ഒാസ്ക​ാറുകൾ വാരിക്കൂട്ടി നൊമാഡ്‍ലാൻഡ്; സംവിധാനം ക്ലോയി ചാവോ, നടൻ ആൻണി ഹോപ്​കിൻസ്​, നടി ഫ്രാൻസെസ് മക്ഡോർമൻഡ്​

ലോസ്​ഏഞ്ചൽസ്: മികച്ച സംവിധാനത്തിനുള്ള ഒാസ്​കർ പുരസ്​കാരം നേടി ചരിത്രം കുറിച്ച് ക്ലോയി ചാവോ. ചൈനീസ് വംശജ ക്ലോയി ഈ പുരസ്കാരം നേടുന്ന ആദ്യ ഏഷ്യക്കാരിയാണ്. മികച്ച സംവിധാനത്തിന് ഓസ്കർ നേടുന്ന രണ്ടാമത്തെ വനിതയായി ക്ലോയി മാറി. മികച്ച ചിത്രമായി ​തെരഞ്ഞെടുത്ത 'നൊമാഡ്‍ലാൻഡ്' എന്ന ചിത്രത്തിലൂടെയാണ്​ ​േക്ലായി ചാവോ പുരസ്​കാര ജേതാവായത്​. മികച്ച നടിയടക്കം മൂന്ന്​ പുരസ്​കാരങ്ങൾ 'നൊമാഡ്‍ലാൻഡ്' നേടി.

ഫ്രാൻസെസ് മക്ഡോർമൻഡ്​ ആണ്​ മികച്ചനടി. നൊമാഡ്​ലാൻഡിൽ ഇവർ അവതരിപ്പച്ച വേഷത്തിനാണ്​ അവാർഡ്​. ആൻണി ഹോപ്​കിൻസാണ്​ മികച്ച നടൻ. 'ദ ഫാദർ' ലെ വേഷമാണ്​ ആന്‍റണി ഹോപ്​കിൻസിന്​ അവാർഡ്​ നേടിക്കൊടുത്തത്​. മികച്ച നടനുള്ള അവാർഡ്​ നേടുന്ന ഏറ്റവും ​പ്രായം കൂടിയ ആളെന്ന ബഹുമതിയും ആന്‍റണിക്ക്​ സ്വന്തമായി.​

പ്രോമിസിങ് യങ് വുമൻ എന്ന ചിത്രത്തിലൂടെ മികച്ച തിരക്കഥയ്ക്കുള്ള പുരസ്കാരം എമെറാൾ ഫെന്നെൽ സ്വന്തമാക്കി. മികച്ച അവലംബിത തിരക്കഥ ക്രിസ്റ്റഫർ ഹാംപ്റ്റൻ, ഫ്ലോറിയൻ സെല്ലെർ (ചിത്രം: ദ ഫാദർ). മികച്ച ഛായാഗ്രഹണം: എറിക് മെസേർഷ്മിറ്റ് (ചിത്രം: മാൻക്).

'ജൂദാസ് ആൻഡ് ദ ബ്ലാക് മിശിഹ' എന്ന ചിത്രത്തിലൂടെ മികച്ച സഹനടനുളള പുരസ്കാരം ഡാനിയൽ കലൂയ സ്വന്തമാക്കി. 'മിനാരി'യിലെ വേഷത്തിന്​ യുനു യു ജംഗ് മികച്ച സഹനടിക്കുള്ള പുരസ്​കാരം നേടി. ​

മികച്ച ആനിമേഷൻ ചിത്രത്തിനുള്ള പുരസ്​കാരം 'സോൾ' നേടി. 'മൈ ഒക്​ടോപസ്​ ടീച്ചർ' ആണ്​ മികച്ച ഡോക്യൂമെന്‍ററി ചിത്രം. എഡിറ്റിങ്ങിനും ശബ്​ദത്തിനുമുള്ള പുരസ്​കാരം 'സൗണ്ട്​ ഒാഫ്​ മെറ്റൽ' നേടി. 'ജൂദാസ് ആൻഡ് ദ ബ്ലാക് മിശിഹ', '​ഫൈറ്റ്​ ഫോർ യു' എന്നവക്കാണ്​ ഗാനത്തിനുള്ള പുരസ്​കാരം.

ആനിമറ്റേഡ്​ ഹ്രസ്വചിത്രത്തിനുള്ള പുരസ്​കാരം 'ഇഫ്​ എനിതിങ്​ ഹാപൻസ്​ ഐ ലവ്​ യു' നേടി. സംഗീതത്തിനുള്ള പുരസ്​കാരം 'സോൾ' നേടി.