ടീസറിലും 'അന്ധാധുനെ' അനുസ്​മരിപ്പിച്ച്​ ഭ്രമം; ശരത്​കാല സന്ധ്യ പാടി ശങ്കറും

ഛായാഗ്രഹകന്‍ രവി കെ. ചന്ദ്രന്‍ സംവിധാനം നിര്‍വ്വഹിക്കുന്ന 'ഭ്രമ'ത്തി​െൻറ ടീസർ പുറത്തിറങ്ങി ആയുഷ്​മാൻ ഖുരാന മുഖ്യവേഷത്തിൽ അഭിനയിച്ച സൂപ്പർഹിറ്റ്​ ബോളിവുഡ്​ ചിത്രം അന്ധാദുനിന്‍റെ റീമേക്കാണ്​ ഭ്രമം. 'അന്ധാധു​െൻറ' ടീസറിന്​ സമാനമായാണ്​ ഭ്രമത്തി​േൻറതും ഒരുക്കിയിരിക്കുന്നത്​. ചിത്രത്തി​ലെ പഴയകാല സൂപ്പർ സ്​റ്റാറി​െൻറ വേഷം കൈകാര്യം ചെയ്യുന്നത്​ ശങ്കറാണ്​. ശങ്കറി​െൻറ തന്നെ ശരത്​കാല സന്ധ്യ എന്നുതുടങ്ങുന്ന സൂപ്പർഹിറ്റ്​ ഗാനത്തി​െൻറ ഭാഗവും ടീസറിൽ ഉൾപ്പെടുത്തിയിട്ടുണ്ട്​.

എ. പി ഇന്‍റര്‍നാഷണലിന്‍റെ ബാനറില്‍ നിർമിക്കുന്ന ചിത്രത്തി​െൻറ റിലീസ്​ ഒക്​ടോബർ ഏഴിനാണ്​​. ആമസോൺ പ്രൈമിലൂടെയാണ്​ ചിത്രം റിലീസ്​ ചെയ്യുക. പൃഥ്വിരാജ്‌, റാഷി ഖന്ന, ഉണ്ണി മുകുന്ദന്‍, മംമ്ത മോഹന്‍ദാസ്, ജഗദീഷ്, സുധീര്‍ കരമന, സുരഭി ലക്ഷ്മി, അനന്യ എന്നിവരും വ്യത്യസ്ഥ വേഷത്തിലെത്തുന്നു. അന്ധനെന്ന് നടിക്കുന്ന ഒരു പിയാനിസ്റ്റി​െൻറ ജീവിതമാണ്​ സിനിമ പറയുന്നത്​.

തിരക്കഥ,സംഭാഷണം-ശരത് ബാലന്‍, ലൈൻ പ്രൊഡ്യുസര്‍-ബാദുഷ എന്‍. എം, എഡിറ്റിംഗ്- ശ്രീകര്‍ പ്രസാദ്, സംഗീതസംവിധാനം- ജെയ്​ക്​സ് ബിജോയ്, കല-ദിലീപ് നാഥ്, കോസ്റ്റ്യൂം ഡിസെെനര്‍-അക്ഷയ പ്രേമനാഥ്, അസ്സോസിയേറ്റ് ഡയറക്ടര്‍- ജിത്തു അഷ്‌റഫ്, സൂപ്പര്‍വൈസിങ് പ്രൊഡ്യൂസര്‍- അശ്വതി നടുത്തൊടി.

പ്രൊഡക്ഷന്‍ കണ്‍ട്രോളര്‍-ജിനു പി. കെ, സ്റ്റീല്‍സ്-ബിജിത് ധര്‍മ്മടം, മേക്കപ്പ്-റോണക്സ് സേവ്യര്‍, എക്‌സിക്യൂട്ടീവ് പ്രൊഡ്യൂസര്‍-ഓപ്പണ്‍ ബുക്ക് പ്രൊഡക്ഷന്‍, ടൈറ്റിൽ ഡിസൈന്‍- ആനന്ദ് രാജേന്ദ്രന്‍, പ്രൊഡക്ഷന്‍ എക്സിക്യൂട്ടീവ്-ഷെെന്‍, പ്രൊഡക്ഷന്‍ മാനേജര്‍-പ്രിന്‍സ്,വാട്ട്സണ്‍, വാര്‍ത്ത പ്രചരണം-എ.എസ് ദിനേശ്.