അല്ലു സിരിഷി​െൻറ ആറാമത് ചിത്രത്തിൽ നായികയായി അനു ഇമ്മാനുവല്‍

നടന്‍ അല്ലു അര്‍ജു​െൻറ സഹോദരന്‍ അല്ലു സിരിഷ് നായകനാവുന്ന പുതിയ ചിത്രത്തി​െൻറ പ്രീലുക്ക് പോസ്റ്റര്‍ പുറത്തുവിട്ടു. മലയാളി താരം അനു ഇമ്മാനുവല്‍ ആണ് ചിത്രത്തില്‍ നായികയാവുന്നത്. ചിത്രത്തി​െൻറ ഫസ്റ്റ് ലുക്ക് പോസ്റ്റര്‍ സിരിഷി​െൻറ ജന്മദിനമായ മെയ് 30 ന് പുറത്തിറക്കും. ടൈറ്റിലും ഈ ദിവസമാണ് പുറത്തിറക്കുക. 'വിജേത' എന്ന ചിത്രത്തിലൂടെ പ്രശസ്തനായ രാകേഷ് ശാസിയാണ് ചിത്രം സംവിധാനം ചെയ്യുന്നത്.

ജിഎ 2 പിക്‌ചേഴ്‌സി​െൻറ ബാനറില്‍ താരത്തി​െൻറ പിതാവ്​ അല്ലു അരവിന്ദാണ് ചിത്രം നിര്‍മിക്കുന്നത്. സിരിഷി​െൻറ ആറമത്തെ ചിത്രമാണിത്. പ്രീലുക്ക് ട്വിറ്ററില്‍ 'സിരിഷ് 6' എന്ന ഹാഷ്ടാഗില്‍ ഇതിനോടകം വൈറലായി. അല്ലു സിരിഷി​െൻറ അവസാന ചിത്രം 'എ.ബി.സി.ഡി' പുറത്തിറങ്ങിയിട്ട് രണ്ട് വര്‍ഷമായി.

സിരിഷി​െൻറ 'വിലയതി ശരാബ്' എന്ന ഒരു ഹിന്ദി സിംഗിള്‍ വൈറലായിരുന്നു. ഇതിനോടകം വിഡിയോക്ക്​ 100 ദശലക്ഷം കാഴ്ച്ചക്കാരെ ലഭിച്ചു. നേരത്തെ മലയാളത്തിൽ മോഹന്‍ലാലിനൊപ്പം '1971 ബിയോഡ് ദി ബോര്‍ഡര്‍' എന്ന ചിത്രത്തില്‍ അല്ലു സിരിഷ് പ്രധാനവേഷത്തില്‍ എത്തിയിരുന്നു.