'നിനക്ക്​ കിട്ടിയ പണിയൊന്നും പോരെ'; 'ചിരി'യുടെ ട്രെയിലർ പുറത്ത്​

ഷൈൻ ടോം ചാക്കോയുടെ അനുജൻ ജോ ജോണ്‍ ചാക്കോ, അനീഷ് ഗോപാല്‍, കെവിന്‍ എന്നിവരെ പ്രധാന കഥാപാത്രങ്ങളാക്കി ജോസഫ് പി കൃഷ്ണ സംവിധാനം ചെയ്യുന്ന "ചിരി " എന്ന ചിത്രത്തി​െൻറ ട്രെയിലർ പ്രശസ്ത സംവിധായകരായ സിദ്ധിഖ്, ലാല്‍ ജോസ്, ആഷിഖ് അബു, അരുണ്‍ ഗോപി, ഒമര്‍ ലുലു എന്നിവർ ഫേസ്​ബുക്കിലൂടെ റിലീസ് ചെയ്തു.

ഡ്രീം ബോക്‌സ് പ്രൊഡക്ഷന്‍ ഹൗസിന്റെ ബാനറില്‍ മുരളി ഹരിതം,ഹരീഷ് കൃഷ്ണ നിര്‍മ്മിച്ച് ജോസഫ് പി കൃഷ്ണ കഥയെഴുതി സംവിധാനം നിര്‍വ്വഹിച്ചിരിക്കുന്ന ഈ ചിത്രത്തിന്റെ തിരക്കഥയും സംഭാഷണവും രചിച്ചിരിക്കുന്നത് ദേവദാസാണ്. ചിത്രത്തില്‍ ശ്രീജിത്ത് രവി,സുനില്‍ സുഗദ,ഹരികൃഷ്ണന്‍ ,രാജേഷ് പറവൂര്‍,വിശാല്‍, ഹരീഷ് പേങ്ങ,മേഘ,ജയശ്രീ,സനൂജ,അനുപ്രഭ,ഷൈനി എന്നിവ അഭിനയിക്കുന്നു. ചിത്രത്തിന്​ വേണ്ടി ജിന്‍സ് വില്‍സൺ ഛായാഗ്രഹണവും സൂരജ്​ ഇഎസ്​ എഡിറ്റിങും വിനായക്​ ശശികുമാർ സംഗീതവും നിർവഹിക്കുന്നു.