'ചീരു ബാക്​ ടു ജോയ്​ൻ'; ചിത്രം പങ്കുവച്ച്​ നടൻ അർജുൻ

ബംഗളൂരു: അന്തരിച്ച കന്നട നടൻ ചിരജ്ഞീവി സർജയുടേയും നടി മേഘ്ന രാജി​െൻറയും കുഞ്ഞി​െൻറ ചിത്രം പങ്കുവച്ച്​ നടൻ അർജുൻ. വ്യാഴാഴ്ച രാവിലെയാണ്​ ബം​ഗളൂരുവിലെ സ്വകാര്യ ആശുപത്രിയിൽ മേഘ്നരാജ്​ ആൺകുഞ്ഞിന്​ ജന്മം നൽകിയത്​. അർജു​െൻറ മരുമകനാണ്​ മരിച്ചുപോയ ചിരജ്ഞീവി സർജ. 'ചീരു ബാക്​ ടു ജോയ്​ൻ' എന്ന കുറിപ്പോടെയാണ്​ അർജുൻ ചിത്രം പങ്കുവച്ചത്​. നേരത്തെ ചിരജ്ഞീവിയുടെ സഹോദരൻ ധ്രുവ്​ കുഞ്ഞിനെ കൈകളിലെടുത്ത് നില്‍ക്കുന്ന ചിത്രം സാമൂഹിക മാധ്യമങ്ങളിൽ വൈറലായിരുന്നു.

ഇൗ വർഷം ജൂൺ ഏഴിന് ഹൃദയാഘാതത്തെ തുടർന്നാണ്​ ചിരഞ്ജീവി സർജ അന്തരിച്ചത്​. 39 വയസായിരുന്നു.മേഘ്ന മൂന്നുമാസം ഗർഭിണിയായിരിക്കെയാണ്​ ചിരഞ്ജീവിയെ മരണം തട്ടിയെടുത്തത്​.ചിരഞ്ജീവിയുടെ ചിത്രത്തിനരികെ ഇരുന്നുകൊണ്ട് നടത്തിയ മേഘ്നയുടെ ബേബി ഷവര്‍ ചടങ്ങുകളുടെ ഫോട്ടോകളും സാമൂഹിക മാധ്യമങ്ങളിൽ വൈറലായിരുന്നു. കൺമണിയെ വരവേൽക്കാൻ സഹോദരൻ ധ്രുവ്​ 10 ലക്ഷത്തി​െൻറ വെള്ളി തൊട്ടിലൊരുക്കിയതും വാർത്തയായിരുന്നു.