻ ആണ്,സംഗീതം; ആനന്ദ് നമ്പ്യാർ , നിതിൻ കെ ശിവ, ലിറിക്സ് ദിൻ നാഥ് പുത്തഞ്ചേരി, ഹ്യൂമൻ സിദ്ദീഖ്, എഡിറ്റർ കപിൽ ഗോപാലകൃഷ്ണൻ, ആർട്ട് ശശിധരൻ മൈക്കിൾ, കോസ്റ്റ്യൂംസ് നീന, ബിൻസി, മേക്കപ്പ് സുജനദാസ്, പ്രൊഡക്ഷൻ കൺട്രോളർ അജേഷ് ഉണ്ണി, പ്രൊഡക്ഷൻ ഡിസൈനർ രാകേഷ് സാർജൻ, ചീഫ് അസോസിയേറ്റ് ഡയറക്ടർ അഭിജിത്ത് ഹ്യൂമൻ, അമൽ ഓസ്കാർ, ഗ്രാഫിക് ഡിസൈനർ ശ്രീലാൽ, സ്റ്റിൽസ് ജിജോ അങ്കമാലി, പി ആർ ഒ- എം കെ ഷെജിൻ.